Ku wa Gatandatu w’icyumweru gishize imodoka yo mu bwoko bwa Limousine mu mujyi wa Schoharie mu mujyi wa New York,muri USA, yataye umuhanda igongana n’indi yari iparitse bituma abantu bagera kuri 18 bari bayirimo bapfa ndetse igonga n’abantu babiri barimo bagenda mu muhanda.

Sponsored Ad

Abakobwa 4 n’abagabo bari bavuye mu birori byo kwizihiza isabukuru y’amavuko ya murumuna wabo,bahitanywe n’iyi mpanuka ikomeye ya Limo bo n’abandi 20 barimo umushoferi,n’abagenzi 2.

Uyu mugabo n’umugore we bapfiriye mu mpanuka nyuma yo gukora ubukwe muri Kamena uyu mwaka

Aba bakobwa bavukana barimo Abigail Jackson, Mary Dyson, Allison King na Amy Steenburg, bari kumwe n’abagabo babo barimo Adam Jackson, Robert Dyson na Axel Steenburg.

Uretse aba bakobwa bavukana,iyi mpanuka yaguyemo umugabo n’umugore bari bamaze iminsi mike bashyingiranywe, Erin na Shane McGowan, bakoze ubukwe muri Kamena uyu mwaka.

Bamwe mu bagize uyu muryango bahitanywe n’iyi mpanuka

Abatangabuhamya babonye iyi mpanuka bavuze ko iyi Limousine yagendaga ibirometero 60 ku isaha,igera ku musozi wo muri uyu mujyi wa Schoharie ukunze kuberaho impanuka nyinshi,ingwa mu cyobo cy’amazi.

Abantu bagerageje gutabara abantu bari muri iyi Limousine ariko nta n’umwe wabashije kurokoka aho mu bantu bari muri iyi modoka nta mwana warimo.