skol
startimes

Kizito Mihigo yahawe igihembo cya ‘Václav Havel International’, bwa mbere gihawe umuntu utakiriho

Amakuru   Yanditswe na: Martin Munezero 18 September 2020 Yasuwe: 4871

Bwa mbere mu mateka, Umuryango mpuzamahanga uharanira uburenganzira bwa muntu, HRF (Human Righs Foundation), wahaye umuhanzi Kizito Mihigo igihembo cya ‘Václav Havel International Prize for Creative Dissent’ ikaba ari inshuro ya mbere gihawe umuntu utakiriho.


Iki gihembo ubusanzwe gihabwa ahanini abahanzi baharanira uburenganzira bwa muntu babicishije mu bihangano, Kizito Mihigo we yagihawe nk’uwaharaniye amahoro, ubumwe n’ubwiyunge, aho yahamagariye abishe muri jenoside yakorewe Abatutsi mu 1994 kwiyunga n’abo biciye, bukaba ari ubutumwa yakomeje gutanga n’igihe yari muri gereza.

Kizito Mihigo ahawe iki gihembo hamwe n’abandi bantu babiri barimo umuhanzi w’Umushinwa, Badiucao uri mu buhungiro muri Ausralia. Uyu ngo yagaragaje icyihishe inyuma y’imyigaragambyo ikomeye y’abatuye mu Ntara ya Hong Kong ndetse n’ukuri ku makuru y’icyorezo cya Covid-19 cyagaragaye bwa mbere mu mujyi wa Wuhan.

Undi wahawe iki gihembo ni umunya Saudi Arabia, Omar Abdulaziz uri mu buhungiro muri Canada. Uyu akora ibiganiro byihariye atambutsa ku rubuga rwa YouTube, ngo aho yagiye ahishura uburyo ubwami bwa Saudi Arabia buhonyora uburenganzira bw’ikiremwamuntu.

Iki gihembo cyitiriwe umusizi w’umunya-Czech, Václav Havel wigeze kuwubera umuyobozi mukuru bitewe n’uruhare yagize mu kurwanya igitugu mu gihugu cye. Itangwa ryacyo ryatangijwe mu 2012 rigizwemo uruhare n’umupfakazi wa Havel, Dagmar Havlova.

Kizito Mihigo wagihawe atakiriho yari umuhanzi w’indirimbo z’iyobokamana, amahoro, ubumwe n’ubwiyunge. Urwego rw’Igihugu rw’Ubugenzacyaha rwatangaje ko tariki ya 13 Gashyantare 2020 yafatiwe muri Nyaruguru ashaka kwambuka umupaka binyuranyije n’amategeko, agamije kujya kwifatanya n’imitwe y’iterabwoba.

Tariki ya 17 Gashyantare 2020, Polisi y’u Rwanda yatangaje ko mu rukerera Kizito Mihigo wari ufungiwe muri kasho ya Remera mu Karere ka Gasabo yapfuye yiyahuye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tanzania: Zimwe mu mbuga n’ikoranabuhanga zahagaritswe

Mbere y’amasaha make ngo muri Tanzania habe amatora y’Umukuru w’Igihugu...
27 October 2020 Yasuwe: 557 0

Reba ibihugu 5 bya mbere bifite igisirikare cyo mu kirere gikomeye muri...

Ingabo zirwanira mu kirere ni ishami ryo mu kirere ry’ingabo z’igihugu....
26 October 2020 Yasuwe: 4104 0

Amafoto yaciye ibintu:Reba Ibintu 6 bidasanzwe Abanya-Nigeria...

Abanya Nigeria bari mu myigaragambyo ya #EndSars ntibashobora kureka uyu...
26 October 2020 Yasuwe: 11510 0

Ishyaka rya Kabila ryigumuye kuri Perezida Felix Tshisekedi

Kuri uyu wa 22 Ukwakira 2020, ihuriro ry’amashyaka ya politiki ririmo FCC...
24 October 2020 Yasuwe: 3402 0

#CongoIsBleeding:Hashtag nshya yakuruye ibitekerezo k’ uburetwa bw’abana mu...

Ikoreshwa ry’abana bakiri bato mu birombe by’amabuye y’agaciro muri Repubulika...
24 October 2020 Yasuwe: 914 0

Abayoboke b’itorero White Tail bahisemo gusenga bambaye ubusa ngo kuko ariko...

Mu gace ka Southampton muri Leta ya Virginia, imwe mu zigize Leta Zunze...
24 October 2020 Yasuwe: 2448 3