skol
startimes

Minisitiri w’intebe wa Congo Ilunga mu mazi abira

Amakuru   Yanditswe na: Martin Munezero 24 January 2021 Yasuwe: 6849

Abadepite ba Repubulika Iharanira Demokarasi ya Congo, basinye icyemezo cyo gutakariza ikizere Minisitiri w’Intebe, Sylvestre Ilunga Ilunkamba nk’imwe mu nzira yo gusesa Guverinoma ubundi Perezida Tshisekedi agashyiraho inshya igizwe n’abambari be.


Depite Chérubin Okende, yabwiye Reuters ko abadepite 300 muri 500 babarizwa mu nteko ya Congo Kinshasa ari bo basinye icyemezo cyo gutakariza icyizere Minisitiri Ilunga, anahabwa amasaha 48 yo kuba yegujwe atabikora agatakarizwa icyizere.

Abadepite ba Congo Kinshasa batangije urugendo rwo kwirukana Minisitiri w’Intebe, nyuma y’ukwezi kumwe Perezida Félix Tshisekedi yitandukanyije n’uwamubanjirije, Joseph Kabila.

Itandukana ry’aba bagabo bombi kandi ryanasize Jeanine Mabunda wari Perezidante w’Inteko ishinga amategeko ya Congo yeguzwa, bijyanye n’uko yafatanyaga na Kabila mu kubangamira Tshisekedi.

Bivugwa ko Kabila n’abamushyigikiye bakunze kwitambika imishinga imwe n’imwe ya Tshisekedi bigatuma adashyira mu bikorwa ibyo yemereye Abakongomani, ikaba impamvu yashatse ubwiganze mu nteko kugira ngo abashe kwigobotora uriya wamubanjirije.

Mu busanzwe Inteko Ishinga amategeko ya Congo Kinshasa yari yiganjemo abadepite bo mu ishyaka FCC rya Joseph Kabila, gusa ubwo Tshisekedi yitandukanyaga na we yashinze ihuriro yise “Union Sacrée de la nation”, nka bumwe mu buryo bwo gukurura abadepite bo mu yindi mitwe ya Politiki akabahuza n’abe, kugira ngo umubare wabo urute uw’abashyigikiye Kabila.

Depite Okende yabwiye Reuters ko “Abenshi mu badepite mu nteko bashyigikiye ko Minisitiri w’Intebe agenda.”

Mu gihe Minisitiri w’Intebe Sylvestre Ilunga Ilunkamba usanzwe ari uwo ku ruhande rwa Kabila aramutse agiye, Guverinoma yari ayoboye na yo izaseswa ubundi Perezida Tshisekedi ashyireho Guverinoma igizwe n’abamushyigikiye, bazamworohereza gushyira mu bikorwa imishinga ye.

Byitezwe ko izi mpinduka zizanagera mu zindi nzego zikomeye nka Komisiyo y’amatora n’inama y’ubutegetsi ya Banki Nkuru y’igihugu.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umusore warangije kaminuza bamwanditseho ngo RIP bucyeye arapfa[AMAFOTO]

Uyu musore wari ukiri muto ubwo yari ari mu birori byo gusoza amashuri ya...
2 March 2021 Yasuwe: 4934 0

Abagore 3 bishyize hamwe bakubise umugore bamusiga urusenda mugitsina...

Abagore batatu bari mu itsinda ryishyize hamwe ngo rijye rikubita abagore...
2 March 2021 Yasuwe: 5570 0

Umwana w”umuhungu w’imyaka 13 y’amavuko yababaje benshi nyuma yo kwiyahura...

Umwana w”umuhungu w’imyaka 13 y’amavuko yababaje benshi nyuma yo kwiyahura,...
2 March 2021 Yasuwe: 4661 0

Ibiteye amatsiko ku mwana w’umukobwa utangaje wapimaga ibiro 200 afite...

Ni umwana w’umukobwa ndetse ukiri muto, yitwa Ariya Permana akaba akomoka...
1 March 2021 Yasuwe: 6443 0

Inkoko yashinjwe ubwicanyi ifungirwa muri Gereza

Inkoko y’Isake yari yarambitswe icyuma ngo ijye irwana mu mirwano y’isake...
1 March 2021 Yasuwe: 3808 0

Oma arifuza umugabo wamwambika ikanzu y’umweru akamubera umugore

Ku mbuga nkoranyambaga umukobwa ukuresha izina rya Oma, yabasabirije...
1 March 2021 Yasuwe: 6878 1