Perezida Magufuli yasabye abakirisitu gushaka umuti nyawo wa Coronavirus

Amakuru   Yanditswe na: Martin Munezero 24 March 2020 Yasuwe: 1848

Ku wa 22 Werurwe 2020, ubwo yari yitabiriye amasengesho yo gusabira igihugu yabereye muri Kiliziya yitiriwe Mutagatifu Pawulo w’Umusaraba muri Katedrali ya Dodoma, Perezida wa Tanzania Dr John Pombe Magufuli, yasabye Abanya-Tanzania kudatinya icyorezo cya Coronavirus ngo bareke kujya mu nsengero no mu misigiti, cyangwa ngo bahagarike imirimo yabo.



Perezida Magufuli yabwiye abitabiriye iyo Misa ko Coronavirus idakwiye kuba intandaro yo kwibagirwa Imana, bityo ahamagarira abakristu n’abizera bo mu yandi madini gusaba Imana kubarinda kiriya cyorezo, aho kureka ngo Satani ategeke.

Uyu mukuru w’igihugu cya Tanzania kandi yanenze imyitwarire ya bamwe mu bantu bagira urwenya Coronavirus cyangwa bagatera ubwoba abaturage, binyuze mu bitangazamakuru ndetse no ku mbuga nkoranyambaga. asaba abaturage gukomeza akazi kabo, mu gihe Isi ikomeje kurwana n’uko kiriya cyorezo cyahagarara. Perezida Magufuli yagize ati:“Ntimugatinye kujya mu nsengero cyangwa mu misigiti kubera Coronavirus.

“Ndasengera abavandimwe b’Abakristu n’Abanya-Tanzania bo mu madini yose. Iki ni cyo gihe cyiza cyo kwiringira Imana kuruta ikindi gihe cyose, gukomeza gukora no gukomeza kubaka ubukungu bwacu, ntidushobora kwiyegurira indwara ya Corona ngo tunanirwe kwiringira Imana kandi tunanirwa gukomeza ubukungu bwacu.”



Perezida Magufuli yanashimiye abayobozi b’amadini kuba barifatanije na Guverinoma mu gukangurira abaturage gufata ingamba zo kwirinda Coronavirus, ahamagarira abayobozi gukomeza gusengera Tanzania kugira ngo Imana iyirinde kiriya cyorezo.

Perezida Dr John Pombe Magufuli yahamagariye abaturage b’igihugu cye gukomeza kujya mu nsengero, mu gihe ibihugu bituranye na Tanzania byo byamaze kuzifunga kubera icyorezo cya Virusi ya Corona.

Ku ikubitiro u Rwanda ni rwo rwafashe icyemezo cyo kuba rufunze insengero n’imisigiti, nyuma iki cyemezo gishyirwa mu bikorwa no mu bihugu bya Kenya na Uganda.



Imibare igaragaza ko Tanzania ifite abantu 12 banduye icyorezo cya Coronavirus mu gihe ku Mugabane wa Afurika abacyanduye ari 1386.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

#Kwibuka26:Umuhungu wa Perezida Museveni yifatanyije n’abanyarwanda muri ibi...

Lt. Gen. Muhoozi Kainerugaba, umujyanama wihariye wa Perezida Yoweri...
9 April 2020 Yasuwe: 5275 0

Covid-19:Abana 10 baburanye n’ababo ubwo hafatwaga ingamba zikomeye muri...

Polisi ya Kampala ivuga ko bahagaritswe n’abana 10 baburiwe irengero mu gihe...
9 April 2020 Yasuwe: 1201 0

Covid-19:Imfashanyo Bobi Wine yatanze ku batishoboye yashimwe na Perezida...

Imfashanyo yatanzwe na Robert Kyagulanyi uzwi nka Bobi Wine utavuga rumwe...
9 April 2020 Yasuwe: 3495 0

Covid-19:Abantu 2,261 bavuye mu kato mu Burundi

Minisiteri y’ubuzima mu Burundi yatangaje ko mu bantu 2,936 bari barashyizwe...
9 April 2020 Yasuwe: 1224 0

Abaturage bo muri Cote d’Ivoire bigaragambije basenya inyubako isuzumirwamo...

Ku mugoroba wo ku cyumweru tariki 5 Mata 2020, abigaragambya bashenye...
9 April 2020 Yasuwe: 2984 0

Amerika mu rugamba rwo kweguza umuyobozi wa OMS ngo bitewe n’uko bemeye...

Moussa Faki Mahamat, Umuyobozi wa Komisiyo y’Umuryango wa Afurika Yunze...
9 April 2020 Yasuwe: 4248 0