Perezida Buhari wa Nigeria yasubiye kwivuriza mu Bwongereza

Amakuru   Yanditswe na: Nsanzimana Ernest 8 May 2017 Yasuwe: 663

Perezida wa Nigeria Muhammadu Buhari yasubiye mu gihugu cy’ u Bwongereza ajyanywe no kwivuza indwara itaramenyekana.

Kuri iki Cyumweru tariki 7 Gicurasi nibwo uyu mukuru w’ igihugu yuriye indege yerekeza I Londres mu gihugu cy’ u Bwongereza aho yari yavuye mu Werurwe uyu mwaka.

Perezida Buhari yagiye amaze kubonana n’ abana b’ abakobwa 87 bari mu bakobwa 276 bashimuswe n’ umutwe wa Boko Haram mu mwaka wa 2014. Kugarura aba bana bagasubira mu miryango yabo ni kimwe mu bibazo yavuze ko bimuraje ishinga ubwo yari akimarakuba Perezida wa Nigeria.

Umuvugizi wa Buhari, Femi Adesin yatangaje ko Buhari yasubiye kwivuriza mu gihugu cy’ u Bwongereza mu gihe hari hashize iminsi hacicikana amakuru avuga ko uyu mukuru w’ igihugu yaba arembye.

Perezida Buhari yari amaze igihe kingana n’ ukwezi kose atitabira inama y’ abagize guverinoma ndetse atanaboneka mu masengesho y’ idini ya Islam aba ku wa Gatanu wa buri cyumweru.

Muri Mutarama uyu mwaka nibwo Buhari yafashe ikiruhuko cy’ uburwayi ajya kwivuriza mu Bwongereza aho yamaze amezi abiri akagaruka mu gihugu muri Werurwe uyu mwaka.

Uburwayi bwe ntabwo bwigeze butangazwa gusa amakuru yamenyekanye ni uko ubwo yaheruka mu Bwongereza abaganga bamwongereye amaraso.

Igihe azagarukira mu gihugu cye ntabwo cyatangajwe gusa ngo bizaterwa n’ igisubizo abaganga b’ I Londres bazamuha.

Perezida Buhari afite imyaka 74 y’ amavuko yatangiye kuyobora Nigeria mu mwaka wa 2017.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

GISAGARA:Umugabo n’umugore n’abana 3 bamaze umwaka n’igice bibera muri...

Mu gice cy’umurenge wa Gashora mu karere ka Bugesera werekeza mu wa...
25 April 2018 Yasuwe: 871 0

Umugabo yakubise ibuye n’icyuma umukunzi we kugeza amwishe

Umugabo witwa Dean Lowe w’imyaka 33 ukomoka mu Bwongereza,yakubise umukunzi...
25 April 2018 Yasuwe: 920 1

Abagabo 18 bo mu Bwongereza bafashwe bari gusambanya abakobwa bo muri...

Abagabo bagera kuri 18 bo mu Bwongereza,baguwe gitumona polisi bari...
24 April 2018 Yasuwe: 4228 1

Filimi z’urukozasoni zatumye umusore afata ku ngufu mama we

Umusore wiswe Rohan na polisi mu rwego rwo kurinda icyubahiro ry’umubyeyi...
23 April 2018 Yasuwe: 2721 0

Umwana w’imyaka 6 yafashwe ku ngufu n’umugizi wa nabi

Umwana w’imyaka 6 ukomoka mu Buhindi wafashwe ku ngufu n’umugizi wa nabi ubwo...
23 April 2018 Yasuwe: 926 1

Pasiteri yashimuse umwana w’ umupolisi ukomeye aramwica

Polisi irashakisha abantu babiri barimo umupasiteri bashimuse umwana w’...
22 April 2018 Yasuwe: 7752 0