Nigeria:Umugabo yagurishije umwana we ngo abashe gutegura ikiriyo cya nyirakuru

Amakuru   Yanditwe na: Iyamuremye Janvier 14 July 2017 Yasuwe: 694

Tariki ya 21 Kamena uyu mwaka, umugabo wo mu gihugu cya Nigeria yafashe umwanzuro wo kugurisha umwana we nyuma y’uko nyirakuru yitabye Imana akubura amafaranga yo kumushyingura.

Ku wa gatatu w’iki cyumweru nibwo abagabo babiri b’imyaka 30 y’amavuko harimo uwashatse kugurisha umwana we w’imyaka itandatu bagejejwe imbere y’ubutabera bakurikiranyweho ubufatanya cyaha mu kugurisha ikiremwa muntu.

Aba bombi baburaniye mu rukiko ruherereye mu mujyi wa mujyi wa Ibadan baregwa gushaka kugurisha umuntu.Haruna Sule ni we se w’umwana wari kugurishwa.

Uyu mugabo yabwiye urukiko ko yakoze ibyo agamije kubona amafaranga yo gushyingura umubyeyi we.Undi bareganwa mu rukiko n’inshuti ye magara Abdulfatai Quadri wanamufashije gucura uyu mugambi.

Bashinjwa ibyaha bibiri, icyo kugira umugambi mubisha ku muntu no kugerageza kugurisha umwana w’imyaka itandatu.

Mu rukiko, aba bagabo bahakanye ibyo baregwa.

Umushinjacyaha yavuze ko byaha bakurikiranyweho byakorewe mu gace ka Agbowo mu ntara ya Ogbomoso, ngo tariki ya 21 Kamena nibwo aba bagabo bacuze umugambi wo kugurisha uyu mwana witwa Saka Sule.

Uwari kugura uyu mwana niwe wabwiye Polisi yo muri Nigeria ko hari umwana ugiye kugurishwa n’umubyeyi we, ngo Polisi yahise itabara aba bagabo batabwa muri yombi.

Ibyo aba bagabo bashinjwa ngo bihanwa n’itegeko ryashyizweho muri Leta ya Oyo imwe mu zigize Nigeria, mu mwaka wa 2000.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Janet Museveni yahamije ko abakobwa be yabashyingiye bakiri...

Janet Museveni, umugore wa Perezida Museveni wa Uganda yatangaje ko...
16 October 2017 Yasuwe: 2974 0

Perezida w’Uburusiya yahawe Imbwa nk’impano na Perezida mugenzi...

Perezida w’Uburusiya Vladimir Vladimirovich Putin yahawe ikibwana cy’imbwa...
13 October 2017 Yasuwe: 1486 0

Burundi:Bafashwe bagurisha ibice by’umubiri w’umwana bari bamaze...

Mu Burundi abagabo batanu bafashwe bari kugurisha ibice by’umubiri by’umwana...
11 October 2017 Yasuwe: 3174 0

Isoko rikomeye muri Kenya ryafashwe n’inkongi y’umuriro

Isoko rikomeye rya Gikomba ryo muri Kenya ricuruza imyenda ya chaguwa...
6 October 2017 Yasuwe: 1377 0

Perezida Trump agiye kunamira abishwe Las Vegas 58!!!

Perezida wa Leta Zunze Ubumwe za Amerika, Donald Trump aragendera agace ka...
4 October 2017 Yasuwe: 460 0

Congo: Indege ya gisirikare yakoze impanuka irashya irakongoka

Indege ya gisirikare itwara imizigo yakoreye yakoze impanuka hashize...
1 October 2017 Yasuwe: 1241 0