Perezida wa Koreya ya Ruguru Kim Jong-Un yafotowe ari gutumura agatabi habura amasaha make ngo ahure na Trump akasigaye mushiki we arakamufasha[AMAFOTO]

Amakuru   Yanditswe na: Martin Munezero 27 February 2019 Yasuwe: 3703

Perezida wa Koreya ya Ruguru, Kim Jong Un, yafotowe ari gutumura agatabi habura amasaha make ngo ahure na Donald Trump uyobora leta zunze ubumwe za Amerika.

Nkuko bigaragara mu mashusho n’amafoto yasakajwe hanze, Kim Jong Un yasomaga agatabi ari mu karuhuko gato k’urugendo rurerure yakoze na Gari ya moshi ava muri Koreya ya Ruguru ajya muri Vietnam aho agomba guhurira na Trump.

Ni urugendo rw’amasaha 70 yakoze nkuko amakuru dukesha Euronews abitangaza.

Amashusho yashyizwe hanze bwa mbere na channel y’abayapani yitwa TBS-JNN yerekanye Kim Jong Un ari gutumura agatabi hanyuma akasigaye agashyira mu kirahuri cyabugenewe cyari gifitwe na mushiki we Kim Yo-jong bajyanye muri uru rugendo.

Aba bakuru b’ibihugu bombi bakunze guterana amagambo biteganyijwe ko barahurira i Hanoi muri Vietnam.

Mu gihe Kim Jong Un we yahisemo gukoresha gari ya moshi ava mu gihugu cye, Donald Trump we yageze i Hanoi ari mu ndege ya Air Force One isanzwe imutwara.

Iyi ndege yageze muri Vietnam , mu gicuku nyuma yo guhagarara kabiri mu Bwongereza no muri Qatar iri kunywa benzene.

Biteganyijwe ko Trump aza gusangira na Kim Jong Un kuri uyu wa Gatatu, taliki ya 27 Ukwakira 2019, ndetse aganire na perezida wa Vietnam.

Donald Trump yitezweho ko mu biganiro aragirana na Kim Jong Un araza kumwumvisha ko agomba kureka gukora ibisasu bya kirimbuzi.

Trump yakiriwe neza n’abanya Vietnam baje kumwakira kuri hoteli yagombaga kuraramo bafite ibyapa ndetse bambaye ingofero zanditseho izina rye.

Ku kibuga cy’indege Trump yakiriwe n’abayobozi bakomeye ba Vietnam mbere y’uko yinjira mu modoka ye ya Limousine imujyana kuri Hoteli ya JW Marriott aho yagombaga kuruhukira.

Donald Trump yaherukaga guhura na Kim Jong Un muri Kamena umwaka ushize,bemeranya ko uyu perezida wa Koreya ya ruguru agiye guhagarika ibitwaro bya kirimbuza ariko nta mwanzuro uhamye yari yafata kuri ubu busabe bwa Trump.



Kim Jong Un asanzwe atumura agatabi

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uganda: Umucuruzi ukomeye yasanzwe mu mugozi yiyahuye

Polisi yo mu gihugu cya Uganda yatangaje ko yabonye umurambo w’umucuruzi...
25 May 2019 Yasuwe: 1349 0

Ubuhinde: Abanyeshuri 19 bahitanywe n’inkongi y’umuriro yibasiye ishuri...

Mu gihugu cy’Ubuhinde hravugwa inkuru ibabaje y’abanyeshuri 19 bahitanywe...
25 May 2019 Yasuwe: 526 0

Urukiko rwa Uganda rwabujije leta guhagarika ba banyamakuru 39 baregwa...

Urukiko muri Uganda rwabujije leta guhagarika abanyamakuru 39 baregwa...
24 May 2019 Yasuwe: 602 0

Theresa May yatangaje ko agiye kwegura ku mwanya wa Minisitiri w’intebe...

Minisitiri w’intebe w’Ubwongereza,Madamu Theresa May yamaze gutangaza ko...
24 May 2019 Yasuwe: 852 0

Umukecuru w’imyaka 102 arakekwaho kwivugana mugenzi we bavuganaga

Umukecuru w’imyaka 102 y’amavuko wo mu Bufaransa aracyekwaho kwica undi...
23 May 2019 Yasuwe: 1803 0

Uganda: Abadepite batoye itegeko rihana abagaburira abana bo ku...

Abadepite bo mu gihugu cya Uganda bateranye batora itegeko rihana umuntu...
23 May 2019 Yasuwe: 739 0