New York:Coronavirus yageze no mu magereza

Amakuru   Yanditswe na: Martin Munezero 24 March 2020 Yasuwe: 3632

Harvey Weinstein wahoze ari mu bantu bakomeye mu batunganya filimi muri Hollywood uherutse guhamwa n’ibyaha byo gufata abagore ku ngufu, aho afungiye bamusanzemo coronavirus.



Michael Powers utegeka urwego rw’amagereza muri leta ya New York muri Amerika yatangaje ko Bwana Weinstein ubu yashyizwe mu kato.

Mu kwezi gushize, Bwana Weinstein yahamwe n’ibyaha by’ihohotera rishingiye ku gitsina no gufata abagore ku ngufu akatirwa gufungwa imyaka 23.

Umunyamategeko we yashimangiye ko azajuririra iki cyemezo cy’urukiko.Uyu mugabo w’imyaka 68 afungiye muri gereza iri hafi y’ahitwa Buffalo muri leta ya New York.



Imfungwa ebyiri zaho ejo ku cyumweru bazisanzemo coronavirus nk’uko umwe mu bakora muri iyi gereza utifuje gutangazwa amazina yabibwiye Reuters.Umunyamategeko wa Weinstein avuga ko we n’abo bafatanyije batigeze babwirwa ko umukiriya wabo yapimwe Covid-19.

Bwana Weinstein yahamwe n’icyaha cyo mu kiciro cya mbere cy’ihohotera rishingiye ku gitsina yakoreye umugore bakoranaga witwa Miriam Haley mu 2006.

Yahamwe kandi n’icyaha cyo mu kiciro cya gatatu cyo gufata ku ngufu umugore wariho yinjira mu mwuga wo gukina filimi witwa Jessica Mann mu 2013.



Abacamanza bamuhamije ibyaha by’ihohotera rishingiye ku gitsina yakoze mu buryo bukabije byashoboraga gutuma afungwa imyaka myinshi kurushaho.

Kuva mu 2017, abagore barenga 10 bashinje uyu mugabo kubahohotera bishingiye ku gitsina cyangwa kubafata ku ngufu. Mu Rwanda abamaze kwandura ni 19,hashyizweho ingamba mu kurushaho kugikumira zirimo guhagarika ingendo zidasobanutse,kwirinda guhana ibiganza no guhoberana n’izindi binyuranye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble

    murwanda.amakuru.

    2 weeks ago

Inzindi nkuru

#Kwibuka26:Umuhungu wa Perezida Museveni yifatanyije n’abanyarwanda muri ibi...

Lt. Gen. Muhoozi Kainerugaba, umujyanama wihariye wa Perezida Yoweri...
9 April 2020 Yasuwe: 5318 0

Covid-19:Abana 10 baburanye n’ababo ubwo hafatwaga ingamba zikomeye muri...

Polisi ya Kampala ivuga ko bahagaritswe n’abana 10 baburiwe irengero mu gihe...
9 April 2020 Yasuwe: 1210 0

Covid-19:Imfashanyo Bobi Wine yatanze ku batishoboye yashimwe na Perezida...

Imfashanyo yatanzwe na Robert Kyagulanyi uzwi nka Bobi Wine utavuga rumwe...
9 April 2020 Yasuwe: 3509 0

Covid-19:Abantu 2,261 bavuye mu kato mu Burundi

Minisiteri y’ubuzima mu Burundi yatangaje ko mu bantu 2,936 bari barashyizwe...
9 April 2020 Yasuwe: 1226 0

Abaturage bo muri Cote d’Ivoire bigaragambije basenya inyubako isuzumirwamo...

Ku mugoroba wo ku cyumweru tariki 5 Mata 2020, abigaragambya bashenye...
9 April 2020 Yasuwe: 2991 0

Amerika mu rugamba rwo kweguza umuyobozi wa OMS ngo bitewe n’uko bemeye...

Moussa Faki Mahamat, Umuyobozi wa Komisiyo y’Umuryango wa Afurika Yunze...
9 April 2020 Yasuwe: 4281 0