Nigeria: Abafite amaderedi n’ibishushanyo ku mubiri bari gufungwa na polisi

Amakuru   Yanditswe na: Dusingizimana Remy 27 May 2019 Yasuwe: 1686

Mu gihugu cya Nigeria umukwabu ukomeye wo gufata no gufunga abasore bafite ibisage (deredi) na za ’tatouage’ ku mubiri aho polisi ibashinja ko bagaragara nk’abajura cyangwa abatekamitwe.

BBC yatangaje ko abenshi mu bari gufatwa usanga ari urubyiruko rw’abasore bari mu bikorwa by’ubuhanzi basanzwe ari abarasita.

Kubera ibura ry’imirimo imenyerewe muri Nigeria, urubyiruko rwinshi ruri kujya muri muzika no gukina filimi, abenshi muri bo batereka ibisage bakanishushanyaho nk’ibibaranga mu mwuga wabo.

Umunyamakuru wa BBC,Sam Olukoya yavuze ko umutwe wa polisi witwa ’Police Special Anti-Robbery Squad’ ugendagenga muri Lagos hose ushakisha bene aba basore.

Uwitwa Jerry Sola usanzwe ari DJ yagize ati "Uwo munsi nari nicaye imbere y’ibiro byanjye mbona imodoka iraje, bavamo bareba cyane ’tatouage’ zanjye baravuga ngo ndi ’mu bantu bashaka’.Banyambuye ibyo nari mfite, banjugunya mu modoka, ngezemo nsanga abandi bafashe bose nabo bafite ’tatouage’, ibisage cyangwa byombi".

Abafashwe batanga ruswa kugira ngo barekurwe mbere yo gushinjwa ubujura.
Muri Nigeria ni akaga gakomeye gushinjwa ubujura. Uyu mutwe wa polisi washinjwe kenshi gukorera iyicarubozo cyangwa kwica ababukekwaho.

Olofin Ifedayo usanzwe utunganya muzika avuga ko nyuma yo gufungwa muri ubu buryo akaza kurekurwa byabaye ngombwa ko avanaho ibisage bye.

Yagize ati "Sinjye gusa, mfite n’izindi nshuti zanjye ziyogoshe ibisage kubera polisi. Tuba dufite ubwoba bw’ibyo bashaka kudukorera. Ibisage ubusanzwe si icyaha ariko babihinduye icyaha kibi".

Sola amaze kurekurwa nawe yahise avanaho ibisage bye. Ati "Ndababaye cyane kuko nabuze kimwe mu bindanga. Aho najyaga hose babona ibisage byanjye na ’tatouage’ bakavuga bati dore uriya ni umu-DJ".

Abahanzi bamwe bamaze gusohora indirimbo zamagana iki gikorwa cya polisi cyo gufunga abafite ibisage na ’tatouage’.

Bala Elkana umuvuguzi wa polisi i Lagos avuga ko hari abapolisi bamwe barimo gufata abantu batakoze ibyaha, ariko ko abapolisi babikora babahana.

Yagize ati "ntibikwiye ko hari umupolisi ubangamira umuntu ngo kuko afite ibisage cyangwa ’tatouage’, ntabwo twakwihanganira umupolisi ukora ibi".

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Raila Odinga yavuze imyato umukunzi we amubwira amagambo aryohereye...

Umunya-Politike Raila Odinga uzwi ho kutavuga rumwe n’ubutegetsi bwa Kenya,...
25 August 2019 Yasuwe: 2402 0

Igihugu cy’Afurika y’Epfo cyafatiriye indege ya Tanzania

Ubuyobozi bwa Tanzania bwatangaje ko ubuyobozi bwa Afurika y’Epfo,...
24 August 2019 Yasuwe: 2580 0

Burundi: Abatimbo bakoze imyigaragambyo yo kwamagana itorero ryo mu Rwanda...

Abatimbo bo mu gihugu cy’uBurundi biriwe mu rugendo rwo kwamagana itorero...
24 August 2019 Yasuwe: 2595 3

Uwahoze ari visi perezida wa Uganda yatangaje impamvu itangaje ituma...

Uwahoze ari Visi Perezida wa Uganda,Prof. Gilbert Bukenya, uzwi nka...
23 August 2019 Yasuwe: 7296 0

Bimwe mu bice by’ingurube birimo n’umutima wayo bizajya byifashishwa mu...

Abashakashatsi bagaragaje ko mu myaka iri imbere, bimwe mu bice by’inyamaswa...
23 August 2019 Yasuwe: 1832 0

Perezidansi ya Uganda yataye muri yombi abantu benshi barimo n’uwahoze ari...

Umutwe ushinzwe kurwanya ruswa muri Perezidansi ya Uganda, wataye muri...
23 August 2019 Yasuwe: 3296 0