skol
startimes

Nyuma yuko abanje kunengwa yitwa ikigwari, Darnella Frazier umukobwa muto wafashe amashusho y’urupfu rwa George Floyd agiye guhembwa

Amakuru   Yanditswe na: Martin Munezero 31 October 2020 Yasuwe: 5378

Nyuma yuko abanje kunengwa yitwa ikigwari, Darnella Frazier, umukobwa muto wafashe amashusho y’urupfu rwa George Floyd akoresheje telefoni ngendanwa agiye guhabwa igihembo mu Ukuboza n’umuryango uharanira uburenganzira bwo gutangaza icyo muntu ashaka muri Amerika no ku isi muri rusange (PEN America).


Amashusho agaragaza George Floyd ubwo yafatwaga n’abapolisi bo mu mujyi wa Mineapolis muri leta ya Minesota muri Gicurasi yasakaye ku mbuga nkoranyambaga atuma abantu benshi bahita birara mu mihanda batangira imyigaragambyo ikomeye yamaganaga ihohoterwa rikorerwa abirabura muri Leta Zunze Ubumwe za Amerika ndetse n’ahandi ku isi.

Uyu mugabo w’umwirabura George Folyd yapfuye nyuma yo kubura umwuka ubwo umwe mu bapolisi bamufataga yamutsikamiraga ku ijosi mu gihe kirenga iminota umunani yose.

Suzanne Nossel uhagarariye uyu muryango kuri uyu wa kabiri yavuze ko uyu mukobwa muto ibyo yakoze byahinduye amateka ndetse binahagarika ihohoterwa ryakorerwaga abirabura rikozwe n’abapolisi. Yagize ati: ”Nta kindi akoresheje uretse telefoni ye n’umurava yari afite, Darnella yahinduye inzira y’amateka y’iki gihugu.”

Ubwo yaganiraga n’ibiro ntaramakuru by’abanyamerika Associated The Press, Suzanne Nossel yavuze ko uyu mukobwa abantu bakundaga kumushinja ko ibi yabikoze ku bwo gukurikira amafaranga cyangwa se gushaka ubwamamare.

Iki gihembo kizatangwa Kuwa 8 Ukuboza uyu mwaka, uyu mukobwa akazagisangira na Marie Yovanovitch wahoze ari Ambasaderi wa Leta Zunze Ubumwe za Amerika muri Ukraine.

Umuhango wo gutanga iki gihembo wari uteganijwe kuba Kuwa 19 Gicurasi [iminsi itandatu mbere y’urupfu rwa George Floyd] ariko uza kwegezwa inyuma kubera icyorezo cya COVID-19.

Mu bandi bazahabwa iki gihembo harimo nk’umwanditsi n’umunyamuziki Patti Smith n’umushinwa Xu Zhiyong.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Pierre Buyoya yahishuye impamvu yamuteye kwegura ku mirimo ye yaramazemo...

Pierre Buyoya wahoze ari Perezida w’u Burundi, kuri ubu akaba yari intumwa...
27 November 2020 Yasuwe: 1897 0

Bobi Wine uri guhatanira umwanya wo kuba Perezida wa Uganda yabujijwe...

Bobi Wine uri guhatanira umwanya w’Umukuru w’Igihugu yaraye abujijwe n’inzego...
27 November 2020 Yasuwe: 2212 0

Trump yashyizeho ingwate ku baturage bo mu bihugu bimwe byo muri Afurika...

Ubuyobozi bwa Trump bwashyizeho itegeko rishya ry’ingendo ry’agateganyo...
27 November 2020 Yasuwe: 1672 0

Depite wo mu Bwongereza yashinje uwahoze ari Perezida wa Nigeria kwiba...

Depite wo mu Bwongereza arashinja uwahoze ari umuyobozi wa Nigeria, Yakubu...
27 November 2020 Yasuwe: 973 0

Congo:Sheka wahoze ari umukuru w’inyeshyamba yakatiwe gufungwa...

Uwahoze ari umukuru w’inyeshyamba muri Repubulika ya Demokarasi ya Kongo...
25 November 2020 Yasuwe: 731 0

Uganda:Inzego z’umutekano zatahuye umugambi wo kwica Bobi Wine no gutwika...

Muri Uganda, inzego zishinzwe umutekano zatahuye umugambi wateguraga wo...
25 November 2020 Yasuwe: 4548 0