Perezida Museveni yakiriye mu rugo rwe Sheilla umuhanzi akaba n’umunyabugeni w’imyaka 9 wo muri Kenya amuha n’impano ikomeye[AMAFOTO]

Amakuru   Yanditswe na: Martin Munezero 24 April 2019 Yasuwe: 3201

Perezida wa Uganda Yoweri Kaguta Museveni yakiriye mu rugo iwe Sheilla Sheldone Charles, umuhanzi w’imyaka icyenda y’amavuko akaba n’Umunyabugeni ukomeye mu gihugu cya Kenya.

Ibiganiro bya Museveni n’uyu mwana w’umukobwa byabereye mu rugo rwe ruherereye Rwakitura, mu karere ka Kiruhura.

Sheilla Sheldone Charles, ni umunyabugenikazi ukomeye cyane dore ko ibihangano bye byamaze kureshya imitima ya benshi mu banya-Kenya ndetse n’abanyamahanga. Umwuga we w’ubugeni yawutangiye afite imyaka itandatu y’amavuko.

Impano ikomeye Perezida Museveni yamubonyemo ubwo yasuraga Kenya mu kwezi gushize, ni yo yatumye yiyemeza kumutumira iwe mu rugo kugira ngo baganire banafatane ifunguro. Ni nyuma yo gukorwa ku mutima n’ibihangano by’uriya mwana.

Perezida Museveni yahaye ikaze Sheilla mu rugo rwe ndetse no muri Uganda muri rusange. Sheilla Sheldone Charles asura Museveni yari aherekejwe n’umubyeyi weVivian Adhiambo Atieno usanzwe ari umucungagereza muri Kenya, cyo kimwe na Ambasaderi wa Uganda muri Kenya.

Perezida wa Uganda yashimishijwe cyane n’impano idasanzwe ya Sheilla wiga mu mwaka wa kane w’amashuri abanza, avuga ko ababyeyi ye bamuhaye ikerekezo kiza.

Ati” Nejejwe cyane n’uko yiga anateza imbere impano ye. Ni kerekezo kiza cyane.”

Ibyishimo Sheilla yateye umukuru w’igihugu cya Uganda byatumye yiyemeza kumwubakira inzu we n’umuryango we, kugira ngo ababyeyi be bazayimurereremo neza anakomeza guteza imbere impano Imana yamwihereye.

Sheilla we yashimiye Museveni anamushyikiriza igishushanyo yamukoreye. Yashimiye Perezida wa Uganda ku bw’urukundo no kwicisha bugufi agira, anongeraho ko mu bantu bakomeye bose bashimye impano ye idasanzwe ari we rukumbi [Museveni] wabashije kumutumira iwe mu rugo.



Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Congo:Abagororwa 45 bapfiriye muri gereza

Abashinzwe ubuzima muri gereza ya Bukavu iri mu burasirazuba bwa Repubulika...
18 October 2019 Yasuwe: 1081 0

Bisi y’itorero ry’Abapantekoti yafatiwemo udupfunyika tw’urumogi dufite...

Kuri uyu wa 15 Ukwakira 2019, Polisi ya Kenya yatahuye imodoka yo mu bwoko...
18 October 2019 Yasuwe: 3301 0

Perezida Museveni yemeje ko akora ibyo yasinyiye mu masezerano yo muri...

Mu kiganiro cyihariye perezida wa Uganda,Yoweli Kaguta Museveni yagiranye...
18 October 2019 Yasuwe: 2605 0

Kwa papa bashyizeho ishapure y’ikoranabuhanga ihenze cyane kugira ngo...

I Vatican bari kwiyegereza urubyiruko muri iki gihe rukoresha cyane...
17 October 2019 Yasuwe: 3391 0

Perezida Erdogan wa Turkia yajugunye mu myanda ibaruwa yandikiwe na...

Ikinyamakuru BBC cyatangaje ko cyabwiwe ko Perezida Recep Tayyip Erdogan wa...
17 October 2019 Yasuwe: 2937 0

Ubuholandi: Umugabo araregwa gufunga umuryango we ngo bategereze...

Umugabo yatawe muri yombi nyuma yaho umuryango w’abantu utahuwe uhishwe mu...
17 October 2019 Yasuwe: 1419 0