skol
startimes

Perezida Museveni yavuze uburyo agatsiko k’insoresore za Bobi Wine agiye kugashakisha akamareho

Amakuru   Yanditswe na: Martin Munezero 22 December 2020 Yasuwe: 4866

Ubwo yiyamamarizaga mu Karere ka Hoima kuri uyu wa 19 Ukuboza 2020, Perezida Yoweri Museveni wa Repubulika ya Uganda, yatangaje ko agatsiko k’insoresore z’abayoboke ba Robert Kyagulanyi (Bobi Wine) bahataniye umwanya w’Umukuru w’Igihugu, azakamaraho.


Perezida Museveni yabwiye abayoboke b’ishyaka NRM ahagarariye mu bikorwa byo kwiyamamaza, ko abashyigikiye Bobi Wine biganjemo urubyiruko ari abasazi. Muri videwo yatambukijwe na Televiziyo ya NTV, uyu Mukuru w’Igihugu yagize ati: “Abamushyigikira ni abasazi, bamwe batazi Uganda. Ndabazi neza.”

Uyu Mukuru w’Igihugu kandi yatangaje ko afite umugambi wo kumaraho agatsiko k’insoresore Bobi Wine. Ati: “Agatsiko ka Kyagulanyi nzakamarahooo! Gake gake nzababona. Mwebwe nimutegereze.”

Ubwo yavugaga iri jambo, byagaragaye ko abayoboke ba NRM bari bacecetse [basa n’abumiwe], gusa nyuma y’aho baje kumukomera amashyi. Ikindi kandi ntabwo yigeze asobanura uburyo azamaraho aba bayoboke b’umukandida bahanganye.

Bobi Wine yarakajwe n’ubu butumwa bwa Perezida Museveni ubwo yamaraga kubwumva. Yashyize iyi videwo ya NTV ku rubuga rwa Twitter rwe, maze yongeraho ati: “Nyuma y’imyaka 35 ari ku butegetsi, Gen. Museveni aratinyuka akita Abagande ABASAZI kubera ko banshyigikiye!”

Yakomeje ati: “Yisingije, asezeranya kutumara twese! Ibyago ni uko abanyagitugu bamenya bakerewe ko ibihugu ari binini kubarusha!”

Intambara y’amagambo no guhigana ubutwari bikomeje mu gihe habura iminsi itagera ku kwezi kugira ngo habe amatora y’Umukuru w’Igihugu. Biteganyijwe ko azaba tariki ya 14 Mutarama 2021.

Muri iyi ntambara, Museveni na none aherutse kuvuga ku myitwarire y’abayoboke ba Bobi Wine, cyane abigeze gukora imyigaragambyo yamagana ifungwa rye ryabaye tariki ya 18 Ugushyingo 2020. Yavuze ko bamwe muri bo baba bahawe urumogi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble kalisa

    Nzakarahooo! Buhoro buhoro?!!!!!! Hhhh

    1 month ago

Inzindi nkuru

Minisitiri w’intebe wa Congo Ilunga mu mazi abira

Abadepite ba Repubulika Iharanira Demokarasi ya Congo, basinye icyemezo cyo...
24 January 2021 Yasuwe: 6600 0

Ingabo za Uganda zivuganye Abarwanyi 189 ba Al Shabaab

Umuvugizi wungirije w’igisirikare cya Uganda, Lt. Col. Deo Akiiki kuri uyu...
23 January 2021 Yasuwe: 5591 0

Leta y’u Burundi niyo iri gushyirwa mu majwi mu kugira uruhare mu iyicwa rya...

Polisi y’u Burundi iheruka kwereka itangazamakuru abagabo batatu n’umugore...
23 January 2021 Yasuwe: 8774 0

Ibiteye amatsiko ku mukobwa ukiri muto w’umwiraburakazi watangaje benshi...

Ku mugoroba wo kuri uyu wa Kabiri tariki 20 Mutarama 2021, Amanda Gorman...
22 January 2021 Yasuwe: 6494 0

James yaribeshye ajugunya Disike iriho Miliyari z’Amanyarwanda zisaga...

James Howells ufite imyaka 35, ku bw’impanuka yajugunye disiki ye ifite...
22 January 2021 Yasuwe: 6408 0

Uwari Minisitiri mu biro bya Perezida wa Afurika y’Epfo yishwe n’ingaruka za...

Kuri uyu wa 21 Mutarama 2021, Jackson Mthembu wari Minisitiri mu biro bya...
22 January 2021 Yasuwe: 3147 0