Jose Chameleone yavuze uburyo iminsi yamuhinduye aho ngo anifuza impinduka mu gihugu cye cyugarijwe n’ubukene kubera abantu bagena abagomba kubaho neza

Amakuru   Yanditswe na: Martin Munezero 2 November 2019 Yasuwe: 1285

Umuhanzi Jose Chameleone wo muri Uganda yatangaje ko ibihe byamwigishije agahinduka, akaba anifuza impinduka mu gihugu cye avuga ko cyugarijwe n’ubukene kuko hari abo yita ko bagena bamwe bagomba kubaho neza.



Jose Chameleone - amazina ye nyayo ni Joseph Mayanja - ni umuhanzi uzwi cyane muri aka karere, ubu ari mu ishyaka Democratic Party (DP) ritavuga rumwe n’ubutegetsi.

Yanditse ku rubuga rwe rwa Facebook ko yatangiye nk’abandi babyiruka bose "nshakisha kwamamara, amafaranga n’imodoka n’ibindi bijyana nabyo".

Ati: "Ariko nagiye mbona ko byose bishira kandi n’abantu benshi bakomeye babiharaniye bagenda bakibagirana".

Bwana Mayanja avuga ko "iminsi yamwigishije.

Uyu muhanzi mu gihe kinini gishize yari mu bashyigikira kandi bavuga ibigwi Perezida Yoweri Museveni n’ishyaka rye NRM rimaze imyaka 30 ku butegetsi.

Mu nyandiko ye, ntiyamuvuze yeruye cyangwa ngo avuge iri shyaka rye, yaviye amarenga.

Ati: "imyaka 20 ishize mbashyigikira ni impamvu ituma ubu hakenewe impinduka nziza kuri bose aho kubona bacye batoranyijwe n’umwe muri twe".

Bamwe mu banya-Uganda bagaragaza Jose Chameleone nk’ufite akayihayiho ko kwinjira muri politiki ikamubeshaho kuko muzika ye itakiri gutera imbere.

Bwana Chameleone ubu mu mvugo ze akoresha amagambo y’abanyapolitiki ariko batari ku ruhande rw’ubutegetsi yahoze ashyigikira akoresheje muzika ye.

Yanditse ati: "Uganda ifite ikibazo rusange cy’ubukene. Niyo mpamvu uzabona babagurira impano n’amashimwe kugira ngo babahume amaso babinjizemo ibitekerezo byabo".

Perezida Museveni ni umunyapolitiki muri ibi bihe ugaragara aha urubyiruko impano zinyuranye zirimo n’amafaranga mu buryo bwa ’cash’ kugira ngo biteze imbere.

Jose Chameleone ati: "Nyuma y’imyaka myinshi ubu noneho barasha gusaranganya? Ese koko barabishaka? Cyangwa ni igitutu ubu twabashyizeho? Bazagura umwanya ariko ntibazagura igihe".

Chameleone avuga ko bashaka inzira zategura ejo heza h’abazaza. Ati: "Benshi muri twe turacyizeye kandi turi kumwe ngo tugere ku mpinduka".

Mu kwezi kwa karindwi, Jose Chameleone yatangaje ko nyuma y’igihe gito agaragaje ko atagishyigikiye Perezida Museveni, uyu mutegetsi yahise ava mu bamukurikiraga (followers) kuri twitter.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

John w’imyaka 23 bamukatiye azira kwimya inka

Muri Kenya urukiko rwo mu mujyi wa Kapenguria ruherereye mu gace ka Pikot...
27 February 2020 Yasuwe: 0 0

Umusore yabengewe n’umukobwa mu ruhame nawe ahita amwihimuraho

Kuri iki cyumweru.tariki ya 23/02/2020, mu gihugu cya Angola umusore yari...
27 February 2020 Yasuwe: 0 0

Umuherwe Bill Gates yatanze akayabo k’amafaranga nk’inkunga yo gukumira...

Umuryango Fondation Bill et Melinda Gates washinzwe n’umuherweBill Gates,...
27 February 2020 Yasuwe: 0 0

Umusaza waruherutse gutangazwa ko ariwe ukuze kurusha abandi ku isi...

Chitetsu Watanabe, umusaza w’imyaka 112 y’amavuko wari uherutse gutangazwa ko...
26 February 2020 Yasuwe: 1111 1

Amafoto y’Ababyeyi bashyira abana mu mashashi kugira ngo babone uko...

Hari ibice bimwe na bimwe ku isi ubuzima buba butoroshye kuko nta mihanda,...
26 February 2020 Yasuwe: 4163 0

Weinstein wahoze ari umuyobozi ukomeye muri Hollywood yahamijwe ibyaha byo...

Harvey Weinstein wahoze akomeye cyane muri Sinema yo muri Leta zunze ubumwe...
25 February 2020 Yasuwe: 605 0