skol
startimes

Perezida Magufuli yarahiriye Manda ya kabiri

Amakuru   Yanditswe na: Martin Munezero 5 November 2020 Yasuwe: 4278

Kuri uyu wa kane mu gitondo, Perezida John Magufuli wa Tanzania yarahiriye manda ya kabiri nyuma yo gutsinda amatora yo mu cyumweru gishize n’amajwi 84%.


Kuva saa kumi n’ebyiri za mugitondo abaturage bari mu nzira berekeza kuri stade Jamuhuri mu murwa mukuru Dodoma gukurikira umuhango wo kurahira kwa Magufuli.

Ni imihango yaranzwe n’akarasisi gakomeye ka gisirikare.

Ibihugu birenga 15 byari bihagarariwe, hari kandi intumwa z’umuryango w’Ubumwe bwa Africa, umuryango w’ibihugu byo muri Afurika y’amajyepfo, n’iz’umuryango w’ibihugu by’aka karere (EAC).

Mu bihugu byo mu karere hari Perezida Yoweri Museveni wa Uganda na minisitiri w’intebe w’u Burundi Alain Guillaume Bunyoni, hari kandi Perezida wa Zimbabwe, Emmerson Mnangagwa.

U Rwanda rwohereje Christophe Bazivamo, umukuru wungirije w’ishyaka FPR-Inkotanyi riri ku butegetsi mu Rwanda.

Magufuli yatsinze amatora ku bwiganze, gusa ibyayavuyemo byamaganywe n’abatavuga rumwe n’ubutegetsi, imiryango ya sosiyete sivile n’indorerezi zimwe na zimwe z’amatora.

Ambasade ya Amerika i Dar es Salaam yavuze ko aya matora yabayemo inenge nyinshi no kubogamira ishyaka riri ku butegetsi n’umukandida waryo.

Sylvestre Ntibantunganya wari ukuriye indorerezi z’umuryango w’ibihugu by’Afurika y’iburasirazuba, EAC, yavuze ko "aya matora yagenze neza".

Komisiyo y’amatora muri Tanzania yavuze ko abanenga ibyabaye muri ayo matora nta kuri bafite.

Muri Tanzania, amategeko avuga ko ibyavuye mu matora ntahandi bijuririrwa.

Abatavuga rumwe n’ubutegetsi bahamagariye imyigaragambyo mu gihugu yo kwamagana ibyayavuyemo. Polisi yavuze ko imyigaragambyo iyo ariyo yose itemewe n’amategeko.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibiteye amatsiko wamenya ku munsi mpuzamahanga wahariwe umugore

Umunsi mpuzamahanga w’umugore ku Isi wizihizwa buri tariki ya 8 Werurwe buri...
8 March 2021 Yasuwe: 2623 0

Perezida Ndayishimiye yakuriye inzira ku murima abagore yise ko bacuruza...

Perezida wa Repubulika y’u Burundi, Evariste Ndayishimiye yatangaje ko...
7 March 2021 Yasuwe: 4302 0

Injangwe yatumye indege yavaga muri Sudani igwa bitunguranye

Indege yari ivuye I Khartoum muri Sudani yerekeza muri Qatar iherutse...
7 March 2021 Yasuwe: 3556 0

Inzuki zataye muri yombi abajura bari bibye Televiziyo

Mu gace ka Sofia mu Karere ka Busia muri Uganda, inzuki zakoze agashya ubwo...
5 March 2021 Yasuwe: 4813 0

Umugabo yatunguye benshi ubwo yaryamaga hasi ku muferege akabera ikiraro...

Umugabo yatunguye benshi ubwo yaryamaga hasi ku muferege ucamo amazi maze...
5 March 2021 Yasuwe: 5389 0

Igikomangoma Harry yavuye i Bwami mu Bwongereza kuko ngo kugumayo...

Igikomangoma Harry avuga ko yasize umuryango w’i Bwami mu Bwongereza akajya...
5 March 2021 Yasuwe: 3862 0