Perezida Trump mu Burusiya yahawe abakobwa 5 bo kumuraza arabyanga

Amakuru   Yanditswe na: Nsanzimana Ernest 10 November 2017 Yasuwe: 1530

Keith Schiller wahoze ari umurinzi wa Donald Trump yatangaje ko ubwo bari mu ruzinduko mu Burusiya mu mwaka wa 2013, umwe mu Barusiya yemereye Donald Trump abakobwa batanu bo kumuraza ariko akabyanga.

Ibi yabitangarije Komisiyo ishinzwe iperereza mu Nteko Ishinga Amategeko muri iki cyumweru ko ari we wanze abo bagore Trump yari ahawe n’umwe muri baje baherekeje umuririmbyi w’icyamamare mu Busuriya, Emin Agalarov.
Urwo ruzinduko rwa Trump mu Burusiya rwabaye mbere gato y’amarushanwa ya nyampinga w’isi.

Schiller yahamagajwe na Komisiyo mu iperereza rikomeje ryo kumenya niba u Burusiya bwarinjiye mu matora ya Perezida wa Leta Zunze Ubumwe za Amerika.

Bamwe mu bagize Komisiyo ishinzwe iperereza mu Nteko bavuze ko mu buhamya Schiller yabihereye, yavuze ko yanze abo bagore umukoresha we yari ahawe, akeka ko babimubwiye bikinira.

Ngo yagize ati “Oya murakoze, ntabwo tujya tujya mu bintu nk’ibyo.”
Schiller ngo yavuze ko abavuga ko Trump yararanye n’abo bagore muri hotel yari acumbitsemo babeshya nkuko NBCnews yabitangaje.

Bamwe mu bagize Komisiyo bavuze ko mu buhamya bwa Schiller, yavuze ko kuri uwo mugoroba Trump yinjiye mu cyumba wenyine kandi ngo Schiller yahagaze ku muryango wa Trump igihe kirekire amucungiye umutekano, abonye nta kibazo na we ajya kuryama.

Undi mu bagize Komisiyo y’Inteko yavuze ko Schiller yababwiye ko atazi niba hari icyo Trump yakoze amaze kujya kuryama, icyakora ngo yizera ko nta cyabaye.
Schiller na Trump ngo bari bazi ko ushobora kuba ari umutego bashaka kubatega kugira ngo babafate amashusho rwihishwa.

Umunyamategeko wa Schiller, Stuart Sears yavuze ko amakuru yatangajwe atari yo.
Mu itangazo yashyize hanze yagize ati “Tubabajwe n’amakuru ari gutangwa na bamwe mu bagize Komisiyo. Birababaje kubona Komisiyo iri gukora iperereza ariyo iri gusohora amakuru asebya umuntu nka Schiller. Perezida wa Komisiyo agomba gukora iperereza kandi agafatira imyanzuro uri gukwirakwiza ayo makuru atajyanye n’ubuhamya Schiller yatanze.”

Schiller yabaye umurinzi wa Trump bitari ibya buri gihe, nyuma aza kumurinda bya buri gihe kuva mu mwaka wa 2002. Yabaye umuyobozi mukuru ushinzwe umutekano wa Trump, naho kuva muri Mutarama kugeza muri Nyakanga uyu mwaka yari Umuyobozi mukuru mu biro bya Perezida ashinzwe ibikorwa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Stormy Daniels wavuze ko yasambanye na Donald Trump agiye guhabwa akayabo...

Stormy Daniels ukina filimi z’urukozasoni watangaje ko yasambanye na Donald...
15 August 2018 Yasuwe: 1270 0

Amabandi yitwaje intwaro yinjiye mu kibuga arasa umukinnyi arapfa

Mu gihugu cya Mexico,amabandi 20 yitwaje intwaro yinjiye ku kibuga...
15 August 2018 Yasuwe: 2175 0

Turukiya yatangiye guhangana na Amerika

Turukiya yihimuye kuri Amerika ihanika imisoro ku bicuruzwa bituruka muri...
15 August 2018 Yasuwe: 1058 0

Abapadiri 300 barashinjwa gusambanya no gufata abana ku ngufu barimo...

Urukiko rw’Ikirenga muri Leta ya Pennsylvania imwe mu zigize Leta zunze...
15 August 2018 Yasuwe: 461 0

Dore gereza 5 mbi kurenza izindi ku isi utakwifuriza umuntu uwo ariwe wese...

Nta gereza nziza ibaho, nta n’imfungwa yishimiye aho iri. Ariko nanone hari...
15 August 2018 Yasuwe: 4699 0

Sobanukirwa byinshi utazi ku gace kitiriwe ‘Area 51’ Kuri ubu Kagoye ba...

Iby’agace kitiriwe ‘Area 51’ byabaye intamenyekana, haba kuri ba maneko...
15 August 2018 Yasuwe: 3393 0