skol
startimes

Perezida Museveni yiswe Bosco arabyemera,akaba yageneye ubutumwa bukomeye Bobi Wine

Amakuru   Yanditswe na: Martin Munezero 29 August 2020 Yasuwe: 3693

Perezida wa Uganda, Yoweri Kaguta Museveni, nyuma yo guhimbwa izina rya ‘Bosco’ n’abayoboke ba People Power ya Depite Robert Ssentamu Kyagulanyi wamenyekanye nka Bobi Wine akabyemera, yamugeneye ubutumwa bukomeye avuga ko amatora y’Umukuru w’Igihugu ateganyijwe mu ntangiriro z’umwaka utaha ari yo azagena ukwiye kuyobora Uganda.


Izina ’Bosco’ Yoweri Museveni yahimbwe, rikunze gukoreshwa n’abatavuga rumwe n’ubutegetsi bwe biganjemo abafana ba Bobi Wine, bakarimwita bagaragaza ko afite ubwenge bubarirwa ku mitwe y’intoki bwo kuyobora Uganda.

Ryaturutse mu itangazo rya Sosiyete y’itumanaho ya MTN ryamamazaga uburyo bwa Cashless (kwishyura nta guhererekanya amafaranga mu ntoki).

Iryo tangazo ririmo inkuru y’umugabo waturutse mu cyaro akajya mu mujyi ari ku igare, yagerayo akarinyuza muri za mashini zisaka abantu mu nyubako zihurirwamo n’abantu benshi, yemwe akanarizamukana inganzi za Super Marché yari yerekejemo.

Uwo mugabo witwa Bosco akigera mu isoko yerekwa uburyo bwo kwishyura amafaranga ukoresheje uburyo bwa Mobile Money bikamutangaza cyane. Ifoto ya Bosiko ari ku igare yahujwe n’indi ya Museveni yigeze kwamamara cyane atwaye igare mu ifamu ye, izina riba rihamye gutyo.

Perezida Yoweri Museveni abinyujije kuri Twitter ye ku munsi w’ejo, yavuze ko izina Bosco ntacyo rimutwaye, ashimangira ko amatora y’umukuru w’igihugu ari yo azagena ugomba kuyobora Uganda hagati ye na mukeba we Robert Kyagulanyi. Ati:

Niba Abagande bashaka Bobi Wine cyangwa Bosco (njya numva ngo bisobanura Museveni) icyo ni ikibazo kizakemuka mu ntangiriro z’umwaka utaha.

Yoweri Kaguta Museveni ashingiye ku kuba ishyaka rye rya NRM ryaratsinze ku buryo busesuye amatora yo kurwego rw’imidugudu y’abahagarariye abafite ubumuga, abasaza n’urubyiruko; yavuze ko ari ikimenyetso cy’uko n’ay’ubutaha azayatsinda, ngo kuko ayo baheruka gutsinda batari banayiteguye uko bikwiye. Yagize ati:

Duherutse gukina 1/2 cy’irangiza binyuze mu matora y’abafite ubumuga, abageze mu za bukuru n’urubyiruko. Hatsinze nde mu mikino itatu yabaye? Bosco yatsinze nta myiteguro myinshi yakoze. Ntegereje imikino ya nyuma. Nsuhuje abanyamahanga babari inyuma batinya Uganda ifite imbaraga. Ni bibi cyane kuri bo.

Bobi Wine wagenewe ubutumwa na Yoweri Museveni, ni umwe mu bo bazaba bahanganye mu matora y’umukuru w’igihugu ateganyijwe hagati ya tariki ya 10 Mutarama n’iya 08 Gashyantare 2021.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amafoto yaciye Ibintu:Bobi Wine yasubukuye ibikorwa byo kwiyamamaza,agaruka...

Nyuma y’iminsi ahangana n’inzego z’umutekano ndetse akanafata umwanzuro wo...
3 December 2020 Yasuwe: 2042 0

Bobi Wine yandikiye ibaruwa yuzuyemo amarangamutima Producer we warasiwe mu...

Robert Kyagulanyi Sentamu uzwi ku izina rya Depite Bobi Wine yanditse...
2 December 2020 Yasuwe: 2520 0

Boko Haram yasohoye Videwo nshya yigamba ko ari yo yishe abahinzi bagera...

Umutwe wa Boko Haram w’intagondwa ziyitirira Isilamu wasohoye videwo nshya...
2 December 2020 Yasuwe: 976 0

Burundi:Indaya yandagaje umuyobozi w’umugore ibinyujije mu ibaruwa...

Indaya yitwa Riziki Shurweryimana ibarizwa muri Komini ya Mutumba mu Ntara...
1 December 2020 Yasuwe: 3645 0

Ibintu 7 utazi ku muherwe w’umushinwa Jck Ma wafungiwe mu nzu iminsi 2...

Jack Ma, cyangwa Ma Yun yavutse ku ya 10 Nzeri 1964 i Hangzhou, Zhejiang,...
1 December 2020 Yasuwe: 1966 1

Barack Obama yahishuye impamvu ituma atinya umugore we n’umwana wabo muto...

Barack Obama wabaye Perezida wa 44 wa Leta Zunze Ubumwe za Amerika n’umugore...
30 November 2020 Yasuwe: 7888 0