U Rwanda rwongeye kuza imbere mu karere ka EAC mu kurwanya ruswa

Amakuru   Yanditswe na: Martin Munezero 23 January 2020 Yasuwe: 1686

Raporo nshya kuri ruswa yitwa ’Corruption Perceptions Index’ isohorwa n’umuryango mpuzamahanga wo kurwanya ruswa n’akarengane irerekana ko ibihugu byinshi byadohotse mu kurwanya ruswa, ibihugu bimwe mu karere byo byazamutse mu manota ariko biguma inyuma ku rutonde.



Umuryango wa Transparency International ukora iki cyegeranyo uvuga ko ruswa ikomeje gukwira hose mu bihugu aho za leta zumva gusa amajwi y’abakize n’abantu bashyigikiwe n’abakomeye.

Iyi raporo itondeka ibihugu 180 n’uduce biherereyemo ku isi igendeye ku buryo ruswa ihagaze mu nzego zikorera abaturage muri ibyo bihugu habajijwe impuguke n’abakora ubushabitsi (business).

Iyi raporo itanga amanota kuva kuri 0 kugera ku 100 aho amanota macye avuze ruswa nyinshi naho menshi akavuga ruswa iri ku kigero gito.



Mu cyegeranyo cy’uyu mwaka cyatangajwe uyu munsi, 2/3 by’ibi bihugu biri munsi y’amanota 50%

Ibihugu bya mbere ku isi n’ibya nyuma mu kurwanya ruswa:

Harebwe ku duce tunyuranye tw’isi, Afurika yo munsi y’ubutayu bwa Sahara niyo iza inyuma n’ikigereranyo cy’amanota 32.

Muri Afurika, Seychelles niyo iza imbere n’amanota 66, igakurikirwa na Botswana(61), Cabo Verde (58), Rwanda (53) na Mauritius (52).



Muri Afurika kandi ibihugu biri inyuma ni Somalia n’amanota 9, Sudan y’Epfo (12), Sudan (16) na Equatorial Guinea ifite 16.

Transparency International ivuga ko amafaranga akoreshwa mu gutsinda amatora, kwigwizaho ubutegetsi no guhirimbanira inyungu bwite.

Nubwo hariho amasezerano yasinyiwe mu muryango w’ubumwe bwa Afurika yo gukumira no kurwanya ruswa, asaba ibihugu gushyira imbaraga muri ibi bikorwa, ishyirwa mu bikorwa ryayo riracyari hasi.

Mu karere k’ibiyaga bigari ku rutonde rw’ibihugu 180 u Rwanda ruza imbere, ruri ku mwanya wa 51, raporo iheruka u Rwanda rwari ku mwanya wa 48.

Tanzania iri ku mwanya wa 96 n’amanota 37 mu mwaka ushize Tanzania yari ku mwanya wa 99.

Kenya iri ku mwanya wa 137 n’amanota 28, umwaka ushize yari ku mwanya wa 144.

Uganda nayo iri ku mwanya wa 137 n’amanota 28, umwaka ushize yari iya 149.

U Burundi buri ku mwanya wa 165 n’amanota 19, umwaka ushize bwari ku mwanya wa 170.

DR Congo iri ku mwanya wa 168 n’amanota 15, umwaka ushize yari iya 161.

Inkuru ya BBC

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Pasiteri ari gukorwaho iperereza kubera amavuta yakoze yemeza ko umuntu...

Umupasiteri ukomoka.mu hihugu cya Kenya uba mu Bwongereza ari gukorwaho...
4 April 2020 Yasuwe: 574 0

Covid-19:Abantu 2 mu Burundi bishwe bazira gutoroka akato

Mu ijoro ryo kuwa Kabiri rishyira kuwa Gatatu, itariki 01 Mata 2020,...
3 April 2020 Yasuwe: 3173 0

Covid-19:Bamwe mu baturage bo mu Buhinde bahisemo kwituranira n’inyoni...

Abaturage 7 bo mu Buhindi bakoze agashya katunguye benshi ubwo bafataga...
3 April 2020 Yasuwe: 2844 1

Covid-19:Muri Amerika imbunda nizo ziri kugurwa ku bwinshi

Biragaragara ko muri iyi minsiAbanyamerika batari kugura ibiryo n’impapuro...
2 April 2020 Yasuwe: 4985 0

Muri Iran abantu barenga 1300 bigabije ikiyobyabwenge bakinywa ku bwinshi...

Muri Iran, abantu barenga 1300 bigabije ikiyobyabwenge cya Methanol...
1 April 2020 Yasuwe: 3320 0

Covid-19:Muri Nigeria abadepite bemeye kudahembwa

Abadepite bo muri Nigeria bemeye gukatwa imishahara yabo y’amezi abiri...
1 April 2020 Yasuwe: 793 0