skol
startimes

Perezida Museveni yabwiwe ko iyo bitaba kubwa Rebecca atari kwemererwa kwiyamamaza mu matora ataha

Amakuru   Yanditswe na: Martin Munezero 17 August 2020 Yasuwe: 3931

Perezidante w’Inteko Ishinga Amategeko ya Uganda, Rebecca Kadaga yatangaje ko ishyaka NRM ritari kuba rifite Perezida Museveni nk’umukandida waryo mu matora ataha iyo bitaba ku mbaraga ze.


Kadaga ibi yabitangaje ku wa Gatanu ushize avuga ko yari akwiye no gushimirwa n’ishyaka riri ku butegetsi rikamuha umwanya w’umuyobozi waryo wungirije wa kabiri kubera inkunga ye nk’uko iyi nkuru dukesha Chimpreports ivuga.

Yavuze ko iyo zitaba imbaraga ze yashyize mu gutambutsa umushinga w’ivugururwa ry’itegeko nshinga hagakurwamo imyaka Umukuru w’Igihugu atagomba kuba arengeje kugira ngo yiyamamaze mu 2017 bitari gukunda.

Yabwiraga intumwa za NRM muri Kigezi, aho bari bateraniye muri White Horse Inn Hotel iherereye mu Mujyi wa Kabale. Yavuze ko yarwanye urugamba rutoroshye ahanganye n’abatavuga rumwe n’ubutegetsi mu nteko kandi akabasha gutuma itegeko ritambuka. Ati:

Niba mwibuka icyumweru cy’imyaka ntarengwa, cyari icyumweru giteye ubwoba. Bahereye ku kuzenguruka ameza ya perezida w’inteko. Abandi bagenzi banjye ntibabashaga gukora. Umunsi wakurikiye banteraga intebe kugirango nsohoke mu nteko. Baririmbye indirimbo y’igihugu iminota hafi 45, mfata icyemezo cyo kubasohora mu nteko turakomeza. Twagumye mu nteko kugeza saa sita z’ijoro.

Hon. Kadaga yakomeje abaza ati: “Uriya mwanya ntiwari uwanjye, kuki narwaniye perezida? Nari kuhava nkajya mu zabukuru mu cyubahiro muri Kamuli…ariko nagombaga kuhaba nkizera ko itegeko ryatambutse.”

Kadaga wifuza kuba umuyobozi wa 2 wungirije w’ishyaka rya NRM mu gihugu, kimwe n’abandi bagenzi be ngo bahanganye mu matora y’ubuyobozi bw’ishyaka n’abandi bayobozi bakiri bato, ariko batarimo Museveni n’umuyobozi wungirije wa mbere w’ishyaka, Alhaji Moses Kigongo badafite abo bahanganye ku myanya yabo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble SEGAHINDA

    Wagize nabi, wahemukiye ABAGANDE BOSE. AMATEKA AZABIKUBAZA.

    3 months ago

Inzindi nkuru

Reba ibihugu bya Afurika bifite amahirwe make y’uko abayobozi ba leta baka...

Ishyirahamwe rishinzwe kurwanya ruswa ryashyizweho na TRACE ryasohoye uyu...
29 November 2020 Yasuwe: 363 0

Reba bimwe mu byaranze inzira y’urugendo rwa Politike,Perezida Uhuru...

Uhuru Muigai Kenyatta yavutse ku ya 26 Ukwakira 1961 ni umunyapolitiki wo...
29 November 2020 Yasuwe: 407 0

Ethiopia: Ibihumbi by’abasirikare bari barafashwe bugwate babohojwe

Minisitiri w’Intebe wa Ethiopia, Dr Abiy Ahmed, yatangaje ko ingabo...
29 November 2020 Yasuwe: 1417 0

Ibibombe byatangiye gusukwa ku murwa mukuru wa Tigray

Kuri uyu wa Gatandatu tariki 28 Ugushyingo 2020, umuyobozi mukuru w’ingabo...
29 November 2020 Yasuwe: 1027 0

Bobi Wine uri kwiyamamariza kuba Perezida wa Uganda yahishuye uburyo...

Umukandida w’ishyaka NUP mu matora yumukuru w;igihugu ateganyijwe muri...
29 November 2020 Yasuwe: 1199 0

Iran yiyemeye guhorera uwari umuhanga mu bya Nikleyeri ’Nuclea’...

Iran yasezeranyije ko izahorera iyicwa rya Mohsen Fakhrizadeh, wari umwe mu...
28 November 2020 Yasuwe: 2199 0