startimes

Perezida Macron yutse inabi mugenzi we wa Brazil waneguye umugore we ku karubanda

Amakuru   Yanditswe na: Dusingizimana Remy 27 August 2019 Yasuwe: 3649

Perezida w’Ubufaransa Emmanuel Macron yanenze Perezida Jair Bolsonaro wa Brazil kubera imvugo "mbi" yakoresheje avuga ku mugore we Brigitte Macron.



Intandaro yo gushyamirana kw’aba bagabo yatangiye nyuma y’aho Macron anengeye ku karubanda Bolsonaro kubera inkongi zikomeje kwibasira ishyamba rya Amazon riri kugurumana muri iyi minsi

Bolsonaro yasubije Macron ku Cyumweru yifashishije Facebook, anyuze ku butumwa bw’umwe mu nshuti ze wanditse amagambo agereranya umugore wa Bolsonaro witwa Michelle w’imyaka 37 na Brigitte wa Macron ufite imyaka 66, ashyiraho n’ifoto ya bombi.

Uyu yarengejeho amagambo agira ati: "Ubu noneho murumva impamvu Macron ari kubuza uburyo Bolsonaro?".

Perezida Bolsonaro w’imyaka 64 yanditse asubiza kuri ibi byanditse mu rurimi rw’Igiportugal ati: "Wimusebya (Macron)... wa mugabo we, ha ha."

Abajijwe ku byavuzwe na Bwana Bolsonaro, Perezida Macron yavuze ko ari "ibintu bibi cyane" kandi "bibabaje".

Mu kiganiro n’abanyamakuru kuri uyu wa mbere, Bwana Macron yagize ati: "Yavuze ibintu biteye isoni cyane ku mugore wanjye. Nubaha cyane abaturage ba Brazil kandi nizeye ko vuba bazabona perezida ushoboye akazi ke".

Macron ayoboye abagaya ubutegetsi bwa Brazil ko ntacyo buri gukora mu kuzimya Amazon ndetse akaba yifuza ko hari icyo abategetsi bandi ku isi babikoraho.

Perezida Macron yavuze ko iyi miriro ari "ikibazo gihangayikishije isi", gusa Bolsonaro ibi yabyise "imitekerereze ya gikoroni".

Perezida Bolsonaro azwiho kuvuga amagambo atari meza ku bagore, abirabura n’abafite ubumuga bw’uruhu.

Rimwe mu magambo mabi cyane yavuze ni mu gihe yari ahanganye n’umugore uri mu bagize inteko witwa Maria do Rosario mu 2014.

Icyo gihe yabwiye uyu mugore ati: "Nta nubwo nagufata ku ngufu kuko utabikwiriye".

Perezida Bolsonaro kandi yigeze gutangaza abantu ubwo yavugaga ku mukobwa mu ruhame mu 2017.

Yagize ati: "Mfite abana batanu. Nabyaye abahungu bane, maze ngeze ku wa gatanu ncika intege haza umukobwa".


Bolsonaro yandagaje Macron avuga ko afite umugore w’umukecuru
Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 1385 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 938 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 673 0

Minisitiri wa mbere ukomoka mu bwoko bw’Abatwa yinjiye muri Guverinoma y’u...

Ihuriro ry’Abatwa bo mu gihugu cy’u Burundi kikigendera ku moko y’Abakoloni,...
29 June 2020 Yasuwe: 6911 1

Mu Burundi umuturage yakorewe ubugizi bwa nabi atwikirwa inka...

Burundi mu mudugudu wa Gishubi, mu Ntara ya Muramvya, mu ijoro ryo kuwa 26...
29 June 2020 Yasuwe: 1145 0

Abayapani bakoze agapfukamunwa gakoresha ikoranabuhanga

Mu Buyapani hakozwe agapfukamunwa gakoresha ikoranabuhanga ku buryo...
29 June 2020 Yasuwe: 2238 0