RDC: Abantu 45 bapfiriye mu bwato bwarohamye mu kiyaga cya Mai-Dombe 200 baburirwa irengero

Amakuru   Yanditswe na: Dusingizimana Remy 28 May 2019 Yasuwe: 671

Abantu 45 biravugwa ko baguye mu mpanuka y’ubwato bwarohamye mu kiyaga cya Mai Ndombe giherereye mu Burengerazuba bwa Repubulika iharanira Demokarasi ya Kongo.

Umuyobozi w’intara ya Mai-Ndombe witwa Antoine Masamba ,yavuze ko ubwo bwato bwari butwaye abantu barenga 400, muri bo 180 bakaba bararokowe, ariko abandi 200 bakaba baburiwe irengero.

Ubwo bwato bwarohamye ku mugoroba wo ku wa gatandatu taliki ya 25 Gicurasi 2019, ku birometero 30 uvuye mu gace ka Inongo, umurwa mukuru w’intara ya Mai-Ndombe, ubwo bwarimo bwerekeza ahitwa Boliangwa.

Umuyobozi wa Inongo witwa Simon Mboo Wemba yavuze ko polisi yamaze gufunga kapiteni w’ubu bwato ndetse ngo iperereza riracyakomeje.

Abari gushakisha aba bantu baburiwe irengero,bavuze ko ngo kubona aba bantu bose bishobora kuzabatwara ibyumweru 2 cyangwa 3.

Mu kwezi gushize abantu 167 bapfiriye mu mato abiri yarohamye mu Kiyaga cya Kivu kubera ahanini ko bwari butwaye abantu barenze abo bugenewe gutwara.

Igihugu cya Kongo gifite ikibazo gikomeye cy’imihanda, bikaba bitoroshye kugera mu bitandukanye,keretse ugiye n’indege cyangwa n’ubwato.

Izi mpanuka z’ubwato zikomeje gutwara ubuzima bw’abakongomani, zababaje bikomeye perezida Félix Tshisekedi,ategeka ko abagenzi bose bagomba kwambara amakoti yo kwirinda impanuka.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Israel: Havumbuwe umusigiti umaze imyaka 1,200 wubatswe, abayisilamu bahita...

Abahanga mu kuvumbura amatongo [Archaeologists] bavumbuye umusigiti...
23 July 2019 Yasuwe: 1498 0

Perezida Trump arifuza kumva inkuru mbi iturutse muri Irani

Perezida wa Leta zunze ubumwe z’Amerika, Donald Trump yabwiye abanyamakuru...
23 July 2019 Yasuwe: 1683 0

Iran yatangaje ko yafatiye mu cyuho intasi 17 za USA zimwe izikatira urwo...

Igihugu cya Iran kitavuga rumwe na USA cyatangaje ko cyamaze guta muri...
22 July 2019 Yasuwe: 1979 1

Inkumi n’abasore 19 bajyanwe mu bitaro igitaraganya n’abasirikare nyuma yo...

Mu gihugu cy’igituranyi cya Uganda Ibitaro bya Soroti ejo hashize tariki ya...
22 July 2019 Yasuwe: 3743 0

Perezida wa Botswana yarokotse impanuka y’indege

Impanuka ni imwe mu bintu biba bitunguranye cyane kandi Abanyarwanda bo...
22 July 2019 Yasuwe: 1439 0

Umupadiri wari utwaye imodoka yasinze cyane yagonze pasiteri n’umugore we...

Mu gihugu cya Kenya haravugwa inkuru y’umupadiri watwaye imodoka yasinze...
21 July 2019 Yasuwe: 5106 1