Pasiteri Mboro yavuze ku ihishurirwa ry’icyorezo cya Coronavirus

Amakuru   Yanditswe na: Martin Munezero 20 March 2020 Yasuwe: 6778

Paseka Motsoeneng wamenyekanye ku izina rya Pasiteri Mboro yavuze ko mu mwaka wa 2019 Imana yari yaramubwiye ko muri uyu mwaka wa 2020 hazaba icyorezo cya coronavirus.



Pasiteri Mboro agira icyo avuga kuri iki cyorezo Covid-19, ubwo yari ari kuri Radio Kasie 97.1 fm yanenze bikomeye abapasiteri bemeye gufunga insengero zabo, yongeraho ko we inyigisho ze zigomba gukomeza ariko bigakorwa mu buryo butashyira abantu mu kaga.

Mboro Times, nkuko yiyita ku rukuta rwe rwa facebook, yasangije amashusho abamukurikira yerekana umwe mu bayobozi b’idini yambaye imyenda y’ubwirinzi n’uturinda biganza igihe yariari kugaga kuri iki cyorezo cya Covid-19.

Mboro yavuze ko ibyo kumenya ko uyu mwaka hari kuzaba iki cyorezo, yabimenye mu mwaka ushize wa 2019 nyuma yo kwakira ubutumwa bugufi buturutse ku Mana, akomeza avuga ko Imana yamuhishuriye ko icyo cyorezo cyizatwara ubuzima bw’ibihumbi by’abantu ndetse n’ubukungu bw’ibihugu byinshi bugasubira hasi ku buryo bugaragara.



Pasiteri Mboro atitaye ku bukana bw’iki cyorezo cyazengereje Isi yose, yanenze bikomeye abayobozi b’amadini bemeye gufunga insengero zabo. Mu magambo yaherekeje amashusho yeretse abantu, yagize ari:

“Biteye isoni n’agahinda kubona insengero zose zifungwa, nkuko Minisitiri w’ubutabera mu gihugu cya Afurika y’Epfo Mogoeng Mogoeng yabitegetse. Insengero zigomba gukomeza kwigisha ibyo zigishaga.”

Mboro yakomeje avuga ko insengero zakomeza gukora uko bisanzwe, hagafatwa ingamba zuko abayoboke bazo bakwirinda ariko abantu bagakomeza gusenga.



Ku giti cye yavuze ko atakwemerera abantu barenga ijana guhurira mu rusengero rumwe ku gihe kimwe kandi ko hagati y’umuntu umwe n’undi mu gihe bicaye bagomba gutandukanwa nibura na metero imwe.

Yagize ati:” Tugomba buri gihe kujya twibuka uko Dawidi yatsinze Goriyati mu buryo abantu benshi babonaga ko budashoboka. Natwe rero tugomba gutsinda iki cyorezo mu gihe dushyize hamwe tukaba umwe dukoresheje insengero zacu.”

Nyuma yo kwerekana ayo mashusho, pasiteri Mboro n’itsinda bari kumwe bateye imiti yica udukoko mu rusengero.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Pasiteri ari gukorwaho iperereza kubera amavuta yakoze yemeza ko umuntu...

Umupasiteri ukomoka.mu hihugu cya Kenya uba mu Bwongereza ari gukorwaho...
4 April 2020 Yasuwe: 1038 0

Covid-19:Abantu 2 mu Burundi bishwe bazira gutoroka akato

Mu ijoro ryo kuwa Kabiri rishyira kuwa Gatatu, itariki 01 Mata 2020,...
3 April 2020 Yasuwe: 3215 0

Covid-19:Bamwe mu baturage bo mu Buhinde bahisemo kwituranira n’inyoni...

Abaturage 7 bo mu Buhindi bakoze agashya katunguye benshi ubwo bafataga...
3 April 2020 Yasuwe: 2896 1

Covid-19:Muri Amerika imbunda nizo ziri kugurwa ku bwinshi

Biragaragara ko muri iyi minsiAbanyamerika batari kugura ibiryo n’impapuro...
2 April 2020 Yasuwe: 5014 0

Muri Iran abantu barenga 1300 bigabije ikiyobyabwenge bakinywa ku bwinshi...

Muri Iran, abantu barenga 1300 bigabije ikiyobyabwenge cya Methanol...
1 April 2020 Yasuwe: 3324 0

Covid-19:Muri Nigeria abadepite bemeye kudahembwa

Abadepite bo muri Nigeria bemeye gukatwa imishahara yabo y’amezi abiri...
1 April 2020 Yasuwe: 793 0