Uganda yiteguye guha ubuhungiro Omar al Bashir uherutse guhirikwa ku butegetsi

Amakuru   Yanditswe na: Dusingizimana Remy 17 April 2019 Yasuwe: 1085

Igihugu cya Uganda cyatangaje ko cyakwemera guha ubuhungiro uwahoze ari perezida wa Sudan,Omar al Bashir uherutse guhirikwa n’igisirikare cye cyubahirije ibyifuzo bya rubanda rwari rumaze amezi menshi rwigaragambya.

Ubuyobozi bwa Uganda buvuga ko Bashir aramutse asabye ubuhungiro yabuhabwa bitewe n’uruhare yagize mu mishyikirano y’amahoro mu gihugu cya Sudani y’Amajyepfo.

Umunyamabanga wa Leta muri Minisiteri y’Ububanyi n’Amahanga wa Uganda, Henry Okello Oryem yabwiye abanyamakuru kuri uyu wa Kabiri ko guha ubuhungiro Bashir bishoboka ariko bizagirwamo uruhare na Perezida Museveni ubwe.

Yagize ati “Omar al- Bashir aramutse asabye ubuhungiro muri Uganda ni ingingo yasuzumwa na Perezida wa Uganda. Twishimiye ko Bashir yagize uruhare mu kuzana amahoro muri Sudani y’Amajyepfo bityo ubusabe bwe bw’ubuhungiro twabuha agaciro.”

Omar Al Bashir yahiritswe ku butegetsi yari amazeho imyaka 30 n’ingabo ze mu Cyumweru gishize nyuma y’imyigaragambyo y’abaturage yatangiye mu Ukuboza umwaka ushize ihereye ku izamuka ry’igiciro cy’umugati.

Bashir yashyizwe ku rutonde rw’abantu bashakishwa n’urukiko mpuzamahanga mpanabyaha rwa ICC,kubera gushinjwa ubwicanyi bwabereye i Darfur kuva muri 2005.Museveni yanenze bikomeye uru rukiko mu mwaka wa 2016 ko rukoreshwa n’abantu b’imburamumaro.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Banana R

    Amatwi arimurupfu ntiyumva iyagenda mbere ubuntakibazo abafite ubuhungiro byararangiye kuko yageze kumunigo ubuyaraye yota akariro hamwe nabandi.Nicyo gitegereje nabandi.

    3 months ago

Inzindi nkuru

Israel: Havumbuwe umusigiti umaze imyaka 1,200 wubatswe, abayisilamu bahita...

Abahanga mu kuvumbura amatongo [Archaeologists] bavumbuye umusigiti...
23 July 2019 Yasuwe: 1783 0

Perezida Trump arifuza kumva inkuru mbi iturutse muri Irani

Perezida wa Leta zunze ubumwe z’Amerika, Donald Trump yabwiye abanyamakuru...
23 July 2019 Yasuwe: 1783 0

Iran yatangaje ko yafatiye mu cyuho intasi 17 za USA zimwe izikatira urwo...

Igihugu cya Iran kitavuga rumwe na USA cyatangaje ko cyamaze guta muri...
22 July 2019 Yasuwe: 2006 1

Inkumi n’abasore 19 bajyanwe mu bitaro igitaraganya n’abasirikare nyuma yo...

Mu gihugu cy’igituranyi cya Uganda Ibitaro bya Soroti ejo hashize tariki ya...
22 July 2019 Yasuwe: 3832 0

Perezida wa Botswana yarokotse impanuka y’indege

Impanuka ni imwe mu bintu biba bitunguranye cyane kandi Abanyarwanda bo...
22 July 2019 Yasuwe: 1459 0

Umupadiri wari utwaye imodoka yasinze cyane yagonze pasiteri n’umugore we...

Mu gihugu cya Kenya haravugwa inkuru y’umupadiri watwaye imodoka yasinze...
21 July 2019 Yasuwe: 5115 1