startimes

Perezida Kagame yavuze impamvu ikomeye yatumye u Rwanda rwiyemeza kwakira abimukira bo muri Libya

Amakuru   Yanditswe na: Dusingizimana Remy 25 September 2019 Yasuwe: 2918

Perezida Paul Kagame yabwiye inama rusange y’umuryango w’abibumbye (UN) ko kuba u Rwanda rugiye kwakira abimukira bavuye muri Libya ari ikimenyetso ko muri Afurika naho hava ibisubizo.



Nyakubahwa perezida Kagame yavuze ko Afurika imaze kugera kuri byinshi ariyo mpamvu u Rwanda rwiyemeje kwakira aba bimukira mu rwego rwo kwereka isi yose ko na Afurika yakwikemurira ibibazo ititabaje ingufu z’abandi.

Leta y’u Rwanda yahakanye amakuru yavugaga ko hari inyungu izavana mu kwakira aba bimukira biganjemo abakomoka mu bihugu byo mu ihembe rya Afurika bafungiye mu bigo byo muri Libya.

Mu nama rusange ya UN iri kubera i New York, Perezida Kagame yagiye agaragaraza ingamba n’intambwe Afurika igezeho mu guteza imbere ubukungu n’imibereho myiza.

Perezida Kagame yatanze urugero ko mu kwezi kwa karindwi gutaha ubucuruzi muri Afurika buzatangira gukorwa nk’isoko rimwe hagendewe ku masezerano avanaho imbibi mu bucuruzi yemejwe n’ibihugu bya Afurika.

Yagize ati: "Gusa Afurika iracyari inyuma nubwo umugabane wacu ubu ifite ibihugu byinshi biri kwihuta mu iterambere ku isi kurusha ibindi.

"Iryo terambere rigomba kugera kuri buri wese kugira ngo tugabanye ubusumbane buriho mu bihugu. Ibikenewe ngo izi mpinduka zibe birahari".

Kuri uyu wa kabiri Minisitiri Ushinzwe Ibikorwa by’Ubutabazi, Kamayirese Germaine yatangarije abanyamakuru mu Rwanda ko ikiciro cya mbere cy’abimukira bafungiye muri Libya kizagera mu Rwanda ejo kuwa kane.

Ku bufatanye na UNHCR hamwe n’umuryango w’ubumwe bwa Afurika, u Rwanda ruheruka kwemera kwakira abimukira 500 bari muri Libya bafashwe bagerageza kujya i Burayi.

Perezida Kagame yabwiye inama rusange ya UN ko kuba u Rwanda rugiye kwakira aba bimukira ari "ikimenyetso ko dushobora gufatanya gukemura ibibazo bigoye".

Yagize ati: "Turasaba ibihugu bya Afurika kugira ubufatanye nk’ubu. Afurika ubwayo nayo ni ahantu hava bisubizo".

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble messi

    muraho, nshimishwa nibyemezo by’umukuru w’igihugu cyacu, ariko nkababazwa nimikorere y’ibindi bihugu by’africa! muziko iyo ugeze mubindi bihugu badusuzugura bakatigira abantu baciriritse! cyane cyane ibyamajyepfo! Malawi Mozambique na south africa! kugirango uhabwe visa ufite passport y’urwanda bisaba gutanga ruswa! imeze nkitemewe ndibuka rimwe harabana bari bagiye Maputo na bus bageze kumupaka was Mozambique bababwira ko nta visa yemewe kugihugu cy’urwanda! byabasabye gufata indege kuko burya indege ntamanyanga menshi abaho!

    September 2019
  • chat_bubble gatare

    This is a very good gesture by Rwanda.Ni igikorwa cy’urukundo Imana isaba buri mukristu wese.Twibuke ko Imana yasabye Abisirayeli kwakira no gucumbikira neza abanyamahanga.Ndetse ibibutsa ko nabo bigeze kuba IMPUNZI muli Egypt.Niba abantu bagiraga "urukundo nyakuri",isi yose yaba paradizo.Ibibazo byavaho burundu: Intambara,ruswa,ubujura,akarengane,ubusambanyi,etc...Noneho ibi byose bikavaho: Gereza,abasirikare,abapolisi,gutana kw’abashakanye,kwiyahura,ministeri z’ubucamanza,iy’ingabo,iy’umutekano,etc...Nta muntu wakongera gukinga.Ibyo byose twabuze,bizabaho mu isi izaba paradizo dusoma ahantu henshi muli bible.Imana izakura mu isi abantu bose bakora ibyo itubuza.

    September 2019

Inzindi nkuru

Hoteli ya mbere ku Isi isize Zahabu imbere n’inyuma yafunguwe

Muri Vietnam hafunguwe Hoteli ya mbere ku Isi isize zahabu (gold-plated)...
6 July 2020 Yasuwe: 4358 1

Umugore wari umaze imyaka 9 yarabuze urubyaro hari hashize iminsi 26 abyaye...

Umugore wari umaze imyaka 9 yarabuze urubyaro, nyuma y’iminsi 26 abyaye...
3 July 2020 Yasuwe: 4598 1

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 1618 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 1116 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 700 0

Minisitiri wa mbere ukomoka mu bwoko bw’Abatwa yinjiye muri Guverinoma y’u...

Ihuriro ry’Abatwa bo mu gihugu cy’u Burundi kikigendera ku moko y’Abakoloni,...
29 June 2020 Yasuwe: 6981 1