skol
startimes

Nimuntora muzongera kurongora Abanyarwandakazi – Bobi Wine

Amakuru   Yanditswe na: Martin Munezero 17 December 2020 Yasuwe: 9233

Robert Ssentamu Kyagulanyi uzwi nka Bobi Wine wiyamamariza kuyobora Uganda, yijeje abaturage ko nibamutora igihugu cye kizongera kugendererana n’u Rwanda kugeza n’aho abaturage be bongera kurongora Abanyarwandakazi.


Ibi Robert Ssentamu Kyagulanyi yabigarutseho kuri uyu wa Gatatu ubwo yari mu gace ka Kisoro, aho yakoreye ibikorwa byo kwiyamamaza, aho yari aherekejwe n’umugore we, Barbie Itungo, wamwamamaje mu Kinyarwanda kakahava. mbere yo kwerekeza mu turere twa Rukiga na Kabale.

Kuva muri 2017 umubano w’u Rwanda na Uganda wajemo igitotsi bituma ibihugu byombi bihagarika ubuhahirane, bitewe n’ibirego buri kimwe gishinja ikindi.

U Rwanda rwakunze gushinja Uganda gushimuta abaturage barwo no gutera inkunga imitwe igamije kuruhungabanyiriza umutekano, mu gihe Uganda yo irushinja gufunga imipaka bikabangamira ubucuruzi bwayo ndetse no gukora ubukangurambaga mu itangazamakuru bugamije kuyisebya yo n’abategetsi bayo.

Ba Perezida Paul Kagame w’u Rwanda na Yoweri Museveni babifashijwemo n’abahuza nka Perezida Félix Tshisekedi wa RDC na Joao Lourenço wa Angola, bagerageje gushakira umuti umwuka mubi uri hagati y’ibi bihugu by’ibituranyi ariko byarananiranye.

Robert Ssentamu Kyagulanyi yabwiye abaturage ba Kisoro ko ntacyo bapfa n’Abanyarwanda, abizeza ko nibamutora bazongera kugenderana na bo ngo kuko ikibazo ari Museveni washatse kwigira Imana. Yagize ati:

Abantu ba Uganda nta kibazo dufitanye n’Abanyarwanda. Sinzi impamvu imipaka yafunzwe. Kuki ubucuruzi bw’abantu bukomeje kononekara? Ikibazo ni Museveni washatse kwigira Imana, ariko nimungira Perezida, ndababwiza ukuri ko Uganda izagirana umubano mwiza cyane n’abaturanyi bacu bose.

Ati: Tuzakorana ubucuruzi n’abaturanyi bacu, tuzacuranga umuziki hamwe n’abaturanyi bacu, tuzakina umupira w’amaguru n’abaturanyi bacu; yemwe tuzanarongora abakobwa babo.

Robert Ssentamu Kyagulanyi i Kisoro yashinje Perezida wa Uganda gukoresha ibyaha Gen Kale Kayihura wahoze uyobora Polisi ya Uganda uvuka muri kariya gace, yarangiza akamujugunya ku buryo atanashobora kugera muri kariya gace.

Yijeje abatuye kariya gace ko naramuka atowe azabubakira Kaminuza yitiriwe John Komuluyange (se wa Kayihura) ufatwa nk’umwe mu baharaniye ukwishyira ukizana kwa Afurika, Museveni amaze igihe ababeshya.

Mu bindi Bobi Wine yabijeje ni uko natorwa Kisoro izubakwamo ikibuga cy’indege mpuzamahanga.

Amatora y’Umukuru w’igihugu muri Uganda ateganyijwe ku wa 14 Mutarama 2021, abarimo Robert Ssentamu Kyagulanyi na Perezida Yoweri Museveni bakaba ari bo bahabwa amahirwe yo kuyatsinda kurusha abandi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

James yaribeshye ajugunya Disike iriho Miliyari z’Amanyarwanda zisaga...

James Howells ufite imyaka 35, ku bw’impanuka yajugunye disiki ye ifite...
22 January 2021 Yasuwe: 4150 0

Uwari Minisitiri mu biro bya Perezida wa Afurika y’Epfo yishwe n’ingaruka za...

Kuri uyu wa 21 Mutarama 2021, Jackson Mthembu wari Minisitiri mu biro bya...
22 January 2021 Yasuwe: 2753 0

Shema ku myaka 7 gusa atwara indege[AMAFOTO]

Shema Graham ni umwana w’Umugande w’imyaka 7 y’amavuko gusa, ariko amaze...
21 January 2021 Yasuwe: 6119 0

Hasabwe ubucukumbuzi ku mpamvu urukingo rwa COVID-19 ’Moderna’ rutera bamwe...

Ikigo cya Moderna Inc. gikora urukingo rwa Covid-19 rwitwa ‘Moderna’ cyasabwe...
21 January 2021 Yasuwe: 3363 1

Aho Joe Biden ari burahirire i Washington impande n’impande hagabwe Ingabo...

Muri Washington aharibuze kubera umuhango wo kurahira kwa Perezida mushya...
20 January 2021 Yasuwe: 5800 0

Muri Tanzania abagabo barashinjwa gucura abana babo amashereka

Mu Ntara za Iringa na Shinyanga mu Majyepfo y’Iburengerazuba mu gihugu cya...
19 January 2021 Yasuwe: 7308 0