Minisitiri Amb.Nduhungirehe yavuze ko ibihugu bigize EAC bitafatira umwe mu banyamuryango ibihano

Amakuru   Yanditswe na: Dusingizimana Remy 7 February 2019 Yasuwe: 1207

Umunyamabanga wa Leta muri Minisiteri y’Ububanyi n’amahanga,Amb.Nduhungirehe Olivier yatangaje ko kubera ukuntu umuryango w’ibihugu by’Afurika yunze ubumwe uteye bitashoboka ko abanyamuryango bafatira ibihano igihugu kimwe.

Mu kiganiro Ubibona ute cyaciye kuri KT Radio kuri uyu wa Kane,Amb.Nduhungirehe yatangaje ko umuryango wa EAC ugizwe n’ibihugu 6 utashobora gufatira ibihano kimwe mu bihugu biwugize kubera imiterere yawo ariyo mpamvu hari ibihugu bitajya bitanga umusanzu bemeranyije.

Yagize ati “Kubera uko umuryango uteye,ibihugu 6 biwugize ntibishobora gufatira ibihano umunyamuryango,niyo mpamvu hari ibihugu bitaratanga umusanzu.Ntabwo EAC yakemura ikibazo cy’ibihugu 2 biwugize bitumvikana.”

Kuba ibihugu bigize uyu muryango bitashobora gufatira ibihano umunyamuryango utaye umurongo,bidindiza imikorere yawo ndetse niyo mpamvu inama z’abakuru b’ibihugu zagiye zisubikwa cyane guhera mu mwaka ushize.

Dr Kayumba nawe wari umutumirwa muri iki kiganiro yavuze ko kuba bimwe mu bihugu bigize uyu muryango bitumvikana bitazorohera uyu muryango gushing imizi kuko utakora ubucuruzi uri no gutegura intambara.

Bimwe mu bihugu birimo Kenya na Tanzania bifitanye amakimbirane,u Rwanda n’u Burundi ntibibnye neza cyo kimwe na Uganda aho Dr Kayumba yemeje ko mu gihe abayobozi b’ibihugu bigize EAC bataretse gutsimbarara ngo bacoce ibibazo bafitanye uyu muryango utaramba cyane ko washinzwe mu mwaka ya za 60 ugasenyuka muri 1977 ukongera ukazanzamuka mu myaka ishize.

Intego nyamukuru ya EAC ni ukoroshya ubucuruzi n’ubuhahirane bw’ibihugu biwugize ndetse no gufashanya mu ngeri zitandukanye.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Donald Trump yavuze ko igisirikare cya Venezuela kizahura n’akaga kubera...

Perezida wa USA,Donald Trump yaburiye igisirikare cya Venezuela ko...
19 February 2019 Yasuwe: 873 1

FARDC yigambye gukubita inshuro inyeshyamba za FOREBU zikuriwe na...

Ingabo za Leta ya RDC zizwi nka FARDC,zatangaje ko zakubise inshuro umutwe...
19 February 2019 Yasuwe: 1636 0

Felix Tshisekedi na Kabila bahuje urugwiro mu nama ikomeye...

Perezida mushya wa RDC,Felix Tshisekedi ndetse n’uwo yasimbuye Joseph Kabila...
18 February 2019 Yasuwe: 2918 0

Amafoto Yaciye Ibintu:Vladmir Putin Perezida w’Uburusiya yeretse Trump ko...

Amafoto yatangaje benshi cyane aho perezida w’igihugu cy’Uburusiya, Vladmir...
18 February 2019 Yasuwe: 5325 1

RDC:Abantu 100 bamaze gupfa mu gihe kitagera ku mezi 2 bazize ubushyamirane...

Mu gace ka Masisi ahitwa Bashali-Mukoto hamaze gupfa abantu bagera ku ijana...
17 February 2019 Yasuwe: 1105 0

Umugabo yaciye umutwe umugore we n’umwana we nyuma yo kubisabwa...

Umugabo ukomoka muri Repubulika iharanira demokarasi ya Kongo yatawe muri...
17 February 2019 Yasuwe: 3328 1