Minisitiri Gashumba yasuye ibitaro bya Kabgayi mama we yakozemo bimubwira ukuntu bihomba miliyoni 5 ku kwezi

Amakuru   Yanditswe na: Nsanzimana Ernest 10 August 2017 Yasuwe: 5151

Ubuyobozi bw’ ibitaro bya Kabgayi byatangarije Minisitiri w’ ubuzima Dr Diane Gashumba ko buri kwezi bihomba miliyoni 5 bitewe n’ abarwayi babigana bakoze impanuka abandi bakabigana bakafite ubwisungane mu kwivuza.

Dr Philippe Nteziryayo uyobora ibi bitaro yabitangarije Minisitiri w’ ubuzima Dr Diane Gashumba kuri uyu wa Gatatu tariki 9 Kanama 2017.

Minisitiri Diane Gashumba yakiriwe n’ abayobozi batandukanye barimo n’ umushumba wa Dioseze ya Kabgayi Simragde Mbonyintege atemberezwa ibi bitaro ari nako yerekwa serivisi zihatangirwa.

Dr Nteziryayo ati “Aba barwayi tubazanirwa n’inzego zitandukanye zirimo n’Akarere kandi ntidushobora kwanga kubavura, tugira ikibazo cyo kubona aho tujya kwishyuza igihombo kikagaruka ku bitaro»

Nk’ uko byatangajwe n’ Umuseke dukesha iyi nkuru yatangaje ko, Musenyeri Smaragde Mbonyintege avuga ko hari n’umwenda wa Miliyoni 600 ibi bitaro byigeze guhomba mbere y’uko imicungire ya Mitiweli yinjizwa mu kigo cy’ubwiteganyirize ku buryo ngo ubu batazi umuntu bazabaza iki gihombo.

Minisitiri w’ubuzima Dr Diane Gashumba yasabye Ubuyobozi bw’Akarere ka Muhanga guteganya mu ngengo y’imari yako amafaranga yo kuvuza abaturage nk’aba batagira ubwisungane mu kwivuza, ndetse ngo n’ibitaro ubwabyo bikishakamo ubushobozi bwo kwiyubaka no gukemura ibibazo bagenda bahura nabyo.

Dr Gashumba ati “Ndifuza ko Akarere kabafasha guteganya ayo mafaranga kubera ko ubusanzwe ibi bitaro ari iby’Akarere, ariko kandi mushake uko ikibazo cyakemuka

David Mbasha Umuyobozi w’imirimo rusange mu Karere ka Muhanga avuga ko mu rwego rwo gukemura mu buryo burambye iki kibazo cy’abarwayi bambura ibitaro hari ibiganiro bazabanza gukorana n’inzego z’Akarere zitandukanye bakagifataho umwanzuro.

Minisitiri w’ubuzima yemereye ibi bitaro ko bagiye gusana ivuriro ry’ababyeyi (Matérnité) kubera ko rishaje cyane, anemera ko azongera umubare w’ababyaza kandi ngo bagahemberwa amasaha y’ikirenga bakora.

Dr Diane Gashumba yavuze ko afitanye amateka n’ibi bitaro kuko ngo umwe mu babyeyi be (Maman) ndetse na Sekuru bigeze gukorera ibitaro bya Kabgayi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abarusiya batahuwe ko aribo barashe ya ndege ya Malaysia Airlines yari...

Ingabo z’Uburusiya zari zikambitse muri Ukraine mu gace ka Kursk, nizo...
24 May 2018 Yasuwe: 4041 0

Umukobwa w’umuzungu yaciwe akayabo kubera gutuka umuganga w’umwirabura akanga...

Umukobwa witwa Zena Edwards ukomoka muri Wales, yaciwe akayabo k’amapawundi...
23 May 2018 Yasuwe: 2282 1

Imbwa y’inkazi yariye umwana muto rubanda ruhurura ruje gufata amashusho...

Imbwa yo mu bwoko bwa Pit bull yariye umwana wo mu Bushinwa uzwi nka Wu...
22 May 2018 Yasuwe: 3655 0

Uko isi yiriwe tariki 21 Gicurasi 2018

Mu nshamake y’ uko Isi ya tariki 21 Gicurasi 2018 yiriwe harimo ko Amerika...
21 May 2018 Yasuwe: 2475 0

Umuyobozi w’ ikigo yatawe muri yomi azira kubamba abanyeshuri ku...

Abantu batatu barimo umuyobozi w’ikigo cy’amashuri, batawe muri yombi muri...
20 May 2018 Yasuwe: 1363 0

Ibyihebe byateze ibisasu bitatu muri stade yaberagamo umukino bihitana...

Ibyihebe byateze ibisasu 3 muri stade ya Cricket yitwa Jalalabad stadium yo...
20 May 2018 Yasuwe: 2186 0