Perezida w’Ubufaransa Emmanuel Macron yashinje mugenzi we wa Turukiya kurenga kubyo yari yasezeranyije yivanga mu ntambara yo muri Libya

Amakuru   Yanditswe na: Martin Munezero 30 January 2020 Yasuwe: 1641

Perezida w’Ubufaransa Emmanuel Macron yashinje mugenzi we wa Turukiya Recep Tayyip Erdogan kurenga ku byo yari yasezeranyije byo kutivanga mu ntambara yo muri Libya.



Macron yavuze ko ubwato bw’intambara bwa Turukiya buherekejwe n’abacanshuro bo muri Syria bwabonywe bugera muri Libya.

Perezida Erdogan ntacyo arasubiza kuri ibyo birego.

Mu ntangiriro ya Mutarama 2020, abategetsi batandukanye bo ku isi basezeranyije ko batazivanga mu kibazo cya Libya ndetse banasezeranya gukurikiza icyemezo cya ONU cy’ikomanyirizwa ku ntwaro.



Turukiya ishyigikiye leta ishyigikiwe n’umuryango w’abibumbye iri ku butegetsi muri Libya ifite icyicaro mu murwa mukuru Tripoli.

Ubufaransa bwo bufitanye umubano n’ubutegetsi bwa mucyeba buyobowe n’inyeshyamba Jenerali Khalifa Haftar.

Kuva muri Mata 2019, leta ya Libya yemewe na ONU ihanganye n’ibitero yagabweho n’abarwanyi bashyigikiye Jenerali Haftar.



Macron yavuze ko kuba ubwato bw’intambara bwa Turukiya buri muri Libya ari “ukurengera bigaragara” ku byo Perezida Erdogan yari yemeye mu nama y’i Berlin mu Budage ku itariki ya 19 y’uku kwezi y’abategetsi bo ku isi biga ku kibazo cya Libya.

Yavuze ko ibikorwa bya Turukiya “bibangamiye umutekano w’Abanyaburayi bose n’abatuye mu karere ka Sahel”.

Akarere ka Sahel – kagizwe n’ubutaka hafi icya kabiri cyabwo bugwamo imvura nke mu majyepfo y’ubutayu bwa Sahara – kamaze hafi imyaka 10 ari isibaniro mu ntambara yo kurwanya imitwe yitwaje intwaro igendera ku mahame akazi y’idini ya kisilamu.

Hari ubwoba ko intwaro zivuye muri Libya zishobora kunyanyagira muri ako karere ka Sahel, aho abasirikare 4500 b’Ubufaransa n’ingabo zibungabunga amahoro zirenga 14000 z’umuryango w’abibumbye bafite ibirindiro.

Fayez al-Serraj (ibumoso), Minisitiri w’intebe wa Libya ufite icyicaro i Tripoli, na Jenerali Khalifa Haftar

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Covid-19:Umupadiri muri Uganda yabaye yicukuriye imva bazamuhambamo

Umupadiri w’Umutaliyani uba mu gihugu cya Uganda kuri Paruwasi Katolike ya...
28 March 2020 Yasuwe: 4688 0

Nyuma y’igihe gito afunguwe yasubiye igitaraganya kuri gereza kwaka ubufasha...

Umugabo wahoze ari umugororwa muri gereza ya Awutu, nyuma y’iminsi micye...
28 March 2020 Yasuwe: 6489 0

Umugore yanduje injangwe ye Coronavirus mu buryo budasobanutse

Kuri uyu wa Gatanu taliki ya 27 Werurwe 2020, ikigo gishinzwe ubuzima...
28 March 2020 Yasuwe: 2827 0

Muri Uganda abaturage bari gukubitwa iz’akabwana kubera kwica amabwiriza yo...

Mu gihugu cy’abaturanyi cya Uganda, Polisi yaho iri gukubita umuturage uwari...
27 March 2020 Yasuwe: 7200 0

Perezida wa Namibia yashyizeho Minisitiri mushya waciye agahigo ko kuba...

Perezida wa Namibia, Hage Geingob yashyizeho Minisitiri muri minisiteri...
27 March 2020 Yasuwe: 7215 0

Trump yashinje itangazamakuru gukwirakwiza ibinyoma ku cyorezo cya...

Perezida wa Leta Zunze Ubumwe za Amerika Donald Trump yatangaje ko...
27 March 2020 Yasuwe: 1838 0