addresiya
startimes

Muri Afurika Yepfo ibikorwa byo kurwanya abanyamahanga bikomeje kuvuza ubuhuha

Amakuru   Yanditswe na: Martin Munezero 3 September 2019 Yasuwe: 2368

Mu Mujyi wa Johannesburg ibikorwa byo kurwanya abanyamahanga bikomeje kuvuza ubuhuha, aho amaduka yabo arimo gusahurwa, imodoka zigatwikwa ndetse bagakorerwa ihohoterwa.



Ibyo bikorwa by’urugomo byabayeho nyuma y’ikivunge cy’abantu amagana bakoze urugendo rw’amaguru mu gace k’ubucuruzi ka Johannesburg babwira abanyamahanga ngo bagende. Bibasiraga amaduka bakeka ko ari ay’abanyamahanga.

Umuvugizi wa Polisi ya Afurika y’Epfo, Dlamini yabwiye Al Jazeera ko n’ibikorwa by’abanyafurika y’Epfo byibasiwe kuri uyu wa Kabiri.

Umuyobozi wa Komisiyo y’Umuryango wa Afurika Yunze Ubumwe (AUC), Mouss Faki Mahamat, yanenze bikomeye ihohoterwa rikomeje gukorerwa abanyamahanga baturuka mu bindi bihugu bya Afurika baba muri Afurika y’Epfo, ririmo gusahura no kwangiza imitungo yabo.

Mahamat yashimye kandi imbaraga ubuyobozi bwa Afurika y’Epfo bwashyize mu kwamagana iki gikorwa zirimo guta muri yombi abakirimo. Mahamat kandi yasabye ko hagira ibindi bikorwa mu buryo bwihuse mu kurinda ubuzima bw’abaturage n’ibyabo, kandi abishoye mu bikorwa byo guhohotera bagenzi babo babiryozwe.

Mu gitondo cyo kuri uyu wa Kabiri, Polisi yagerageje kurasa amasasu ya pulasitiki mu gutatanya ikivunge cy’abantu muri Johannesburg mu kajyi ka Alexandra, barimo gusahura amaduka no gutwika inyubako z’abanyamahanga. Polisi kandi yanafashe abantu barindwi barimo gusahura.

Umuyobozi wa Komisiyo ya AU kandi yavuze ko bakomeza gufasha Guverinoma ya Afurika y’Epfo mu gukemura impamvu muzi itera ibikorwa nk’ibi kugira ngo amahoro n’umutekano bisugire nk’uko biri mu mahame y’uyu mugabane.

Ishyaka rikomeye ritavuga rumwe n’ubutegetsi, Democratic Alliance, rivuga ko ibi bikorwa biterwa n’ubukungu butifashe neza aho miliyoni zirenga 10 z’abanyafurika y’Epfo, badafite imirimo.

Imodoka z’abanyamahanga zirimo gutwikwa

Ibikorwa nk’ibi bishyirwa ku ihuriro rizwi nka Sisonke Peoples Forum, rishinja abanyamahanga baba muri Afurika y’Epfo gucuruza ibiyobyabwenge no kubatwarira akazi, ibi bikaba ipfundo ry’ibikorwa byo guhohotera abanyamahanga cyane cyane muri Johannesburg.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umuvandimwe wa wa mwirabura wishwe urupfu rw’agashinyaguro yavuze uburyo...

Philonise Floyd, umuvandimwe wa George Floyd uherutse kwicwa n’umupolisi i...
1 June 2020 Yasuwe: 4028 0

Amanda arangiza inshuro zirenga 50 ku munsi iyo ari gutera akabariro,yabaye...

Umukobwa wi’myaka 22 uzwi nka Amanda Grace afite uburwayi budasanzwe,...
31 May 2020 Yasuwe: 12865 1

Abaganga 2 bakundana bakoreye ubukwe mu bitaro kubera Coronavirus

Umusore w’umuganga witwa Annaran Navaratnam ndetse n’umukobwa w’umuganga...
30 May 2020 Yasuwe: 2202 0

Umuhungu wa Uhuru Kenyatta yishe amabwiriza ya Coronavirus ajya kwirebera...

Perezida Uhuru Kenyatta wa Kenya yatangaje ikintu kitari cyiza aherutse...
28 May 2020 Yasuwe: 5084 0

Eddy Kenzo yongeye atakambira Guverinoma ya Uganda

Umuhanzi Eddy Kenzo umaze igihe kinini yaraheze mu gihugu cya Cote d’Ivoire...
28 May 2020 Yasuwe: 1410 0

Umwirabura wishwe urupfu rw’agashinyaguro yateje imyigaragambyo muri...

Habaye imirwano ikomeye hagati y’abapolisi n’abigaragambya mu mujyi wa...
28 May 2020 Yasuwe: 3506 2