Menya inkomoko y’umugabo w’umuzungu waje mu gihugu cya Kenya abantu benshi bakomeje gufata nka Yesu w’I nazareti uvugwa muri Bibiliya[AMAFOTO]

Amakuru   Yanditswe na: Martin Munezero 31 July 2019 Yasuwe: 5615

Muri iyi minsi kumbuga nkoranyambaga hari gukwirakwizwa amafoto y’umugabo benshi bakomeje gufata nka Yesu w’I nazareti uvugwa muri Bibiliya waje muri Afurika mu gihugu cya Kenya.

Uwo mugabo yagaragaye agendagenda mu mihanda yo mu Mujyi wa Kiserian mu Ntara ya Rift Valley, mu gihugu cya Kenya yanyuzagamo agasura ibigo by’amashuri, agaha amafunguro abapfakazi, akaganda anigisha ku mihanda ari na byo byatumye bamwe batekereza ko ari Yesu uvugwa muri Bibiliya wabagendereye.

Nyuma y’ibyo abantu batandukanye bakomeje guhererekanya ubutumwa ku mbuga nkoranyambaga bavuga ko biboneye Yesu n’amaso yabo agendagenda muri Kenya, byaje kumenyekana ko uyu mugabo babonye ari umukinnyi wa Filime w’Umunyamerika witwa Michael Job wari wiganye imyambarire ya James Patrick Caviezel wakinnye muri Filime The Passion of the Christ, ivuga umubabaro wa Yesu Krisito, akaba yarayikinnyemo ari we Yesu.

Ikinyamakuru cyo muri Kenya The Citizens na Nairobi News byanditse ko Michael Job, usibye kuba ari umukinnyi wa Filime, ni n’umubwirizabutumwa akaba n’umuyobozi w’itorero ‘Jesus Loves You Evangelistic Ministries’. Yize ibijyanye n’umuziki no kwigana abantu akoresheje ijwi (Vocal Performance) muri Koleji ya New York.

Ibinyamakuru bitandukanye byo muri Kenya hari ibyagiye byandika ko Yesu Kristo yasuye urusengero rumwe rwo muri Kenya ndetse ko hari n’amashusho abihamya.

Bivugwa ko Michael Job besnhi bari kwita Yesu/Yezu yaje muri Kenya mu mpera z’icyumweru gishize atumiwe mu giterane cyari cyatumiwemo n’abandi bapasiteri benshi. Icyo giterane cyabereye mu Mujyi wa Kiserian kuva tariki 26 kugeza tariki 28 Nyakanga 2019.

Abantu besnhi bagiye bifotozanya nawe bavuga ko bahuye na Yesu Kristo /Yezu

Hari abavuga ko na we yagendaga mu muhanda yiyita Yesu, bamwe mu bamubonye babashije guhura nawe bafataga udufoto na we bayasakaza ku mbuga nkoranyambaga, bemeza ko babonye Yesu. abandi bati “Twagiriwe ubuntu n’Imana mpura n’umwana wayo.” mbese bagaragza ko ari igitangza bahuye nacyo. Icyakora hari abandi banenze uwo muvugabutumwa kuko yigereranyije na Yesu/Yezu uvugwa muri bibiliya.


Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble gatare

    Nta muntu numwe uzi uko YESU yasaga.Kubera ko ntawigeze amufotora cyangwa ngo abumbe ishusho ye.Ikindi kandi,nkuko 2 Abatesaloniki 1:7-9 havuga,Yesu nagaruka azazana n’Abamarayika baje kurimbura abantu bose bakora ibyo Imana itubuza.Bizagenda nkuko imana yabigenje igihe cya Nowa.Yarimbuye abantu bose bali batuye isi,kubera ko biberaga mu gushaka ibyisi gusa,ntibite kubyo Nowa yababwiraga ngo bahinduke bashake Imana bakanga.Yesu ubwe wavuze iyo nkuru,yibukije abantu yuko ariko bizagenda nagaruka.Azarimbura abantu bose bibwira ko ubuzima gusa ari amafaranga,shuguri,politike,etc...
    Niyo mpamvu muli Matayo 6:33,yadusabye gushaka mbere na mbere umbwami bw’imana,aho kwibera mu gushaka ibyisi gusa.

    2 months ago

Inzindi nkuru

Schwarzenegger yavuze ko atigeze akunda politiki’ nubwo yabaye...

Arnold Schwarzenegger avuga ko nta gihe yigeze akunda politiki, uyu wari...
21 October 2019 Yasuwe: 1282 1

Tanzania: Perezida Magufuli yagaragaye I Dar es Salaam ari guseka bikuraho...

Perezida wa Tanzania,John Pombe Magufuli yagaragaye mu mujyi wa Dar es...
21 October 2019 Yasuwe: 1696 0

Burundi: Biravugwa ko abavuye mu gisirikare n’Imbonerakure bahawe...

Abahoze mu gisirikare n’Imbonerakure bakomoka muri komini 3 zirimo Buganda,...
21 October 2019 Yasuwe: 1784 1

Hageragejwe urugendo rwa mbere rurerure rw’Indege

Kompanyi y’indege ya Australia yarangije igerageza ry’urugendo rurerure...
20 October 2019 Yasuwe: 2551 0

Igikomangoma cy’Ubwongereza Harry n’umugore we Meghan barifuza kwimukira muri...

Igikomangoma Harry cy’Ubwongereza n’umugore wacyo Meghan Markle bahishuye ko...
20 October 2019 Yasuwe: 4256 0

Tanzania: Biravugwa ko Perezida Magufuli arembye cyane

Amakuru ari gucaracara mu binyamakuru no ku mbuga nkoranyambaga muri...
20 October 2019 Yasuwe: 5625 1