NASA yohereje icyogajuru Parker kizegera izuba cyane

Amakuru   Yanditswe na: Nsanzimana Ernest 12 August 2018 Yasuwe: 822

Ikigo cya Leta Zunze Ubumwe z’Amerika gishinzwe ibijyanye n’ibyogajuru n’ubumenyi bw’ikirere, cyatangaje ko cyohereje icyogajuru kigamije kugera hafi cyane y’izuba hatari harigeze hagerwa mbere.

Roketi itwaye iki cyogajuru cyitwa Parker yatumbagiye mu kirere ihagurukiye i Cape Canaveral muri leta ya Florida. Cyahagurutse ku isaha ya saa cyenda n’iminota 31 z’ijoro ku isaha yaho.

Ibi bibaye nyuma yaho ku munsi wabanje, kugerageza kohereza iki cyogajuru bitari byakunze ubwo impururuza yatanzwe ku munota wa nyuma yatumye iki kigo kitubahiriza igihe cy’iminota 65 cyari kihaye y’uko ikirere kimeze yari myiza yo guhaguruka.

Byitezwe ko iki cyogajuru kizaba ari cyo kintu cya mbere gikozwe n’umuntu cyihuta cyane kurusha ibindi byose kibayeho mu mateka y’isi.
BBC yatangaje ko iki cyogajuru ari icya mbere cyitiriwe umuntu ukiriho - uyu akaba ari umuhanga mu bumenyi bw’ikirere Dogiteri Eugene Parker w’imyaka 91 y’amavuko. Mu mwaka wa 1958, ni we wavumbuye ko ku zuba hari umuyaga.

Arebaga iki cyogajuru yitiriwe ubwo cyafataga ikirere, Dogiteri Parker yagize ati: "Mbega ibintu byiza! Tugiye kugira ibyo twiga mu myaka myinshi iri imbere."

Byitezwe ko amakuru iki cyogajuru kizazana azafasha mu gusobanura amwe mu mayobera amaze igihe kirekire ajyanye n’imyitwarire y’izuba.

Mu gihe cy’imyaka 7, byitezwe ko iki cyogajuru Parker kizazenguruka izuba inshuro 24 cyiga by’umwihariko agace gasa nkaho ari ko gaturukaho byinshi mu bigera ku isi dutuye.
Iki cyogajuru kizaba kiri ku birometero miliyoni 6.16 hafi y’izuba.
Intera yo hafi y’izuba iheruka kugerwaho n’icyogajuru yari ibirometero miliyoni 43, bikaba byarabaye mu mwaka wa 1976.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Martin Fayulu wababajwe n’intsinzi ya Tshisekedi yagizwe umudepite

Uwari umukandida Perezida muri RDC,Martin Fayulu,yamaze kugirwa umudepite...
15 February 2019 Yasuwe: 2486 0

Meghan umugore w’igikomangoma Harry yagaragaye mu ruhame akuriwe yambaye...

Igikomangoma Henry Harry na Meghan Markle bamaze hafi amezi umunani bakoze...
13 February 2019 Yasuwe: 7129 3

Umugore wihinduye umugabo yatanze ikirego asaba ko umwana yabyaye yafatwa...

Umwongerezakazi wavutse ari umugore akihinduza umugabo abazwe...
13 February 2019 Yasuwe: 2843 0

Igikomangomakazi cyari cyarigometse ku ntebe ya Cyami kugira ngo kirongorwe...

Ubolratana, yamenyekanye cyane mu ntangiriro z’imyaka ya 1970 ubwo...
11 February 2019 Yasuwe: 3018 0

Ubuzima bubi bwatumye zimwe mu ngabo za FDLR zishyikiriza Leta ya...

Abasirikare 2 bo mu mutwe wa FDLR bananiwe gukomezanya urugendo rurerure na...
10 February 2019 Yasuwe: 1641 0

Perezida Tshisekedi yatorewe kuba visi Perezida wa kabiri wa...

Perezida mushya wa RDC Félix-Antoine Tshisekedi,umaze iminsi mike arahiye...
10 February 2019 Yasuwe: 3623 0