Nyuma y’impanuka yahitanye abantu bagera kuri 64,Perezida Magufuri yashyizeho iminsi 3 y’icyunamo mu gihugu hose

Amakuru   Yanditswe na: Martin Munezero 11 August 2019 Yasuwe: 1161

Nyuma y’impanuka y’imodoka itwara esanse yabaye ejo kuwa Gatandatu taliki ya 10 Kanama 2019, yaturitse igahitana abarenga 61,Perezida wa Tanzania John Pombe Magufuli, yashyizeho iminsi itatu y’icyunamo ku gihugu cyose cyo kunamira abahitanwe nayo.

Iyi mpanuka yabereye mu gace kazwi nka Morogoro yakomerekeyemo abantu 70 mu gihe 64 aribo bamaze gutangazwa ko bitabye Imana.

Itangazo ryaturutse mu Biro bishinzwe Itumanaho mu Biro by’Umukuru w’Igihugu, rivuga ko iki cyunamo cyahereye ku wa Gatandatu kikazagera ku wa Mbere.

Muri iki gihe cy’icyunamo, ibendera ry’igihugu rizururutswa ndetse itangazo rivuga ko Perezida wa Repubulika azohereza Minisitiri w’Intebe, Kassim Majaliwa, i Morogoro kugira ngo amuhagararire mu muhango wo gushyingura abaguye muri iyi mpanuka.

Ibiro Ntaramakuru by’Abashinwa, Xinhua, byatangaje ku wa Gatandatu nijoro, Polisi yabaruraga abantu 64 bamaze guhitanwa n’iyi mpanuka.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Nkurunziza yamaze amatsiko abibaza niba azongera kwiyamamariza...

Perezida w’igihugu cy’u Burundi, Petero Nkurunziza yavuze ko imihigo...
21 August 2019 Yasuwe: 3573 1

Minisitiri w’intebe wa RDC agiye gushyiraho guverinoma nshya itegerejwe na...

Minisitiri w’Intebe wa Repubulika Iharanira Demokarasi ya Congo, Ilunga...
20 August 2019 Yasuwe: 632 0

Burundi :Umurwanashyaka wa CNL yishwe abandi batandatu barakomereka

Umurwanashyaka w’ishyaka rya CNL ryashinzwe na Agayhon yaraye yishwe abandi...
19 August 2019 Yasuwe: 1459 0

Muri Uganda imodoka yaturitse hapfa abantu barenga 10

Mu gitondo cyo kuri uyu wa mbere taliki 19 Kanama 2019, yatangaje ko haraye...
19 August 2019 Yasuwe: 1066 0

Umugabo uhabwa amahirwe menshi yo gusimbura perezida Nkurunziza...

Mu gihe habura igihe gito kugira ngo amatora mu Burundi abe,benshi bakomeje...
18 August 2019 Yasuwe: 5555 1

Afghanistan: Umwiyahuzi yaturikirije igisasu mu bukwe gihitana abantu 63...

Igisasu cyaturikiye mu bukwe bwaberaga i Kabul mu murwa mukuru wa...
18 August 2019 Yasuwe: 770 0