Ishusho nshya y’umugore wa Donald Trump yateje impaka aho avuka[AMAFOTO]

Amakuru   Yanditswe na: Martin Munezero 6 July 2019 Yasuwe: 4904

Ishusho itagaragaza neza Melania Trump, umugore wa Perezida wa Leta Zunze Ubumwe z’Amerika, yagaragaye mu nkengero y’umujyi avukamo mu gihugu cya Slovenia, rwagati ku mugabane w’Uburayi.

Umunyabugeni w’Umunyamerika Brad Downey ni we wahaye ikiraka Ales Zupevc, umubaji waho, ngo abaze ingiga y’igiti iri hanze y’umujyi wa Sevnica ayihe ishusho ya Madamu Trump.

Icyavuyemo ni igiti kijya gusa na Madamu Trump yambaye ikoti ry’ubururu ndetse n’ikiganza kijya kumera nk’ubuhiri gitumbereye mu kirere.

Bamwe mu bahatuye bavuze ko iyo shusho "iteye isoni", ko "idasa na gato na Melania".

Downey yabwiye ibiro ntaramakuru Reuters ko mu kubazisha iyo shusho, yashakaga ko "habaho ikiganiro" ku biri kuba muri politiki y’Amerika muri iki gihe.

Uyu munyabugeni ari gukora imurika-bihangano mu murwa mukuru Ljubljana wa Slovenia kugeza mu mpera y’ukwezi gutaha kwa munani. Amakuru avuga ko iyo shusho ishobora "kwerekanwa gusa nk’igishushanyo kigamije gusetsa" iri ku gipapuro.

Umujyi wa Sevnica wahindutse ahantu hasurwa cyane na ba mukerarugendo basura Slovenia kuva Donald Trump yatorwa nka Perezida w’Amerika mu mwaka wa 2016, na Madamu Trump - w’icyamamare wahoze uhatuye - akaba muka Perezida w’Amerika.

Uko abasura uyu mujyi barushako kugerageza kumenya ko Madamu Trump yabagaho mbere akiri muto, abahatuye babazanira ibicuruzwa bitandukanye birimo inkweto zo kogeramo zizwi nka kamambiri (’kamba mbili’) ndetse n’imigati bifite ishusho ijya kumera nk’iya Madamu Trump.

Mu gihe bamwe mu bahatuye banenze iyo shusho bavuga ko uwayibaje yarengereye, Katarina w’imyaka 66 y’amavuko we yabwiye ibiro ntaramakuru AFP ko ari "igitekerezo cyiza" kugira igihangano nk’icyo.

Yongeyeho ati: "Melania ni intwari ya Slovenia, yashoboye kugera ku isonga muri Amerika".

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Congo:Abagororwa 45 bapfiriye muri gereza

Abashinzwe ubuzima muri gereza ya Bukavu iri mu burasirazuba bwa Repubulika...
18 October 2019 Yasuwe: 1097 0

Bisi y’itorero ry’Abapantekoti yafatiwemo udupfunyika tw’urumogi dufite...

Kuri uyu wa 15 Ukwakira 2019, Polisi ya Kenya yatahuye imodoka yo mu bwoko...
18 October 2019 Yasuwe: 3350 0

Perezida Museveni yemeje ko akora ibyo yasinyiye mu masezerano yo muri...

Mu kiganiro cyihariye perezida wa Uganda,Yoweli Kaguta Museveni yagiranye...
18 October 2019 Yasuwe: 2616 0

Kwa papa bashyizeho ishapure y’ikoranabuhanga ihenze cyane kugira ngo...

I Vatican bari kwiyegereza urubyiruko muri iki gihe rukoresha cyane...
17 October 2019 Yasuwe: 3394 0

Perezida Erdogan wa Turkia yajugunye mu myanda ibaruwa yandikiwe na...

Ikinyamakuru BBC cyatangaje ko cyabwiwe ko Perezida Recep Tayyip Erdogan wa...
17 October 2019 Yasuwe: 2937 0

Ubuholandi: Umugabo araregwa gufunga umuryango we ngo bategereze...

Umugabo yatawe muri yombi nyuma yaho umuryango w’abantu utahuwe uhishwe mu...
17 October 2019 Yasuwe: 1420 0