startimes

Perezida wa Ethiopia Zewde yavuze uburyo abagore ntacyo batakora kuri uyu mugabane

Amakuru   Yanditswe na: Martin Munezero 25 November 2019 Yasuwe: 1110

Perezida wa Ethiopia Madamu Sahle-Work Zewde yabwiye inama ya ’Global Gender Summit’ iteraniye i Kigali mu Rwanda ko abagore bafite ubwenge n’ubushobozi bibemerera kuba bakora ibintu byose ku mugabane wa Afurika kimwe n’abagabo.



Muri iyi nama itegurwa na Banki nyafurika itsura amajyambere (BAD,AfDB) Madamu Zewde yavuze ko abakobwa bakiri bato ubu bafite ubushobozi n’amahirwe menshi kurusha abo mu bihe bishize.

Madamu Zewde w’imyaka 69 ati: "Ariko bisaba kumenya ibyo dushaka mu by’ukuri, no ukumva ko natwe dufite ubushobozi nk’abandi".

"Reka mbahe urugero rwanjye. Njyewe nakoreye igihugu cyanjye mu myanya inyuranye ariko buri guhe iyo bampaga imirimo mishya icya mbere naravugaga nti ’ni njyewe’? ’ese nzabishobora?’".

"Ibyo dukwiye kubirenga, nta hantu habujijwe abagore muri iki gihe, ahantu hose twahakora ariko hejuru y’ibyo ni uko ubu tugomba kuva mu magambo tukajya mu bikorwa".

Madamu Zewde, umugore wa mbere watorewe kuba perezida wa Ethiopia, avuga ariko ko gutera imbere kw’abagore bitagomba guhera mu bivugirwa mu nzu mberabyombi ahubwo bibera hasi mu buzima.

Perezida wa komisiyo y’umuryango w’ubumwe bw’Afurika, Moussa Faki yavuze ko ubu 40% by’abakorera uyu muryango ari abagore, ko intego iriho ari uko mu 2025 bagomba kuba ari 50/50.

Bwana Faki yavuze ko imyaka icumi iri gushira (2010 - 2020) yari ihariwe umugore (decenie de la femme). Ati: "ubu ndi gusaba abategetsi ngo indi myaka 10 (2020 - 2030) ibe iyo kwinjiza umugore mu bikorwa by’imari".

Avuga ko ibikorwa nk’ibi bizagenda bifasha guhindura imyumvire isanzwe iheza inyuma umugore.

Perezida wa Banki nyafurika itsura amajyambere Akinwumi Adesina we yavuze ko iyi banki iri gushora imari mu bikorwa bifasha abagore gutera imbere mu buhinzi, ishoramari, imideri n’ibindi bibyara inyungu.

Bwana Adesinya avuga ko iyi banki yiyemeje guhindura ubuzima bw’abagore ikusanya ikanashora miliyari $3 mu bikorwa by’ubushabitsi biteza imbere abagore muri Afurika.

Ashingiye ku mibare yabo, ubushobozi n’ibikorwa barimo, Bwana Adesinya yagize ati: "Ishoramari ryiza rishoboka twakora nka banki ni ugushora mu bagore".

Perezida Paul Kagame yavuze ko ibivugwa byose mu guteza imbere abagore bishoboka iyo abantu bakoze ibyo bashobora gukora kuko ngo "hari n’ibiri mu bushobozi bwacu ariko tudakora".

SRC:BBC

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble sezibera

    Nibyo koko,tugomba kubaha Abagore kubera ko nabo bashoboye.Urugero,Abagore benshi bayobora neza,ndetse hari abarusha abagabo benshi kuyobora neza.Twavuga abahoze ari Prime Ministers: Margaret Thacher of England,Golda Meir of Israel,Indira Gandhi of India,Agatha Uwiringiyimana of Rwanda.Nubwo bimeze gutyo,hari ahantu habiri Imana ibuza abagore kuyobora.Aha mbere ni mu rugo.Muli Abakorinto ba mbere,igice cya 11,umurongo wa 3,havuga ko Umugabo ari Chef w’umugore.Aha kabiri ni mu nsengero.Imana ibuza Abagore kuyobora amadini n’insengero.Byisomere muli 1 Timote,igice cya 2,umurongo wa 12 na 1 Abakorinto,igice cya 14,imirongo ya 34 na 35.Kuba muli iki gihe abagore baba pastors ,bishops na Apotres,biba ari ugusuzugura Imana kuko ibibabuza. Ni icyaha nk’ibindi byose kizababuza kubona ubuzima bw’iteka muli Paradizo.

    November 2019

Inzindi nkuru

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 894 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 640 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 646 0

Minisitiri wa mbere ukomoka mu bwoko bw’Abatwa yinjiye muri Guverinoma y’u...

Ihuriro ry’Abatwa bo mu gihugu cy’u Burundi kikigendera ku moko y’Abakoloni,...
29 June 2020 Yasuwe: 6626 1

Mu Burundi umuturage yakorewe ubugizi bwa nabi atwikirwa inka...

Burundi mu mudugudu wa Gishubi, mu Ntara ya Muramvya, mu ijoro ryo kuwa 26...
29 June 2020 Yasuwe: 1138 0

Abayapani bakoze agapfukamunwa gakoresha ikoranabuhanga

Mu Buyapani hakozwe agapfukamunwa gakoresha ikoranabuhanga ku buryo...
29 June 2020 Yasuwe: 2211 0