Muri Somalia abakozi bo ku marimba bavuga ko bamaze igihe bacukura imva nyinshi zihambwamo abahitanwe n’icyorezo cya Covid-19, leta yajya gutangaza amakuru kuri iki cyorezo bagatungurwa no kumva bavuze ko hapfuye bake.

Sponsored Ad

Umwe mu bakora ku irimbi yabwiye Somalia daily ko we na bagenzi be bakorana ku irimbi rimwe ryo mu murwa mukuru Mogadishu hari umusi umwe bahambye abantu barenga 15 kandi bose byagaragaraga ko bazize Covid-19.

Muri raporo y’ishami ry’umuryango wabibumbye ryita ku buzima (OMS), iheruka kugaragaza ko hari ibihugu b’ikibeshya imibare ku cyorezo cya KoronaVirusi bigakomeza kuba imbogamizi ikomeye mu kuba hafatwa igamba ziboneye mu guhangana nacyo.

Somalia yo ivuga ko ibivugwa n’abakora ku marimbi atari ukuri. Minisitiri w’ubuzima Fawziya Abikar , avuga ko abaturage bagomba kwizera amakuru yose atangwa na Leta cyane, ko ariyo iba ifite amakuru yizewe.

Umuryango w’Abibumbye wagiye ugaragaza Somalia nka kimwe mu bihugu bifite ubuvuzi bukennye, ahanini kandi Somalia yibasirwa n’ibibazo by’umutekano muke uterwa n’imitwe yitwaje intwaro nka Al Shahab na Islamic State bityo OMS isanga bizagorana guhangana n’iki cyorezo.

Kugeza ubu imibare itangazwa na Leta muri Somalia igaragazako 3,172 bamaze kwandura Korona Virusi, muri aba 1,521 barayikize ,mu gihe 93 imaze kubahitana.