Inkumi n’abasore 19 bajyanwe mu bitaro igitaraganya n’abasirikare nyuma yo kunanirwa imyitozo yo kwinjira muri Local Defense

Amakuru   Yanditswe na: Martin Munezero 22 July 2019 Yasuwe: 4294

Mu gihugu cy’igituranyi cya Uganda Ibitaro bya Soroti ejo hashize tariki ya 21 byakiriye abasore n’inkumi 19 bazanywe n’ingabo kuko nta gatege bari basigaranye nyuma yo kugerageza kwiruka ibilometero bine mu rwego rwo kureba niba bafite imbaraga zatuma barindira abaturage umutekano. Hari mu igerageza ryo kureba niba bashyirwa mu mutwe ufasha Police gucunga umutekano w’abaturage witwa Local Defense Unit(LDU).

Nyuma yo kwiruka intera runaka bamwe bikubise hasi kubera ko umwuka wababanye muke.

Muri bo hari abajyanywe kwa muganga barimo uwitwa Celina Ageto, Ocen , Sam Okello , Joseph Ejiku n’abandi.

Abaganga bo mu bitaro bya Soroti bafashe ruriya rubyiruko kugarura intege binyuze mu kubaha ibintu birimo isukari.

Bamwe mu bagize ikibazo basabaga ingabo n’abaganga kuzita ku miryango yabo nibaramuka ‘bitabye Imana.’

Umwe mu birukaga ariko wari ugifite intege yagize ati: “ Batubwiye ko abantu 50 ba mbere bari bwiruke iriya ntera aribo bakomeza mu kiciro cya kabiri cy’ijonjora. Byatumye dukoresha ingufu nyinshi bamwe zishirira mu nzira.”

Capt. Abert Arinaitwe wo muri Diviziyo ya 3 y’ingabo za Uganda ari nayo iri gutoranya abagize ruriya rwego yavuze ko abagaragaje intege nke bahise batsindwa bityo ko nibakira bazahita bataha.

Ati: “ Niba wiruka ibilometero bine ukabura umwuka ukagwa kandi ari hantu hato, bivuze ko udashoboye…”

Abasore n’inkumi 3000 baturutse mu bice bya Serere, Soroti, Kaberamaido na Kalaki nibo bitabiriye iriya myitozo.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Nkurunziza yamaze amatsiko abibaza niba azongera kwiyamamariza...

Perezida w’igihugu cy’u Burundi, Petero Nkurunziza yavuze ko imihigo...
21 August 2019 Yasuwe: 3781 1

Minisitiri w’intebe wa RDC agiye gushyiraho guverinoma nshya itegerejwe na...

Minisitiri w’Intebe wa Repubulika Iharanira Demokarasi ya Congo, Ilunga...
20 August 2019 Yasuwe: 642 0

Burundi :Umurwanashyaka wa CNL yishwe abandi batandatu barakomereka

Umurwanashyaka w’ishyaka rya CNL ryashinzwe na Agayhon yaraye yishwe abandi...
19 August 2019 Yasuwe: 1463 0

Muri Uganda imodoka yaturitse hapfa abantu barenga 10

Mu gitondo cyo kuri uyu wa mbere taliki 19 Kanama 2019, yatangaje ko haraye...
19 August 2019 Yasuwe: 1080 0

Umugabo uhabwa amahirwe menshi yo gusimbura perezida Nkurunziza...

Mu gihe habura igihe gito kugira ngo amatora mu Burundi abe,benshi bakomeje...
18 August 2019 Yasuwe: 5558 1

Afghanistan: Umwiyahuzi yaturikirije igisasu mu bukwe gihitana abantu 63...

Igisasu cyaturikiye mu bukwe bwaberaga i Kabul mu murwa mukuru wa...
18 August 2019 Yasuwe: 773 0