skol
startimes

Perezida w’Ubufaransa yifuje ko itariki ya 7 Mata mu Bufaransa yafatwa nk’itariki yo kwibuka Jenoside yakorewe abatutsi

Amakuru   Yanditswe na: Martin Munezero 7 April 2019 Yasuwe: 3586

Perezida w’u Bufaransa, Emmanuel Macron, agaragaza icyifuzo cy’uko itariki ya 7 Mata, mu Bufaransa yafatwa nk’itariki yo Kwibuka Jenoside yakorewe abatutsi.


Ibi byatangajwe mu butumwa bwasohowe na Perezidansi y’u Bufaransa nyuma yaho Perezida Emmanuel Macron atangaje ishyirwaho rya komisiyo izasesengura inyandiko icyo gihugu kibitse ku bikorwa byacyo mu Rwanda hagati ya 1990-1994, ngo hashyirwe ahabona ukuri ku ruhare rw’Ubufaransa muri Jenoside yakorewe abatutsi.

Muri ubwo butumwa, u Bufaransa bwatangaje ko “Perezida wa Repubulika yifatanyije n’abaturage b’u Rwanda n’abazize Jenoside hamwe n’imiryango yabo.”

“Perezida wa Repubulika yashimye umurimo w’abarokotse Jenoside mu bikorwa byo kwibuka ndetse yifuje ko ko itariki ya 7 Mata yemezwa nk’umunsi wo Kwibuka Jenoside yakorewe abatutsi.”

Uyu munsi u Rwanda rwibuka ho Jenoside yakorewe Abatutsi wahawe umwihariko mu Bufaransa kuko televiziyo France 24 yatambukije imbonankubone igikorwa cyo kwibuka cyabereye i Kigali ndetse igena umwanya wihariye wo kuganira kuri jenoside yakorewe abatutsi, yifashisha impuguke zirimo Alain Gauthier.

Perezida Emmanuel Macron ubwo aheruka kwakira mu biro bye abayobozi b’Umuryango uharanira inyungu z’abarokotse Jenoside, Ibuka-France.

Macron yari yatumiwe mu bikorwa byo Kwibuka ku nshuro ya 25 Jenoside yakorewe abatutsi mu 1994 i Kigali, ariko yahagarariwe na Depite Hervé Berville ukomoka mu Rwanda.

Yanagennye Minisitiri w’imari n’ubukungu, Bruno Le Maire, ngo amuhagararire mu muhango wo kwibuka ku nshuro ya 25, Jenoside yakorewe abatutsi, uzabera i Paris.

Perezida Macron ku wa 5 Mata yagiranye ibiganiro n’abayobozi ba Ibuka-France ari kumwe na Depite Hervé Berville ukomoka mu Rwanda wamuhagarariye mu bikorwa byo Kwibuka

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hasabwe ubucukumbuzi ku mpamvu urukingo rwa COVID-19 ’Moderna’ rutera bamwe...

Ikigo cya Moderna Inc. gikora urukingo rwa Covid-19 rwitwa ‘Moderna’ cyasabwe...
21 January 2021 Yasuwe: 3053 1

Aho Joe Biden ari burahirire i Washington impande n’impande hagabwe Ingabo...

Muri Washington aharibuze kubera umuhango wo kurahira kwa Perezida mushya...
20 January 2021 Yasuwe: 5633 0

Muri Tanzania abagabo barashinjwa gucura abana babo amashereka

Mu Ntara za Iringa na Shinyanga mu Majyepfo y’Iburengerazuba mu gihugu cya...
19 January 2021 Yasuwe: 7159 0

Perezida Museveni yahishuye ko hari igihugu cyo mu karere cyohereje abo...

Perezida wa Uganda, Yoweri Kaguta Museveni avuga ko hari igihugu cyo mu...
19 January 2021 Yasuwe: 7519 0

Donald Trump yasebeje anatuka ibitutsi biteye isoni Nelson Mandela ndetse...

Perezida wa Leta zunze ubumwe za Amerika, Donald Trump yamaganye icyo yise...
19 January 2021 Yasuwe: 11082 1

Umupolisikazi w’uburanga buhebuje yerekanye amafoto agaragaza ubwiza bwe...

Umupolisikazi wo mu gihugu cya Kenya yavugishije abagabo batari bake ubwo...
18 January 2021 Yasuwe: 9068 2