Perezida Nicolas yishingikirije igikombe cy’isi asaba Uburayi kureka ivangura rikorerwa abimukira

Amakuru   Yanditswe na: Nsanzimana Ernest 17 July 2018 Yasuwe: 1549

Perezida Nicolas Maduro wa Venezuela yavuze ko Afurika ari yo yahesheje Ubufaransa igikombe cy’isi cy’uyu mwaka cyaberaga mu Burusiya, asaba ko Uburayi bukwiye kureka ivangura rikorerwa abimukira.

Yabivugiye mu murwa mukuru wa Venezuela, Caracas.

BBC yanditse ko Televiziyo y’igihugu ya Venezuela yasubiyemo amagambo ya Bwana Maduro agira ati:
"Ikipe y’Ubufaransa yaratsinze, nubwo bwose yasaga nk’ikipe y’Afurika. Mu by’ukuri, Afurika ni yo yatsinze - [ni ukuvuga] abimukira b’Abanyafurika bagiye gutura mu Bufaransa. Nizeye ko Uburayi bwumva neza ubu butumwa..."

Yongeyho ati: "Ivangura rishingiye ku ibara ry’uruhu rikorerwa Abanyafurika ntirizongere ukundi i Burayi, ntirizongere kandi no ku bimukira."

Ubufaransa bwatsinze Croatia 4-2 mu mukino wa nyuma w’igikombe cy’isi waberaga i Moscow mu Burusiya ku cyumweru gishize.

Ikipe y’Ubufaransa ni imwe mu makipe yari agizwe n’abakinnyi bafite inkomoko zitandukanye cyane.

15 mu bakinnyi 23 b’iyi kipe bafite igisekuru cyabo muri Afurika, cyane cyane mu bihugu byahoze ari koloni z’Ubufaransa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Stormy Daniels wavuze ko yasambanye na Donald Trump agiye guhabwa akayabo...

Stormy Daniels ukina filimi z’urukozasoni watangaje ko yasambanye na Donald...
15 August 2018 Yasuwe: 1272 0

Amabandi yitwaje intwaro yinjiye mu kibuga arasa umukinnyi arapfa

Mu gihugu cya Mexico,amabandi 20 yitwaje intwaro yinjiye ku kibuga...
15 August 2018 Yasuwe: 2176 0

Turukiya yatangiye guhangana na Amerika

Turukiya yihimuye kuri Amerika ihanika imisoro ku bicuruzwa bituruka muri...
15 August 2018 Yasuwe: 1058 0

Abapadiri 300 barashinjwa gusambanya no gufata abana ku ngufu barimo...

Urukiko rw’Ikirenga muri Leta ya Pennsylvania imwe mu zigize Leta zunze...
15 August 2018 Yasuwe: 462 0

Dore gereza 5 mbi kurenza izindi ku isi utakwifuriza umuntu uwo ariwe wese...

Nta gereza nziza ibaho, nta n’imfungwa yishimiye aho iri. Ariko nanone hari...
15 August 2018 Yasuwe: 4704 0

Sobanukirwa byinshi utazi ku gace kitiriwe ‘Area 51’ Kuri ubu Kagoye ba...

Iby’agace kitiriwe ‘Area 51’ byabaye intamenyekana, haba kuri ba maneko...
15 August 2018 Yasuwe: 3395 0