Polisi yo muri Argentina yafashe itsinda ry’abafana bari bafite ibikombe by’isi by’ibyiganano babipakiyemo ikiyobyabwenge cya Cocaine ndetse n’urumogi.

Sponsored Ad

Aya mabandi acuruza ibiyobyabwenge yashatse kujijisha abapolisi niko gufata ibikombe by’isi by’ibyiganano abipakiramo urumogi ndetse n’ikiyobyabwenge cya Cocaine agenda abifashe kubw’amahirwe make polisi iyata muri yombi.

Nyuma yo gufatwa na polisi, aya mabandi atandatu yahise afungirwa ahitwa Isidro Casanova mu mujyi wa Buenos Aires wo muri Argentina.

Abapolisi basanze muri ibi bikombe aya mabandi yapakiyemo iikiro n’igice cya Cocaine ikunze gukoreshwa cyane mu bihugu byinshi byo muri Amerika y’amajyepfo ndetse bayasangana envelope zirimo urumogi rusanzwe.

Aya mabandi yitwaje igikombe cy’isi niko gutangira gukwirakwiza ibi biyobyabwenge mu gace ka Matanza nubwo polisi y’iki gihugu yayakomye mu nkokora.

Uretse ibi biyobyabwenge aya mabandi yafatanywe,polisi yayasanganye imbunda 2 ndetse n’imodoka zitari izabo.