NASA yatangaje ubushakashatsi bukomeye igiye gukora bwatunguye benshi

Amakuru   Yanditswe na: Dusingizimana Remy 25 August 2018 Yasuwe: 2157

Ikigo cya Amerika gishinzwe ubumenyi bw’ikirere NASA cyemeje ko kigiye gushinga icyicaro gihoraho mu kwezi kugira ngo bakomeze gukurikirana uko bamwe mu batuye isi bajya gutura kuri uyu mubumbe cyangwa Mars.

Umuyobozi wa NASA Jim Bridenstine yatangaje ko bafite icyizere gihagije ko mu minsi iri imbere hagiye gushyirwa ibirindiro ku kwezi kugira ngo bakore ubushakashatsi bwimbitse ku kuntu abantu batura kuri uyu mubumbe cyane ko isi itangiye kuba ntoya.

Umuyobozi wa NASA yavuze ko bagiye kwagura ubushakashatsi ku kwezi

Mu nama yabereye ahitwa Johnson Space Center mu mujyi wa Houston,abahanga mu bumenyi bw’ikirere bagaragaje gahunda y’ukuntu bagiye gushyiraho amarembo abafasha kwinjira mu kwezi ku buryo bworoshye kugira ngo ubushakashatsi bwabo burusheho gutera imbere.

Kubaka iki cyicaro cya NASA ku kwezi bizafasha abashakashatsi kuvumbura byimbitse uko abantu batura ku mubumbe wa Mars byavuzwe ko abantu bashobora kuwuturaho cyane ko ufite byinshi uhuriyeho n’isi.

Umushinga wo kubaka iki cyiciro uzatangira mu mwaka wa 2022 ndetse biteganyijwe mu mwaka wa 2025 aho aba bashakashatsi ba NASA babwiye itangazamakuru ko ku kwezi hari ibibumbe by’urubura byinshi ndetse bifuza kwagura.

Umuyobozi wa NASA yatangaje ko nyuma yo kubona ko ku kwezi haba amazi kubera ibi bibumbe by’urubura bahabonye ari impamvu ikomeye yatumye bashaka kwagura ubushakashatsi kuri uyu mubumbe ndetse n’uwa Mars aho yavuze ko kubera ukwiyongera gutangaje kw’abatuye isi hakenewe gushakishwa ibisubizo by’ahandi ikiremwamuntu cyatura.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Martin Fayulu wababajwe n’intsinzi ya Tshisekedi yagizwe umudepite

Uwari umukandida Perezida muri RDC,Martin Fayulu,yamaze kugirwa umudepite...
15 February 2019 Yasuwe: 2473 0

Meghan umugore w’igikomangoma Harry yagaragaye mu ruhame akuriwe yambaye...

Igikomangoma Henry Harry na Meghan Markle bamaze hafi amezi umunani bakoze...
13 February 2019 Yasuwe: 7122 3

Umugore wihinduye umugabo yatanze ikirego asaba ko umwana yabyaye yafatwa...

Umwongerezakazi wavutse ari umugore akihinduza umugabo abazwe...
13 February 2019 Yasuwe: 2830 0

Igikomangomakazi cyari cyarigometse ku ntebe ya Cyami kugira ngo kirongorwe...

Ubolratana, yamenyekanye cyane mu ntangiriro z’imyaka ya 1970 ubwo...
11 February 2019 Yasuwe: 3013 0

Ubuzima bubi bwatumye zimwe mu ngabo za FDLR zishyikiriza Leta ya...

Abasirikare 2 bo mu mutwe wa FDLR bananiwe gukomezanya urugendo rurerure na...
10 February 2019 Yasuwe: 1638 0

Perezida Tshisekedi yatorewe kuba visi Perezida wa kabiri wa...

Perezida mushya wa RDC Félix-Antoine Tshisekedi,umaze iminsi mike arahiye...
10 February 2019 Yasuwe: 3622 0