skol
startimes

Joseph Kabila akomeje gutenguhwa n’abarimo murumuna we

Amakuru   Yanditswe na: Martin Munezero 14 November 2020 Yasuwe: 4598

Perezida Félix Tshisekedi yatangije gahunda yiswe ‘consultation’ yo kwakira inkunga y’ibitekerezo, byamufasha gukomeze kuyobora neza, ni mu gihe umwuka utari mwiza hagati y’amahuriro mpuzamashyaka ya politiki asangiye imyanya ikomeye mu butegetsi bw’igihugu.


Intandaro y’umwuka mubi hagati yaFCC rya Joseph Kabila na CACH rya Perezida Felix Tshisekedi yabaye ibyemezo bitandukanye Perezida Tshisekedi yagiye afatira urwego rw’ubutabera, abo muri FCC bagahamya ko bihabanye n’Itegekonshinga.

Ikibazo cyaje kongera ubukana ubwo mu Kwakira 2020, Perezida Tshisekedi yarahizaga abanyamategeko bahagarariye urukiko rusumba izindi, abakuru muri FCC biyemeza kudakorana na bo. Icyo gihe bongeye gutunga agatoki uyu Mukuru w’Igihugu, bavuga ko akomeje kurengera.

Ubwo Perezida Tshisekedi yateguraga iyi gahunda ya ‘consultation’, abakuru muri FCC barimo abadepite, abasenateri, ba minisitiri nab a guverineri bakoze inama zitandukanye, zirimo izakorewe mu isambu nini ya Joseph Kabila, iri muri Kingakati.

Nk’uko igitangazamakuru Actualite.CD kibivuga, muri izo nama hafatiwemo imyanzuro itandukanye, harimo ko nta muyoboke wa FCC uzitabira gahunda ya ‘consultation’.

Ibyo aba bayobozi bakomeye muri FCC bumvikanye na Joseph Kabila, ntabwo bari kubikurikiza.

Iki gitangazamakuru gikorera muri Repubulika ya Demukarasi ya Congo (RDC) kivuga ko kuva tariki ya 2 Ugushyingo 2020; abadepite, abasenateri n’abaminisitiri bo muri FCC bagiye bitabira gahunda ya consultaion.

Aho bigeze na murumuna wa Joseph Kabila witwa Zoé Kabila, na we tariki ya 11 Ugushyingo 2020, yamaze kugera muri Kinshasa, aho yagiye kwitabira iyi gahunda. Uyu ni Guverineri w’Intara ya Tanganyika.

Zoe Kabila yageze i Kinshasa ari kumwe na bagenzi be barimo Jacques Kyabula, uyobora Intara ya Haut-Katanga na Richard Muyej uyobora Intara ya Lualaba, bakaba bose ari abayoboke ba FCC, ihuriro rifite abayoboke b’abaguverineri 25 muri 26 bagize igihugu cyose.

Jacques Kyabula mu kiganiro yagiranye n’itangazamakuru ubwo bageraga ku kibuga cy’indege cya Kinshasa, yagize ati: “Nka ba Guverineri b’Intara twitabye ubutumire bw’Umukuru w’Igihugu, ku bijyanye na gahunda ya consultation.”

Kugeza ubu ntabwo ibiro bya Perezida biratangaza niba byaragiranye ibiganiro n’aba ba Guverineri barimo Zoé Kabila, nk’uko bisanzwe bibigenza mu gihe uyu Mukuru w’Igihugu yaganiriye n’abandi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine yandikiye ibaruwa yuzuyemo amarangamutima Producer we warasiwe mu...

Robert Kyagulanyi Sentamu uzwi ku izina rya Depite Bobi Wine yanditse...
2 December 2020 Yasuwe: 2327 0

Boko Haram yasohoye Videwo nshya yigamba ko ari yo yishe abahinzi bagera...

Umutwe wa Boko Haram w’intagondwa ziyitirira Isilamu wasohoye videwo nshya...
2 December 2020 Yasuwe: 937 0

Burundi:Indaya yandagaje umuyobozi w’umugore ibinyujije mu ibaruwa...

Indaya yitwa Riziki Shurweryimana ibarizwa muri Komini ya Mutumba mu Ntara...
1 December 2020 Yasuwe: 3561 0

Ibintu 7 utazi ku muherwe w’umushinwa Jck Ma wafungiwe mu nzu iminsi 2...

Jack Ma, cyangwa Ma Yun yavutse ku ya 10 Nzeri 1964 i Hangzhou, Zhejiang,...
1 December 2020 Yasuwe: 1933 1

Barack Obama yahishuye impamvu ituma atinya umugore we n’umwana wabo muto...

Barack Obama wabaye Perezida wa 44 wa Leta Zunze Ubumwe za Amerika n’umugore...
30 November 2020 Yasuwe: 7755 0

Aba Karidinali 13 baherewe umugisha i Vatican na Nyirubutange Papa harimo...

Nyuma yo kwimikwa bakaba aba ‘cardinals’ ku mugaragaro, bajyanye na Papa...
30 November 2020 Yasuwe: 842 0