Muri Kongo bari gukora ibitero bigari bya gisirikare bagamije kurandura imitwe y’inyeshyamba irimo n’iy’Abanyarwanda

Amakuru   Yanditswe na: Martin Munezero 1 July 2019 Yasuwe: 2117

Perezida wa Repubulika Iharanira Demokarasi ya Kongo, Félix Tshisekedi yavuze ko bari gukora ibitero bigari bya gisirikare mu gace ka Ituri bigamije kurandura imitwe y’inyeshyamba z’abanyamahanga.

Kuri iki cyumweru, Perezida Tshisekedi yasuye akarere ka Ituri ahamaze iminsi havugwa ubwicanyi buhitana abaturage hagati y’abo mu bwoko bw’aba Hema n’aba Lendu.

Tshisekedi yahamagariye abatuye aka gace kurekeraho kwicana nk’uko bitangazwa n’ibiro by’Umukuru w’igihugu muri Kongo

Bwana Tshisekedi wakiriwe mu mujyi wa Bunia, umurwa mukuru wa Ituri, yagize ati: "Turi abana b’igihugu kimwe, ntidukwiye kuba turi kwicana.

Mu ijambo rye, yatangaje ibitero bya gisirikare biriho bigamije kurandura imitwe ya gisirikare muri iyi ntara ya Ituri.

Yavuze ko ibi bikorwa bya gisirikare bizakomereza mu Ntara ya Kivu y’Epfo muri aka gace k’iburasirazuba bwa Kongo.

Ibice binyuranye by’uburasirazuba bwa Kongo bimaze igihe bikoreramo imitwe myinshi yitwaje intwaro irimo n’irwanya ibihugu by’u Burundi, Uganda n’u Rwanda.

Muri Kivu y’Epfo, hashize igihe havugwa imirwano mu gace ka Minembwe hagati y’imitwe yitwaje intwaro itandukanye.

Muri iyo mitwe harimo iy’Abarundi, iy’Abanyarwanda n’irengera abaturage b’Abanyamulenge nk’uko umwe mu bayobozi mu gace ka Minembwe yabibwiye ikiganiro Imvo n’imvano cya BBC.

Mu ijambo yavugiye mu mujyi wa Bunia, Tshisekedi yavuze ko kurandura iyo mitwe bari no kubiganiraho n’ingabo za MONUSCO hamwe n’ibihugu bituranyi birebwa nayo.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble

    murahokandi. amazina banyita chance kwizera.kabambarizwa mugihugu nshyacongo.njekubwage ndikubona.perezinda wacongo arigukora ibinubyingenzi .

    3 weeks ago

Inzindi nkuru

Israel: Havumbuwe umusigiti umaze imyaka 1,200 wubatswe, abayisilamu bahita...

Abahanga mu kuvumbura amatongo [Archaeologists] bavumbuye umusigiti...
23 July 2019 Yasuwe: 1498 0

Perezida Trump arifuza kumva inkuru mbi iturutse muri Irani

Perezida wa Leta zunze ubumwe z’Amerika, Donald Trump yabwiye abanyamakuru...
23 July 2019 Yasuwe: 1683 0

Iran yatangaje ko yafatiye mu cyuho intasi 17 za USA zimwe izikatira urwo...

Igihugu cya Iran kitavuga rumwe na USA cyatangaje ko cyamaze guta muri...
22 July 2019 Yasuwe: 1979 1

Inkumi n’abasore 19 bajyanwe mu bitaro igitaraganya n’abasirikare nyuma yo...

Mu gihugu cy’igituranyi cya Uganda Ibitaro bya Soroti ejo hashize tariki ya...
22 July 2019 Yasuwe: 3743 0

Perezida wa Botswana yarokotse impanuka y’indege

Impanuka ni imwe mu bintu biba bitunguranye cyane kandi Abanyarwanda bo...
22 July 2019 Yasuwe: 1439 0

Umupadiri wari utwaye imodoka yasinze cyane yagonze pasiteri n’umugore we...

Mu gihugu cya Kenya haravugwa inkuru y’umupadiri watwaye imodoka yasinze...
21 July 2019 Yasuwe: 5106 1