startimes
startimes

Leta y’u Burundi yasonewe umwenda wa miliyari 14 z’amarundi zirenga

Amakuru   Yanditswe na: Martin Munezero 22 July 2020 Yasuwe: 1660

Ikigega cy’imari ku isi (IMF/FMI) cyatangaje ko cyasoneye u Burundi umwenda ungana na miliyoni US$ 7.63 (arenga miliyari 14 z’amarundi) leta yagombaga kwishyura mu mezi atatu ari imbere.


Sponsored Ad


Iki kigega kivuga ko ubushobozi nibuboneka kizongera kigasonera umwenda ungana na miliyoni $24 leta y’u Burundi yagombaga kwishyura hagati y’ukwa 10/2020 n’ukwezi kwa kane 2022.

Iki kigega kivuga ko ibi bigamije korohereza leta kubona imari yo gushyira mu rwego rw’ubuzima rukeneye byinshi mu guhangana n’icyorezo cya coronavirus.

Mu kwezi kwa kane, iki kigega cyatangaje ko cyorohereje kwishyura umwenda ibihugu 25 bikennye kurusha ibindi ku isi, birimo n’u Rwanda, mu kubifasha guhangana n’ingaruka za Covid-19.

Bitandukanye n’uwo yasimbuye wayifataga nk’indwara yoroshye, Perezida mushya w’u Burundi wagiyeho mu kwezi gushize, yahise atangaza ko Covid-19 ari “umwanzi wa mbere w’Abarundi”.

U Burundi bwahise butangira ibikorwa bishyizwemo imbaraga nyinshi byo gupima, kuvura no gukangurira abantu kwirinda coronavirus.

IMF ivuga ko, kimwe n’ahandi ku isi, Covid-19 iri kuzahaza ubukungu bw’u Burundi, ivuga ko iteganya ko muri iki gihugu buzamanuka ku kigero cya -3.2% muri uyu mwaka wa 2020.

IMF ivuga ko iki cyorezo “cyongereye ingorane zari zisanzweho mu bukungu bituma igihugu ubu gikeneye cyane inkunga yo hanze muri uyu mwaka n’utaha, kuko ibyoherezwaga mu mahanga n’amafaranga yoherezwa mu gihugu, byose byagabanutse”.

Kuva mu 2015 leta y’u Burundi yahagarikiwe inkunga n’ibigo mpuzamahanga n’ibihugu bikize byo mu burengerazuba, byashinjaga ubutegetsi bwa Pierre Nkurunziza guhonganyaga uburenganzira bwa muntu.

Perezida mushya Evariste Ndayishimiye, yatangaje ko u Burundi ubu bwiteguye “gukorana n’uwo ari we wese ariko mu bwubahane”, yijeje kubaka leta “yubahiriza uburenganzira bwa buri wese”.

Mu gihe gito gishize hari imiryango yigenga yo hanze no mu Burundi yavuze ko ikemanga amakuru atangwa na leta kuri coronavirus mu gihugu, leta nshya ubu igaragaza impinduka mu gutangaza uko icyorezo gihagaze mu gihugu.

Mitsuhiro Furusawa, umuyobozi mukuru wungirije wa IMF, yatangaje ko abategetsi mu Burundi “biteguye gukoresha iyo nyongera mu kurwanya Covid-19, mu buryo buciye mu mucyo, bakanatangaza uko bakoresha imari”.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abacamanza 2 muri 64 baherutse guhabwa inshingano bigometse kuri Perezida...

Kuri uyu wa 4 Kanama 2020, Perezida Tshisekedi yarahije abacamanza...
7 August 2020 Yasuwe: 685 0

Umukozi wo muri hoteli yatwikishije shebuja amazi ashyushye

Abantu batunguwe nyuma yuko umukobwa wari umaze igihe gito ahawe akazi ko...
7 August 2020 Yasuwe: 4284 0

Reba imijyi 10 myiza cyane muri Afurika muri 2020 irimo na Kigali[AMAFOTO]

Amakimbirane, ubukene, indwara n’inzara byerekana agace gato ka Afurika,...
7 August 2020 Yasuwe: 3066 0

Uruganda rukora imodoka rwasabye imbabazi kubera ifoto yamamaza umwana ari...

Uruganda rukora imodoka rwo mu Budage rwasabye imbabazi kubera ifoto...
6 August 2020 Yasuwe: 2527 0

Umugabo yaguye mu kantu nyuma yo gusoma ikiganiro cya WhatsApp hagati...

Umugabo wubatse wafashe umugore we amuca inyuma n’umuhungu abereye muka se...
5 August 2020 Yasuwe: 20924 0

Umugabo n’umukunzi we baguye mu kimwaro no gukorwa n’isoni nyuma yo guhatirwa...

Umugabo ukomoka i Harare muri Zimbabwe, Thulani Dhlamini, yaguye mu kimwaro...
5 August 2020 Yasuwe: 7239 0