Iran ngo yiteguye intambara na USA ndetse ibisasu bikomeye yabitunze ku birindiro byayo

Amakuru   Yanditswe na: Dusingizimana Remy 15 September 2019 Yasuwe: 4376

Igihugu cya Iran cyabwiye Leta zunze ubumwe z’Amerika ko cyiteguye guhangana nayo mu ntambara ndetse ngo ibirindiro byayo byose bitunzweho ibisasu bya kirimbuzi ku buryo niyibesha bazahita babyohereza.



Komando witwa Amirali Hajizadeh yateye Amerika ubwoba ayibwira ko nyuma y’aho utudege tutagira abaderevu tutazwi ba nyiratwo tugabiye ibitero bikomeye ku nganda z’amavuta za Saudi Arabia,biteguye no guha gasopo USA.

Iran yanyomoje ibirego yaregwaga na USA ko ariyo yagabye ibitero kuri uru ruganda rukomeye rugaburira isi yose amavuta akomoka kuri peteroli, rwo muri Saudi Arabia kuwa Gatandatu,tariki ya 14 Nzeri 2019.

Itsinda ryitwa Houthi ryo muri Yemen niryo ryigambye ibi bitero byangije bikomeye ubu bubiko bukomeye bw’ibikomoka kuri peteroli bwa Saudi.

Umunyamabanga wa USA,Mike Pompeo,yavuze ko nta gihamya kigaragaza koi bi bitero byaturutse muri Yemen ahubwo ashinja Iran ko ariyo yagabye ibi bitero bikomeye kuri uru ruganda rukomeye rwa Saudi Arabia.

Pompeo yagize ati “Turasaba amahanga ko yadufasha kwamagana ibi bitero by’abanya Iran.USA n’ibihugu by’inshuti zayo bizakomeza kurinda amasoko atanga ingufu ku isi yose kugira ngo akomeze gukora neza ndetse Iran izishyura ubu bushotoranyi.”

Ubu butumwa bwa Pompeo bwo kuri Twitter bwatumye ahita aterana amagambo n’umuvugizi wa Minisiteri y’ububanyi n’amahanga ya Iran, Abbas Mousavi, wavuze koi bi birego nta shingiro bifite.

Ibi bitero byibasiriye uruganda rwa Aramco rwo mu gace kaAbqaiq na Khurais,bishobora gutuma ibiciro by’ibikomoka kuri petrol byiyongera gusa igikomangoma cya Saudi Arabia, Mohammed bin Salman cyabwiye Trump ko Riyadh yiteguye guhangana n’ibi bitero by’ibyihebe.



Uruganda rw’ibikomoka kuri petroli rwa Aramco muri Saudi Arabia rwagabweho ibitero bya drone

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Gasake

    iriya ntambara imaze iminsi mt middle east ishobora kuba ikimenyetso cy’uko iya gatatu y’isi yagatatu yatangiye,twibuke ko bizateza ihungabana ry’ubukungu bw’isi cyane cyane ibihugu bikiri mu nzira yamajyambere.

    2 months ago
  • chat_bubble mazina

    Ibi nta handi bijyana isi uretse ku ntambara ya 3 y’isi.Isi yugarijwe n’ibibazo bikomeye cyane kandi biteye ubwoba: IRAN,North Korea nuclear proliferation,South China Sea militarisation,Crimea annexation,Ukraine Civil war,Syria war,etc…Ikindi kibazo giteye ubwoba cyane,ni New Arms Race (Irushanwa mu gucura intwaro zikomeye) .Muribuka ibitwaro biteye ubwoba Putin aherutse kwereka isi yose ibindi bihugu bidafite (Hypersonic Missiles).Senior Geostrategists and Military Generals bahamya ko nta kabuza ibi byose bitujyana ku ntambara ya 3 y’isi,ubwo noneho bazarwanisha atomic bombs isi yose igashira.Icyo batazi nuko Bible ivuga ko Imana irimo kubacungira hafi.Ntabwo yakwemera ko batwika isi yiremeye.Nkuko bible ivuga,Imana izabatanga itwike biriya bitwaro,ikure intambara mu isi hose,ibanje gukura mu isi abantu bose bakora ibyo itubuza, harimo n’abarwana.Ibyo bizaba ku munsi bible yita armageddon ushobora kuba utari kure,iyo urebye ubushyamirane muli iki gihe bw’ibihugu bifite atomic bombs.

    2 months ago

Inzindi nkuru

Lambert Mende wahoze ari umuvugizi wa Joseph Kabila yakuriweho ibihano yari...

Umuryango w’ibihugu by’Uburayi waherukaga gufatira ibihano abantu 14 bahoze...
9 December 2019 Yasuwe: 450 0

Reba Minisitiri w’Intebe ukiri muto ku isi kurusha abandi

Sanna Marin w’imyaka 34 muri iki cyumweru ararahirira inshingano zo kuba...
9 December 2019 Yasuwe: 3497 0

Umuryango wa Barack Obama waguze akayabo inzu nziza cyane ku...

Umuryango wa Barack Obama na Michelle Obama waguze inzu shya mu kirwa...
9 December 2019 Yasuwe: 6715 0

Umugore wari umaze amasaha 6 apfuye yazutse abifashwemo n’abaganga

Umugore wo mu Bwongereza yagaruwe mu buzima nyuma y’amasaha atandatu umutima...
9 December 2019 Yasuwe: 3115 0

Kenya:Umupolisi yafashwe n’abaturage ari gukora mu mufuka wa afande we yari...

Umupolisi wo mu gihugu cya Kenya, arashinjwa n’abaturage gukora mu mu mufuka...
9 December 2019 Yasuwe: 2884 0

Urukiko rwa Afurika y’ Uburasirazuba rwatesheje agaciro ikirego cya Perezida...

Urukiko rwa Afurika y’ Iburasirazuba EACJ rwatesheje agaciro ikirego...
9 December 2019 Yasuwe: 2463 0