Perezida Museveni na Minisitiri w’ Ububanyi n’ Amahanga basabwe kwegura

Amakuru   Yanditswe na: Nsanzimana Ernest 23 November 2017 Yasuwe: 5428

Abadepite 7 bo mu gihugu cya Uganda bavuze ko Perezida w’ iki gihugu Yoweli Kaguta Museveni na Minisitiri w’ Ububanyi n’ Amahanga Sam Kutesa bakwiye kwegura kubera ko bongeye gushinjwa ruswa.

Ibi bitangajwe nyuma ya raporo iherutse kugaragaza ko Umushinwa, Chi Ping Patrick Ho ukora ibijyanye n’ ingufu ya yahaye ruswa Perezida Museveni na Kutesa kugira yemererwe gukorera muri Uganda.

Aba badepite babitangarije mu kiganiro n’ abanyamakuru cyabereye mu mugi wa Kampala kuri uyu wa Gatatu tariki 22 ugushyingo 2017.

Bati “Perezida Museveni na Kutesa bakwiye kwegura bagatanga amahirwe yo gutunganya igihugu. Vuba dushobora kumva impapuro zita muri yombi Perezida wacu na Kutesa.”

Depite Lwemiyaga yunzemo ati “Reka turebe niba Kutesa yajya Washington…ntabwo yajyayo yahita abafatwa kuko arashakishwa”

Abadepite bari muri icyo kiganiro n’ abanyamakuru ni John Baptist Nambeshe, Nabilah Nagayi, Patrick Nsamba, Monicah Amoding, Barnabas Tinkasiimire, James Kaberuka, Theodore Ssekikubo na Gerald Karuhanga.

Iyo raporo ivuga ko ubwo aheruka gutorwa Perezida Museveni yakiriye impano ivuye kuri Ho gusa umunyamabanga mukuru wa Museveni arabihakana.

Dail monitor dukesha iyi nkuru ivuga ko Minisitiri Kutesa ari ku mugabane w’ Uburayi mu ruzinduko rw’ akazi, ikongeraho ko nta wamenya niba azagaruka mu gihugu.

Mu ntangiro z’ uku kwezi Kutesa yatunzwe agatoki na raporo ya ‘Paradise Papers’. Paradise Papers ni raporo yakozwe n’ umuryango w’ abanyamakuru bakora inkuru zicukumbuye ku Isi, International Consortium of International Journalists (ICIJ). Iyi raporo igaragara abayobozi bakomeye bakwepa imisoro amafaranga bakajya kuyabitsa muri za banki zo mu birwa.

Muri 2010 Komisiyo Ishinzwe gukurikirana imikoreshereze y’ umutungo wa Leta ya Uganda yashinje Minisitiri Kutesa ko kuba yarahawe miliyari 9 z’ amashilingi mu buryo butasobanutse.

Kutesa ashinjwa kuba yahawe n’ umushinwa Ho ruswa ya miliyari 1,8 mu mashilingi ya Uganda.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble KAMANAYO Joel

    Muli Afrika henshi,Abadepite nta ngufu bagira.Zifitwe na army and police.Iyo bitaba Army,Mugabe yari kuzavaho apfuye.Ahenshi muli Afrika,Parliaments are only there for cosmetic reasons kugirango abazungu baturebe neza.Ariko ubutegetsi buba bufitwe na army and police.Niyo mpamvu umuhungu wa M7 ariwe utegeka presidential guard.

    November 2017

Inzindi nkuru

Brigitte Macron yubahutse umugabo we Emmanuel Macron amuvugaho amagambo...

Umugore wa perezida w’Ubufaransa Brigitte Macron,yabwiye umugabo we Emmanuel...
15 October 2018 Yasuwe: 4924 0

Polisi ya Uganda yategetswe kwishyura miliyoni 270 z’amashilingi umuturage...

Umuhesha w’Inkiko wa Uganda yategetse Polisi y’Igihugu kwishyura indishyi...
15 October 2018 Yasuwe: 425 0

Umugabo yakatiwe imyaka 244 azira gusambanya umwana we w’ ukwezi...

Umugabo witwa Patricio Medina w’imyaka 27 ukomoka muri USA,muri leta ya...
14 October 2018 Yasuwe: 1333 1

Umugore ushaje kurusha abandi bose yatangaje ikintu kimwe cyamushimishije...

Umukecuru w’Umurusiya ukuze kurusha abandi ku isi,witwa Koku Istambulova...
14 October 2018 Yasuwe: 2998 1

Umunyeshuli yatemesheje umupanga umukozi w’ikigo na mugenzi we nyuma yo...

Mu gihugu cya Kenya haravugwa inkuru y’umwana wiga mu mwaka wa 3 w’amashuli...
14 October 2018 Yasuwe: 2424 0

Umugabo yakase igitsina mugenzi we bapfuye ko yashakaga gutereta umukunzi...

Umunyamerika witwa Justin Foster w’imyaka 28,yatawe muri yombi azira gukata...
13 October 2018 Yasuwe: 854 0