Leta ya Uganda yasabye Perezida wa Amerika kwita ku bibazo bireba igihugu cye mbere yo kwivanga mu bya Uganda

Amakuru   Yanditswe na: Martin Munezero 9 April 2019 Yasuwe: 6226

Umuvugizi wa Leta ya Uganda, yasabye Perezida wa Amerika kwita cyane ku bibazo bireba igihugu cye mbere yo kwivanga mu bya Uganda.

Ubwo Ofwono Opondo, umuvugizi wa Leta ya Uganda, yasubizaga ubutumwa bwa Perezida Donald Trump wanditse kuri Twitter ko abantu badashobora kwizera umutekano wabo muri Uganda mu gihe iki gihugu kitarafata abashimuse mukerarugendo w’Umunyamerica n’umuturage wo muri Uganda wamuyoboraga, Bwana Opondo yakoresheje imvugo ikomeye cyane ndetse inafatwa ngo guhangara Leta zunze ubumwe za Amerika.

Opondo asubiza Trump yagize ati: “Hari benshi bapfa barashwe muri America kuruta abashimutirwa muri Uganda.”

Ku mugoroba wo ku cyumweru tariki 7 Mata, Perezida Museveni akaba yari yatangaje amagambo yo guhumuriza abasura Uganda mu rwego rw’ubukerarugendo aho yagize ati: “Tuzahangana n’aba banyabyaha bihishe kure. Gusa, ndashaka kwizeza igihugu n’Abakerarugendo bacu ko Uganda itekanye, kandi tuzakomeza kunoza umutekano wo muri Pariki. Nimuze muryoherwe n’ibyiza bya Africa.”

Twabibutsa ko umunyamerikakazi Kimberly Sue n’umushoferi wamuyoboraga, Jean Paul Mirenge, bari bashimutiwe muri pariki yitirewe Queen Elizabeth n’abantu bataramenyekana basabaga guhabwa ibihumbi 500 by’amadorari ya Amerika nk’incungu kugirango barekurwe gusa nyuma bakaza kurekurwa n’ubwo hataramenyekana inzira byaciyemo niba koko Leta ya Uganda yaremeye gutanga aya mafaranga cyangwa niba yarahanganye n’aba bashimusi kugeza babohoje imbohe.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bimwe mu bice by’ingurube birimo n’umutima wayo bizajya byifashishwa mu...

Abashakashatsi bagaragaje ko mu myaka iri imbere, bimwe mu bice by’inyamaswa...
23 August 2019 Yasuwe: 1201 0

Perezidansi ya Uganda yataye muri yombi abantu benshi barimo n’uwahoze ari...

Umutwe ushinzwe kurwanya ruswa muri Perezidansi ya Uganda, wataye muri...
23 August 2019 Yasuwe: 2468 0

Igikomangoma Harry n’umugore we Meghan Markle bakomeje kwirukana umusubirizo...

Igikomangoma Harry n’umugore we Meghan Markle bakomeje guca ibintu kubera...
21 August 2019 Yasuwe: 4679 1

Perezida Nkurunziza yamaze amatsiko abibaza niba azongera kwiyamamariza...

Perezida w’igihugu cy’u Burundi, Petero Nkurunziza yavuze ko imihigo...
21 August 2019 Yasuwe: 5523 3

Minisitiri w’intebe wa RDC agiye gushyiraho guverinoma nshya itegerejwe na...

Minisitiri w’Intebe wa Repubulika Iharanira Demokarasi ya Congo, Ilunga...
20 August 2019 Yasuwe: 741 0

Burundi :Umurwanashyaka wa CNL yishwe abandi batandatu barakomereka

Umurwanashyaka w’ishyaka rya CNL ryashinzwe na Agayhon yaraye yishwe abandi...
19 August 2019 Yasuwe: 1509 0