addresiya
startimes

Muri Iran abantu barenga 1300 bigabije ikiyobyabwenge bakinywa ku bwinshi ngo bari kwikingira bakanivura Coronavirus 300 muri bo kirabahitana

Amakuru   Yanditswe na: Martin Munezero 1 April 2020 Yasuwe: 3387

Muri Iran, abantu barenga 1300 bigabije ikiyobyabwenge cya Methanol bakinywa ku bwinshi bibwira ko bari kwikingira bakanivura icyorezo cya Coronavirus nyuma abagera kuri 300 muri bo kirabahitana.



Muri iki gihugu hakunzwe kuvugwa amakuru ya bamwe mu bantu bakurikiza amakuru y’ibihuha kuri iki cyorezo cya Coronavirus yakwirakwiye ku mbuga nkoranyambaga avuga ko ibisindisha nka Whisky, ubuki n’ubwoko butandukanye bwa ‘alcool’ nka Methanol bifasha kwirinda no kuvura Coronavirus

Ibi byatumye abaturage benshi babyadukira, babinywa ku bwinshi, birengagije amabwiriza yatanzwe n’inzego z’ubuzima iwabo.

Nkuko Daily Mail yabitangaje, hari abaturage bumvishe nabi amabwiriza yo kwirinda iki cyorezo yabasabaga gukoresha imiti y’amazi yica udukoko isigwa mu ntoki (Hand sanitizers), batangira kujya bayinywa batekereza ko yica aka gakoko mu mibiri yabo.

Muri iki gihe Isi ihangayikishijwe na Coronavirus, hatangwa amakuru y’ubwirinzi, ibihuha nabyo bikaba byinshi, cyane cyane ku mbuga nkoranyambaga. Nko mu Buhinde, hari abizera ko amaganga y’inka ashobora kubakingira cyangwa kubavura iki cyorezo.

Byagiye byumvikana kandi ko hari n’abandi bizera ko hari imiti isanzwe ikoreshwa kuvura izindi ndwara, yavura iki cyorezo, gusa inzego zishinzwe ubuzima zagiye zibinyomoza zivuga ko imwe itarageragezwa. Iyo ni nka Chroloquine biteganyijwe ko izageragerezwa muri Afurika mu gihe cya vuba.

Methanol yahitanye ubuzima bw’aba banya-Iran ni iki?

Ubusanzwe Methanol ni ikinyabutabire cyo mu bitembabuzi (liquid), kitagira ibara ndetse gishobora kwaka. Uyirebesheje ijisho cyangwa ukayihumuriza, ntaho itaniye na Ethanol (alcool isanzwe inyobwa) ariko Methanol yo ifite uburozi bwinshi ugereranyije n’ubwa Ethanol.

Methanol igira ingaruka ku binyabuzima nk’inyamaswa n’umuntu, biramutse biyinyoye cyangwa se biyishyize ku mubiri no mu maso, yangiza umwijima, igifu ndetse n’impyiko, byose bikaba byatera urupfu cyane bitewe n’ingano yinjiye mu mubiri.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abaganga 2 bakundana bakoreye ubukwe mu bitaro kubera Coronavirus

Umusore w’umuganga witwa Annaran Navaratnam ndetse n’umukobwa w’umuganga...
30 May 2020 Yasuwe: 1850 0

Umuhungu wa Uhuru Kenyatta yishe amabwiriza ya Coronavirus ajya kwirebera...

Perezida Uhuru Kenyatta wa Kenya yatangaje ikintu kitari cyiza aherutse...
28 May 2020 Yasuwe: 4558 0

Eddy Kenzo yongeye atakambira Guverinoma ya Uganda

Umuhanzi Eddy Kenzo umaze igihe kinini yaraheze mu gihugu cya Cote d’Ivoire...
28 May 2020 Yasuwe: 1351 0

Umwirabura wishwe urupfu rw’agashinyaguro yateje imyigaragambyo muri...

Habaye imirwano ikomeye hagati y’abapolisi n’abigaragambya mu mujyi wa...
28 May 2020 Yasuwe: 3373 1

Abashoferi b’amakamyo muri Uganda batorotse bamaze kumenya ko banduye...

Uganda Minisiteri y’Ubuzima yatangaje ko abashoferi 7 b’amakamyo batorotse...
27 May 2020 Yasuwe: 1326 0

Abagore 2 bakundana nibo babaye aba mbere aho bakomoka bashyingiwe bahuje...

Abagore babiri bakundana nibo babaye aba mbere bashyingiwe, ni ibirori...
27 May 2020 Yasuwe: 2823 1