Muri Libya indege yarashe inzu yaricumbitsemo abimukira benshi bahasiga ubuzima

Amakuru   Yanditswe na: Martin Munezero 5 July 2019 Yasuwe: 1263

Minisiteri y’Ubuzima muri Libya yatangaje ko abagera kuri 40 bitabye Imana naho 80 bagakomereka, nyuma y’uko indege y’intambara mu rukerera rwo kuri uyu wa Gatatu, yahushije aho yashakaga kurasa, irasa inzu icumbikiye abimukira mu mujyi wa Benghazi.

Umuvugizi w’iyi Minisiteri Malek Merset yerekanye amafoto y’abakomeretse kuri Twitter, imbangukira gutabara zibajyana kwa muganga.

Ubutegetsi bw’i Tripoli bushinja ingabo za Gen Khalifa Haftar kuba inyuma y’iki gitero. Umuvugizi w’ingabo za Haftar yirinze kugira icyo ahita atangaza ku byo Leta ibashinja.

Inzu bariya bimukira barimo isanzwe icumbikira abagera kuri 616.

Ingabo za Haftar ziyemeje gufata umurwa mukuru wa Libya ariko mu cyumweru gishize zahuye n’iza Leta zizibera ibamba.

Urugamba rwo kwigarurira umurwa mukuru rwabaye isibaniro. Ingabo za Gen Haftar zahisemo gukoresha ibitero by’indege kugira ngo zirebe ko zakwirukana ingabo za Leta mu nzira igana Tripoli.

Gen Haftar ashyigikiwe n’ibihugu nka Misiri, Leta zunze ubumwe z’Abarabu na Arabie Saoudite mu gihe ingabo za Leta bahanganye zo zishyigikiwe na Turkey na Qatar.

Kugeza ubu muri Libya hari inzu zicumbikiye abimukira 6000 bakomoka mu bihugu bya Eritrea, Ethiopia, Somalia, Sudan n’ibindi byo muri Africa yo munsi y’Ubutayu bwa Sahara.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble gatera

    Birababaje kubona mu bihugu by’Abarabu byinshi harimo intambara hagati y’abenegihugu.Nyamara bituwe hafi 100% n’Abaslamu kandi Islam bivuga "amahoro".Mu madini hafi ya yose,ibyo bigisha sibyo bakora.Urugero,muli 1994,Rwanda yari ituwe n’abirwa Abakristu.Nyamara benshi,harimo abayobozi hafi 100%,bakoze Genocide hafi ya bose.Umuntu ukunda Imana kandi akayikorera,aba atandukanye n’ababyiyita kandi nibo benshi.Abo bayumvira nibo bonyine bazarokoka ku munsi w’imperuka wegereje.

    2 months ago

Inzindi nkuru

Uganda Airlines igiye gutangira gukorera ingendo mu Rwanda nyuma y’isinywa...

Kompanyi y’indege ya Uganda Airlines itangiye vuba yiyemeje gutangira...
21 September 2019 Yasuwe: 1448 0

Umurabyo wahagaritse umukino nyuma yo gukubita abakinnyi 4 bagata...

Mu gihugu cya Jamaica haravugwa inkuru ibabaje y’abanyeshuli bane bakubiswe...
20 September 2019 Yasuwe: 3754 0

Uburusiya bugiye kubakira Uganda ingufu za nuclear

Uburusiya bwasinye amasezerano n’igihugu cya Uganda agamije kuyubakira...
20 September 2019 Yasuwe: 1582 0

Zine el Abidine Ben Ali wayoboye igihugu cya Tunisia imyaka 23 yitabye...

Zine El Abidine Ben Ali, wabaye Perezida wa Tunisia imyaka igera kuri 23...
20 September 2019 Yasuwe: 503 0

Ingabo za FARDC zasanganye Lt Gen. Mudacumura Flash Disk n’ibindi bikoresho...

Ingabo za Leta ya Repubulika iharanira Demokarasi ya Kongo, FARDC,zasanze...
20 September 2019 Yasuwe: 7603 0

FDLR yateye urujijo benshi kubera itangazo ryo kubika Mudacumura yashyize...

Umutwe wa FDLR ugamije guhungabanya umutekano w’u Rwanda washyize hanze...
19 September 2019 Yasuwe: 10810 0