Kompanyi y’indege yasabye imbabazi nyuma yo gusuzuma umugenzi ko atwite

Amakuru   Yanditswe na: Martin Munezero 17 January 2020 Yasuwe: 2399

Kompanyi y’indege yasabye imbabazi nyuma y’uko itegetse umugenzi gusuzumwa ko atwite kugira ngo yurire indege iva muri Hong Kong igana mu birwa bya Amerika biri mu nyanja ya Pacific.



Mu kwezi kwa 11, Midori Nishida w’imyaka 25 yateze indege ya Hong Kong Express Airways igana ku kirwa cya Saipan kiri mu majyaruguru y’ibirwa byitwa Mariana.

Bikunze gukorwa n’abagore benshi bo mu mahanga kujya kubyarira hariya kugira ngo abana babo babe bahabwa ubwenegihugu bwa Amerika.

Iyi kompanyi y’indege yariho yavuze ko yariho "ikora ibishoboka kugira ngo amategeko ya Amerika y’imipaka yubahirizwe".



Mbere, iyi kompanyi yari yavuze ko uyu mugore yakoreshejwe icyo kizami ngo "barebe niba ashoboye kugenda n’indege". Gusa ubu basabye imbabazi "baciye bugufi" ku byabaye.

Mu 2018, abakerarugendo benshi babyariye mu birwa bya Mariana kurusha abaturage baho nk’uko imibare y’ubutegetsi bwaho ibivuga.

Bivugwa ko ari ukubera umubare munini w’abagore bo mu mahanga - harimo benshi bava mu Bushinwa - bajya kuri ibi birwa kubyarirayo.



Byagenze bite kuri uwo mugore?

Madamazera Nishida, ubu utuye i Tokyo ariko wakuriye ku kirwa cya Saipan, yujuje urupapuro rw’ibibazo mbere yo gufata indege, mu bibazo harimo ikibaza niba atwite.

Ibi ntibabyari bihagije abakozi ba kompanyi y’indege basabye ko akorerwa ikizamini kireba ko ataba atwite. Yahise aherekezwa mu musarani ahabwa agakoresho gapima inkari baramupima.

Ubwo igisubizo cyazaga cyerekana ko adatwite yahise yemererwa kurira indege akajya kureba umuryango we umaze imyaka irenga 20 utuye kuri iki kirwa.

Uyu mugore yavuze ko ibyo yakorewe ari ibintu bibabaje kandi byo kumukoza isoni, ndetse ko iyi kompanyi yari yanze kugira icyo imusubiza ku kirego cye.

Ubu iyi kompanyi iravuga iki?

"Turasaba imbabazi dushikamye kuri buri wese wababajwe n’ibyabaye", ni ibyanditse mu itangazo Hong Kong Express Airways yahaye NBC News.

Iyi kompanyi ivuga ko kuva mu kwa kabiri 2019 yasabwe n’abategeka ibirwa bya Mariana gufata ingingo zituma amabwiriza y’imipaka ya Amerika yubahirizwa.

Iyi kompanyi yemeza ko ubu yahagaritse kongera gukora igikorwa nk’iki cyakorewe Madamazera Nishida.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyuma y’igihe gito afunguwe yasubiye igitaraganya kuri gereza kwaka ubufasha...

Umugabo wahoze ari umugororwa muri gereza ya Awutu, nyuma y’iminsi micye...
28 March 2020 Yasuwe: 6264 0

Umugore yanduje injangwe ye Coronavirus mu buryo budasobanutse

Kuri uyu wa Gatanu taliki ya 27 Werurwe 2020, ikigo gishinzwe ubuzima...
28 March 2020 Yasuwe: 2709 0

Muri Uganda abaturage bari gukubitwa iz’akabwana kubera kwica amabwiriza yo...

Mu gihugu cy’abaturanyi cya Uganda, Polisi yaho iri gukubita umuturage uwari...
27 March 2020 Yasuwe: 7015 0

Perezida wa Namibia yashyizeho Minisitiri mushya waciye agahigo ko kuba...

Perezida wa Namibia, Hage Geingob yashyizeho Minisitiri muri minisiteri...
27 March 2020 Yasuwe: 7093 0

Trump yashinje itangazamakuru gukwirakwiza ibinyoma ku cyorezo cya...

Perezida wa Leta Zunze Ubumwe za Amerika Donald Trump yatangaje ko...
27 March 2020 Yasuwe: 1810 0

Indaya zasabye perezida wa Afurika Yepfo ubufasha nyuma y’igihombo gikomeye...

Muri Afurika y’Epfo abakora umwuga w’uburaya basabye Perezida Cyril Ramaphosa...
27 March 2020 Yasuwe: 2046 0