skol
startimes

Mu mujyi wa Cape Coast muri Ghana hagiye kubakwamo Umujyi wa Wakanda

Amakuru   Yanditswe na: Martin Munezero 15 November 2020 Yasuwe: 2911

Umujyi wa Cape Coast mu karere ko hagati ya Ghana uzwi cyane nk’ahantu h’ubukerarugendo bw’igihugu ndetse na ‘Makah’ ku Banya-Amerika b’abirabura bakomoka muri Afurika, ugiye kubakwamo Umujyi wa Wakanda.


Buri mwaka, abirabura babarirwa mu magana ku isi basura umujyi n’ahandi hantu h’abacakara kugira ngo bige ibijyanye n’ubucuruzi bw’abacakara bwambukiranya Atlantike.

Aka karere kari ihuriro ry’ubucuruzi bw’abacakara bwagaragayemo miliyoni z’Abanya-Afurika bajyanwe hirya no hino mu Isi nshya. Agace k’inyanja gafite ibigo byinshi na gereza byakoreshwaga kugirango abagabo n’abagore babe bahabitswe iminsi mike mbere yuko bajyanwa muri Amerika gukora mu mirima itandukanye.

Kuva ubucakara burangirana na Ghana (yahahoze yitwa Gold Coast) ikagira ubwenegihugu, Cape Coast yabonye itahuka ry’Abanyamerika benshi bakomoka muri Afurika ndetse na Karayibe kugira ngo babone amakuru yerekeye imyitwarire mibi yakorewe ba sekuruza.

Muri 2019, Ghana yateguye ‘Umwaka wo kugaruka’ (Year of Return) mu rwego rwo kwibuka ukugera muri Amerika kw’abacakara baturutse muri Afurika. Ibirori byatewe inkunga cyane n’abanyamuryango ba diaspora. Uretse umwaka wo kugaruka, nyuma yaho habaye umuhate wo gushimangira inyungu zavuye muri iki gikorwa.

Ni muri urwo rwego, umujyi wa Cape Coast wasinyanye amasezerano y’ubwumvikane n’ikigo cya Afurika gishinzwe iterambere rya Diaspora (ADDI) hamwe n’amasosiyete abiri yo muri Ghana mu rwego rwo gushinga umujyi wa ugezweho ariko udasanzwe. Umujyi uzitwa “Umujyi wa Wakanda wo kugaruka” (“Wakanda City of Return.”) Izina ry’uyu mujyi ryatekerejwe biturutse kuri filime izwi cyane ya Hollywood, “Black Panther.”

Uyu mushinga urashaka gukoresha umurage n’umutungo w’ubukerarugendo ndangamuco muri Ghana. Abafatanyabikorwa bifuza gushyiraho ahantu ho gukorera urugendo ku abaturage bakomoka muri Afurika kugira ngo bamenye amateka yabo, umuco wabo, umuco wa Afurika, n’uruhare rwabo mu ishyirwaho ry’ubukungu bushya bw’isi.

Uyu mushinga, ukaba ari gahunda y’abikorera ku giti cyabo, uzateza imbere inkombe n’uturere dushya muri Cape Coast, hashyirwaho urwibutso rw’umurage ndetse n’amahoteri y’inyenyeri 5, umwiherero / ibigo by’ubuzima, ibigo by’inama, n’inzu igezweho.y’icyicaro gikuru cya ADDI.

Abateguye iki gikorwa bavuga ko igihe cy’uyu mushinga gikwiye kubera ko igihugu kigikomeje kungukirwa na “Umwaka wo gutaha” ndetse na gahunda ya “Hirya yo kugaruka” (“Year of Return” and the “Beyond the Return” ) yateguwe na guverinoma ya ghana..

Biteganijwe ko uyu mushinga uzahanga imirimo igera ku bihumbi bitatu (3.000) muri Cape Coast.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibintu 5 utazi kuri Angela Merkel,umugore w’umunyacyubahiro mu...

Angela Dorothea Merkel yavutse tariki 17 Nyakanga 1954,ni umunyapolitiki...
23 November 2020 Yasuwe: 1104 0

Ibyihariye wamenya ku mukobwa wa Barack Obama[AMAFOTO]

Kuva uwahoze ari perezida wa Leta zunze ubumwe za Amerika, Barack Obama...
23 November 2020 Yasuwe: 2586 0

Ubushinwa bwakoresheje intwaro z’ibanga mu guca intege abasirikare b’...

Mu misozi ya Himalaya, Ingabo z’u Buhinde zashyizwe ku mupaka utavugwaho...
22 November 2020 Yasuwe: 3008 0

Bobi Wine Feri ya mbere yayifatiye mu rusengero nyuma yo gufungurwa

Umuhanzi akaba n’umunya politike, Depite Robert Kyagulanyi uzwi nka Bobi...
22 November 2020 Yasuwe: 3111 0

Ethiopia:Umukuru wa OMS yashinjwe gufasha Tigray

Umugaba mukuru w’ingabo za Ethiopia yashinje umukuru w’ishami ry’umuryango...
19 November 2020 Yasuwe: 1280 0

Uganda:Inzobere mu by’ubuvuzi zamaze amasaha agera kuri 20 ziri gutandukanya...

Inzobere mu buvuzi muri Uganda zatandukanije impanga zari zifatanye mu...
18 November 2020 Yasuwe: 2315 0