skol
startimes

Reba bimwe mu byaranze inzira y’urugendo rwa Politike,Perezida Uhuru Kenyatta

Amakuru   Yanditswe na: Martin Munezero 29 November 2020 Yasuwe: 3584

Uhuru Muigai Kenyatta yavutse ku ya 26 Ukwakira 1961 ni umunyapolitiki wo muri Kenya akaba na Perezida wa Repubulika ya Kenya muri iki gihe. Yabaye Umudepite wa Gatandu y’Amajyepfo kuva 2002 kugeza 2013. Kugeza ubu, ni umunyamuryango akaba n’umuyobozi w’ishyaka rya Jubilee muri Kenya.


Uhuru mbere yari yarifatanije n’ishyaka rya Kenya Africa National Union (KANU) mbere yo kwinjira mu ishyaka rya The National Alliance (TNA), amwe mu mashyaka yunze ubumwe yiyamamarije kongera gutorwa mu gihe cy’amatora rusange yo mu 2017.

Ni umuhungu wa Jomo Kenyatta, perezida wa mbere wa Kenya Nyina yari umugore wa kane wa Jomo , yitwaga Mama Ngina Kenyatta. Yashakanye na Margaret Gakuo Kenyatta kuva mu 1991. Bafitanye abana batatu: Jomo, Jaba na Ngina Kenyatta. Uhuru yongeye gutorerwa manda ya kabiri akaba ari nayo ya nyuma mu matora rusange yo muri Kanama 2017, yatsinze 54% by’amajwi ya rubanda.

yatangajwe ku mugaragaro kuri televiziyo y’igihugu na Perezida wa Komisiyo yigenga ishinzwe amatora n’imbibi (IEBC) Bwana Wafula Chebukati. Icyakora, amatora ya Uhuru yamaganwe mu Rukiko rw’Ikirenga rwa Kenya n’umunywanyi we mukuru, Raila Odinga.

Ku ya 1 Nzeri 2017, urukiko rwatangaje ko amatora atemewe kandi rutegeka ko amatora mashya ya perezida aba mu minsi 60 uhereye umunsi icyemezo cyatangiriye. Amatora mashya ya perezida yabaye ku ya 26 Ukwakira, aratsinda, abitabiriye amatora bari 39%.

Uhuru ni umuhungu wa Jomo Kenyatta, waharaniye ubwingenge bwa Kenya akaba na perezida wa mbere wa republika ya Kenya (kuva 1964–1978), hamwe n’umugore we wa kane, Mama Ngina Kenyatta. Umuryango we ukomoka muri Kikuyu.

yiswe Izina “Uhuru” rikomoka ku ijambo ry’igiswahiri risobanura “umudendezo”, yaryiswe igihe Kenya yaritegereje kwi genga. Uhuru yize ishuri rya St Mary i Nairobi. Hagati ya 1979 na 1980, yakoze kandi muri banki y’ubucuruzi ya Kenya.

Yize ku ishuri ryitiriwe Mutagatifu Mariya, Uhuru yagiye kwiga ibijyanye n’ubukungu, ubumenyi bwa politiki na guverinoma muri kaminuza ya Amherst muri Amerika. Amaze kubona impamyabumenyi, Uhuru yasubiye muri Kenya, maze atagiza isosiyete Wilham Kenya Limited, yoherezaga mu mahanga umusaruro ukomoka ku buhinzi.

Uhuru yatorewe kuba mu nteko Ishinga Amategeko mu 2001, aba Minisitiri w’ubutegetsi bw’ibanze ku butegetsi bwa Perezida Daniel Arap Moi , nubwo atari inararibonye muri politiki, yatoneshejwe na Moi nk’umusimbura. Kenyatta yiyamamarije kuba umukandida wa KANU mu matora ya perezida mu kuboza 2002, ariko yatsinzwe n’umukandida utavuga rumwe n’ubutegetsi Mwai Kibaki ku majwi menshi.

Nyuma yaje kuba Umuyobozi w’abatavuga rumwe n’ubutegetsi mu Nteko. Yashyigikiye Kibaki kongera gutorwa mu matora ya perezida yo mu Kuboza 2007, agirwa Minisitiri w’ubutegetsi bw’ibanze na Kibaki muri Mutarama 2008, mbere yo kuba Minisitiri w’intebe wungirije na Minisitiri w’ubucuruzi muri Mata 2008 mu rwego rwa guverinoma ihuriweho.

Nyuma, Kenyatta yabaye Minisitiri w’imari kuva mu 2009 kugeza 2012, mu gihe yari Minisitiri w’intebe wungirije. Yashinjwaga n’Urukiko mpuzamahanga mpanabyaha (ICC) kuba yarakoze ibyaha byibasiye inyokomuntu bijyanye n’urugomo rw’amatora yo mu 2007, yeguye kuri Minisitiri w’imari ku ya 26 Mutarama 2012. Yatorewe kuba Perezida wa Kenya mu matora y’umukuru w’igihugu yo muri Werurwe 2013, atsinda Raila Odinga ku bwiganze buke.

Mu mwaka wa 2013, Uhuru Kenyatta yatorewe kuba perezida wa 4 muri Kenya hamwe na mu genzi we William Ruto . Uhuru na Ruto batsinze amatora ku majwi 50.07%, aho bahanganye cyane, na Raila Odinga na mugenzi we Kalonzo Musyoka wo mu ihuriro ry’ivugurura na demokarasi bagize 42%.

Raila Amolo Odinga yavuguruje ibyavuye mu matora mu Rukiko rw’Ikirenga ariko rwemeza ko amatora ya Uhuru yari afite ishingiro kandi ko amakosa nk’ayariho atagize icyo ahindura ku myanzuro ya nyuma. Uhuru Kenyatta rero yarahiriye kuba perezida ku ya 9 Mata 2013.

Uhuru yiyamamarije kuba perezida mu matora yabaye ku ya 4 Werurwe 2013 maze agira amajwi 6.173.433 (50.03%) ku majwi 12.338,667. Kubera ko ibi byari hejuru ya 50% hiyongereyeho ijwi 1, yatsinze amatora mu cyiciro cya mbere bityo yirinda kwiyamamariza hagati y’abakandida babiri ba mbere. Yatangajwe rero nka Perezida wa kane wa Repubulika ya Kenya na komisiyo yigenga ishinzwe amatora n’imipaka (IEBC).

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ingabo za Uganda zivuganye Abarwanyi 189 ba Al Shabaab

Umuvugizi wungirije w’igisirikare cya Uganda, Lt. Col. Deo Akiiki kuri uyu...
23 January 2021 Yasuwe: 5355 0

Leta y’u Burundi niyo iri gushyirwa mu majwi mu kugira uruhare mu iyicwa rya...

Polisi y’u Burundi iheruka kwereka itangazamakuru abagabo batatu n’umugore...
23 January 2021 Yasuwe: 7880 0

Ibiteye amatsiko ku mukobwa ukiri muto w’umwiraburakazi watangaje benshi...

Ku mugoroba wo kuri uyu wa Kabiri tariki 20 Mutarama 2021, Amanda Gorman...
22 January 2021 Yasuwe: 6222 0

James yaribeshye ajugunya Disike iriho Miliyari z’Amanyarwanda zisaga...

James Howells ufite imyaka 35, ku bw’impanuka yajugunye disiki ye ifite...
22 January 2021 Yasuwe: 6169 0

Uwari Minisitiri mu biro bya Perezida wa Afurika y’Epfo yishwe n’ingaruka za...

Kuri uyu wa 21 Mutarama 2021, Jackson Mthembu wari Minisitiri mu biro bya...
22 January 2021 Yasuwe: 3095 0

Shema ku myaka 7 gusa atwara indege[AMAFOTO]

Shema Graham ni umwana w’Umugande w’imyaka 7 y’amavuko gusa, ariko amaze...
21 January 2021 Yasuwe: 6797 0